আসাম রেন সান্তাড় কওয়াঃ কাথা //assam disom santal //Assam santal // Assam santal Culture

• তেহেঞাঃ দিনরে আসাম রেন সান্তাড় 

 রাজনীতি :- রাজনীতি ছেতম দ নিত হাবিঃহ বাং কেটেঃ আকানা । গোয়াল পাড়া (GUWAL PARA) জিলৗ রেন M L A মানতান শ্রী মাথিয়াচ টুডু (কং-ই) নিয়ৗ দম হঁ হেনায় গিয়ৗ ‌। ডিব্রুগড় (DIBRUGARH) জিলা রেন (M P)রাজ্য সভা মানতান শ্রী পৃথিবী হাঁসদা  (কুং-ই) হেনায় গিয়ৗ আর (EX-Social Welfare Minister) মানতান শ্রী দীপক মুরমু (কুংই ) নিয়ৗ দমে হারাওয়েনা । শিবসাগর জিলৗ রেন মানতান শ্রী দীনেশ হাঁসদা (C P I-M L) আর মানতান শ্রী রবীন টুডু (সি,পি,আই,এম,এল )বানাহড় পৗহিলা দম কিন অৗড় গো লেনা আর কিন হারাওএনা । শ্রী দীনেশ হাঁসদা আর শ্রী রবীন টুডু তিকানা (সি,পি,আই,এম,এল )সে (সি,পি,আই,এম) রেকিন তিঙ্গো লেনা নওয়া কাথা দ বাইং ঠিকৗ দাড়েয়াদা । রাজ্য নীতিরে দকি অৗড়গো য়াকানা । 

                             

আসাম দিশম সান্তাড় ক

হান্ডি:- মানয়া সে গিক জমেদা ঞোইয়েদা মেনখান হড়ম হাতাং রেদ অ্যাকসন জৗরুড় হোয়োঃ কানা । বেচ জিনিচেম জম ঞোই আন অনা রেনাঃ action হঁ অনকা গিম ঞামা । হান্ডি ঞো লেখান হড়ক বোল গিয়া । practical হঁ বন ঞেলেঃ গিয়া ।আব সান্তাড় সমাজ রে পুরখা খন গি নয়া রেনাঃ ছলম ধরম রেব ত লাকাদা । ধরম হতে তিগি সমাজ রে অৗডি বাড়ি লেকা Effect কানা । নারতা বাং খান ছৗটিয়ায় হিলঃ খন গি বালে গিদরৗবন ছেপেত অছয়ে কয়া আর ওন হিলঃ খন অনি গিদৗরা হান্ডি লেকান বাড়িঃ রাসা হাতাং আর হড়ম রেব থপরামাই কানা । নয়া দইং মেনা অৗডি বাড়ি পৗতয়ৗও কান তাবনা । বিশ্ব ধরম ডাহার কব ঞেলেদা মিমিঃ ধরম গটা পাছনাঃ কানা আর আবদ আতু টলা রিগি লেটে পেটে হেনাঃ বনা । অকা সেঃ খন গি বাব কেটেজঃ কানা । আবয়াঃ ধরম পৗতয়ৗওরে হেনাঃ আ যে পিলচু হাড়াম আর পিলচু বুড়হি হান্ডি ঞো কাতেগি মৗনমীক জানাম লেঃ কয়া । অনাতে আবহঁ হান্ডি ছডর আর ঞোই দ জৗরুড়া । পৗহিল মানমী সৃজন মেথড হোয়ইহঁ হঁ দাড়েয়াঃ আ । মেনখান দিনাম গিজে ঞোই লাগে নয়া রেনাঃ কন কারন বাইং ঞোলেদা । আর মিঃটেন কাথা বাপলা বিহা পরব পারচা নারতা ছৗটয়ার এমানমরে হান্ডি বাম এমাক খানক এগেরা নুই দই দিকুইনা । নয়া এগের রেগি শাস্তি দ বাং ছাবা লেনা থডা দিন সমাজ খন বেগর একলা কামাই । ইংদইং মেনা অকাটাঃ আবয়াঃ কানা । সানাম দিকুয়াঃ গিত অড়াঃ দুয়ার আর হুড়ম রে গো গো কাতেবন আছুরঃ কানা । কিতাপ কলম লোগড়ীঃ -লাপ দাতরম দাও কঁড় টেঙইঃ কৗটৗরি গাড়ী-মটর রেল গৗডী চাইকল মেডিকেল মেডিসিন থাড়ি বাটি সুনুম সিন্দুর সাসাং মশলা সাবুন রেডিও টিভি উড়ান জাহাজ আর হাটে বাজারে ছালাঃ খন দিকুয়াঃ হোটেল রে দুড়োপ কাতে চা-চপ মিঠাই পুড়ী দাকা এমানেমা জমএদা । নয়া রেদ কম দিকঃ আ ? হান্ডি ছলন বাম মানাও লেন খন গি দিকু দম হোয় এনা । দিকুক চেতান এদরেঃ রেনাঃ মুল কারন দ কানা দিকুক সুবিধা ঞেল ঞেলতে আব হড়ক শোষনেঃ কয়া আরক এড়েয়েঃ কয়া । চেদাঃ ?আব শোষন রেনাঃ ডাহারবন বানাওয়াক কান তিগি ওনকো সুবিধা ক ঞাম এদা । ইং দইং মেনা আম আলম এড়েঃ আ অকয়ই আমে এড়ে মেয়া । আম হঁ মানয়া কানাম ওনিহঁ মানওয়া কানায় । মেনখান আম হুডিং খন লেলহা কংকাম তাহেনা অলঃ পাড়হাঃ রেদ বাম ধুরাঃআ বাম ছেটকারঃ আ তবে খান আমাঃ সামী ঝান্টি রাপুঃ কাতে ডাঙারী জারুড় ফচল দই জমতামচ । মুঠৗন মানয়া দ আলম হুয়োঃ আ মানয়া লেকা হড়ম হারতা দিশৗ হুদিশ হাতাং ছেট কার দিল দাড়ে সৗরি ধরম পৗতয়াও আর মারাং বুরু জাঙ্গারে দিনাম বিন্তী বাখেড় রে ধূরৗঃমে সঙ্গে সঙ্গেতে অলঃ পাড়াঃরেহঁ আলম পৗছুঃ আ । এন্তেখান মিঃ বার সান্তাড় ছে  ছেতহঁ বাং হুয়োঃ সানাম সান্তাড় গি অলঃ পাড়হাঃরে বাং লাহালেন খান সমাজ রেনাঃ কাড়াঁ পাতয়াও আর শোষন বাং ছাবাঃ আ । মেনখান আসাম রিন সান্তাড় কদ হান্ডি তিগিক নাশাঃ কানা আর নয়াগি ধছং তাহেন খান নাশাও ছাবাঃআক । মেঃ চুররে সৗরি হতে দিশৗ কাতেহে মেন হোয়োঃ কানা ।

চরকার:- তুরুই সের্মা গান হোয়োঃ কানা Tea/ex-tea tribes হড়ক ভৗলৗই লাগিত আসাম চরকার Director of tea/ex-tea garden labour walfare department ঞুতুম কাতে এহব আকাদাই । নয়া হতেতে সানাম চাই ও প্রাক্তন চাই জনজাতিক নাহেল ডাঙরি কিরিং হাচু আচুল মেরম সিম গেডে আর এনেঃ সেরেৎ লৗগিত দরকারী মিউজিক্যাল ইনষ্ট্রমেন্ট ক কিরিং কাতে হড়ক আকয়াঃ কালচার এমান জীবেঃ দহয় আর টাকা পুইসা আরজাও লাগিৎ টাকা পুইসা গড়ই এমঃ কানা বলক হতে চাস আবাদ লাগিৎ বেস বেস গুড়ো জাং যাদ এমান লাগিৎ টাকা পুইসা গড়ই এমঃ কানা । কম দামতে অনাক কিরিং রেনাঃ আচ হই এমঃ কানা । আসাম টী এমপ্লয়িজ ওয়েলফেয়ার বোর্ড খন অলঃ পাড়হাঃ লাগিৎ পাঠয়া কড়া কুড়ীক লাগিৎ ষ্টুডেন্ট হোষ্টেল এম কানা । তিখা স্টুডেন্ট লৗগিত স্কলারশিপ হঁই এমা ক কানা । মেডিকেল ইঞ্জিনিয়ার নার্স পাড়হাঃ স্টুডেন্ট ক stipend ক ঞাম গিয়া । কেনসার লেপপ্রসি বেমারী হড়ক টাকা পুইসা গড়ক ঞাম গিয়া । মেন খান নয়াদ semi Govt. Department কানা মেডিকেল কলেজ ইঞ্জিনিয়ারিং কলেজ আর পলিটেকনিক ইনসটিটুয়েশান করে । Tea & Ex-tea Garden tribes হিসাবতে মিঃ বার রির্জাভেশন ক ঞাম গিয়া । মেনখান সারভিস রির্জাভেশন দ বানুঃ গিয়া ।

                            

আসাম দিশম আরিচালি

নয়াক লৗগিৎ অল আসাম টী ট্রাইবস স্টুডেন্ট অ্যাসোসিয়েশান নাঃ আন্দোলন ছালু হেনাঃ আ । নুকু ২০ টা দফা লে কাতেক আন্দোলন এদা !নয়া দফা রে tea & ex-tea tribe ক s/c আয় s/t রে লেখাক লাগে । All India Radio Dibrugarh Station হত সপ্তাহ রে বার দিন চাষ শ্রমিকর আসর হতে উছানঃ গিয়া । দেবার হিলঃ আয়ুব ৬-১৫ আর বৃহস্পতিবার হিলঃ ঞিদাঃ ৮ বাজারে । 

Board of Secondary Education Assam Matriculation Examination রে (M I L) গড় subject হিচাবতে santhal আড়াংতে অল লাগিৎ সুবিধাক এম আকাদা । Peper (II) group (B/C) কানা । (তোঁগেয়েনা )

অনলিয়ৗ:- শ্রী সত্যনাথ হেম্ব্রম (ডিব্রুগড় আসাম )