কারাম দ চেৎ কানা ? 

 নওয়া ঘারতী রে খেরওয়াল বংশ কওয়াঃ ফেডাৎ সৃজন দ কারাম দারে চেতান রেগে হোয় লেনা মেনতে সানাম কওয়াঃ পাতয়ৗও মেনাঃ তাবনা । অনাতে মেন গান কারাম দারে বুটৗরে বঙ্গাবুরু দ আডিমারে কাথাকান গেয়া । অনাতে পালেন সান্তাড় সমাজরে মানমী ক গজ লেন খান তেল নাহান হিলোঃ দ নওয়া কারাম সাকমরে জম কাতেগে ছুয়ৗৎ দ চাবাঃ কানা অনাতে সান্তাড় সমাজরে উল মাতকম সারজম দারে লেকাগে কারাম দারে রেনাঃহঁ মৗন দ আডি তেৎগে মেনাঃ গেয়া । সাঁওহেৎ পাহাটাখন ঞেল লেখান বাডায়ঃ আ কারাম খনগে কামি স্যে কৗরমু কাথা দ আর ধিরিখনাঃ গে ধর্ম স্যে ধারমু কাথা দ হেজ আকানা অনাতে কাথারেক মেনাঃ কামিগে ধরম স্যে Karam is Dharam করমই ধর্ম ।

                      

কারাম দ চেৎ কানা ?

গুনমান অনলিয়ৗ মানতান ধীরেন্দ্রনাথ বাস্কে তিকিনাঃ কাথা লেকাতে কর্ম গে ধর্ম কানা । অনাতেগে কারমু আর ধারমু দ আকিনাঃ দুঃক সাহা লাগানতে স্যে রেগেজ নাচার রেনাঃ দুক দরয়া খন সাহাঃলাগান তে কারাম গসাই দ কিন বঙ্গা আদে তাঁহেৎ আ । অনা তেগে পালনে কারাম দ সুক সাঁওয়ার রেনাঃ চিহ্না কানা মনেরে পৗতয়ৗও মেনাঃ আ । কারাম বঙ্গা দ মিৎটাং পরব মেনতে বাডায় আকানা মেনখান  নওয়া দ মিৎ সাঁওহেৎ বাবন মানাওয়েৎ কানা । নওয়া দ আর হঁ আয়মা থাকরে হাটিঞ মেনাঃ আ যে লেকাঃ (১) সমাজ কারাম (সানাম কতে )  (২)অড়াঃ কারাম (মিৎবার ঘারঞ্জ অড়াঃতে )।

                            

কারাম দ চেৎ কানা ?

১. সমাজ কারাম :- 

সমাজ রে আয়মা থক মেনাঃ আঃ (ক) গমহা কারাম (রাখী পূর্নিমা) (খ) ইদে কারাম (ভাদর একাদশ ) (গ) সহরায় কারাম (সহরায় কুনৗমি ) (ঘ) মাঃ মড়ে কারাম (আষাড় কুনৗমি ) ।

২.অড়াঃ কারাম:-

অড়াঃ কারাম রেনাঃ হঁ আয়মা থকরে হাটিঞ মেনাঃ আ য়ে লেকা (ক) ঘারঞ্জরে সুক সাওয়ার কারাম (খ) ভাঁডান অক্তে কারাম (গ) গুরু চেলা কারাম । নওয়া ক কারাম দ আয়মা জায়গা রে নানা হুনৗর ক  মানাও বাতাও এদা নেতার দ মানাও বাতাওরে আয়মা ভেগেৎ ভেগেৎ ঞেলঃ কানা নওয়া ক কারাম দ সানাম কগে ক মানাও আগুয়েৎ কানা নওয়া কারাম রেদ আতো রেন আয়মা হড় সাঁওতে মাঝি গডেৎ কঁহ ক লাগাঃ কানা । </

১.সমাজ কারাম :-

সমাজ কারাম রেদ কারাম ডৗর দ সেতাঃ গঃ অক্তে ক আগুয়া আর সিঞতে এনেজ সেরেঞ রৗস্কৗ বাড়া কাতেৎ বেড়া হাসুরঃ অক্ত ক ভাসানা ।

২.অড়াঃ কারাম :-

অড়াঃ কারাম স্যে খারঞ্জকারাম রেদ কারাম ডৗর দ সিঙ্গীড় বেড়া ক আগুয়া আর ঞিদৗ বেড়া কারাম গুরু ক বিন্তি বাখেড়া আর দশার হিলোঃ সেতাঃ বেড়া বৗরওয়ৗ ক তুপু সাফাবাড়া জম ঞুয়া আর এনেজ‌ সেরেঞ কাতেৎ দশার হিলোঃ আয়ুব বেড়া ক আতুয়া ।

আপান আপিন কারাম রেদ আঘাড় বঙ্গা গে বাড়তি কায়তেক কারামঃ কানা । নওয়া কারাম দ মৗড় কারাম আর পেড়া হক নেওতা কওয়া । আর নওয়া অড়াঃ স্যে খারঞ্জ কারাম রেনাঃ মৗড় স্যে বঙ্গা কারাম গে সরেশ কারাম কানা ।