আমদ অকারে 

 হেজ লেনাম মিৎ দিন 

নিশুন অক্তরে তেঁগোয়েনাম দুয়ৗররে । 

চেৎ ইঞ মেন চেৎ বাং আউরি উইহৗর 

তেগেম বলয়েনা —

দুড়ুব এনাম পান্তেয়েনাম ইঞ শালাঃ 

*                      *                       *

আমদ অকারে

একেন মেৎতেঞ ঞেল লেদা 

আমা সাঁড় বাহা রূপ যৌবন 

বার তিঞ লাহা লেদা আমসেদ —

মেনখান বাং—- 

বৗঞ সাব দাড়েয়াৎ মেয়া ।

*                       *                         *

ওডোক চালাও এনাম 

বৗঞ মেন দাড়েয়াদ গাতেঞ অকাতেম চালাঃ?

রুওয়ৗড় মে–একাল ।

তবেখান ইঞদ অকয় —-

অকয় হঁ বাং । ইঞদ হররেনাঃ মিৎ কেচাঃ কাগজ সাকাম ।

*                           *                           * 

এন্তেরেহঁ কড়াম পেরেজ দুলৗড়

দহকাতেঞ তাড়াম আকাদা 

আমগিঞ পাঞ্জায়েৎ মেয়া 

আমগিঞ দুলৗড় আম লাগিদ ।

মেনখান–আমদ অকারে । 

অনলিয়ৗ:শ্রী সুশান্ত মুরমু