চাম্পা দিশম ধাসাও রেনাঃ কাথা//champa disom ধাসাও// champa disom ren horko //

 চাম্পা দিশম ধাসাও তায়ম অকারে খেরওয়াল? 

মারে হাপড়ামকোঃ কাথালেকাতে মিৎ অক্ত চাম্পা দিশম খন খেরওয়াল আডি তায়ম দিশম করে ক ছুড়য়ৗওলেনা । চাম্পা দিশম ধাসাও রে আডি আয়মা কারন তাঁহেকানা । এনতে মান্ডি ক সালাঃ কিস্কু বেসরা ক সালাঃ টুডু আডি জোর ক লৗড়হৗয়লেনা । অনা বেগর দিকু বদিয়ৗ জাতি বাহের দিশম খন চাম্পা দিশমরে বলকাতে খেরওয়াল সাঁও ক লৗড়হৗয়লেনা । অনা লৗড়হৗয় আডি সেরমা ধুরয়ৗ হুয়ুলেনা । অনা সাঁওতে মাধো সিং ঞুতুমান মিৎ বাড়িজ হড় জালাতে খেরওয়াল ক চাম্পা দিশমখন আডি আয়মা দিশমতে ক টুডৗংলেনা । 

চাম্পা দিশমরে নংকা আডি আয়মা কারন হতেতে জাঁহা দিশম করে ক টুডৗংলেনা অনাক মুদরে মাড়াংতেদ তোড়ে পুখরি আর বাহা বান্দেলা দিশমতেক দৗড় লেৎ -আ । অঁডে আডি দিন নাপায়তেক তাঁহেকানা । মেনখান ঞেলেনা অনা চাম্পা দিশম জাঁহায় দিকু ক দখলান তাঁহে উনকু দিকু অকা লেকারেচ অনা তোড়ে পুখরি বাহা বাঁদেলা দিশমরেক বললেনা । উনরে খেরওয়াল আর হঁক বতর সাতলাঃ আর ভাডুমভাঃলেনা উনরে  দিশমরেন হড় থোপে সারজম লাবাড় আতনাঃ লাডেয়া মাতকম বুটৗরে পরায়নি সাকম আটেদ কাতে কাডি দাঃ ঞু-ঞুতে গেলবার সেরমা গেলবার মাহা আচার বিচৗর লেদাক । উনরেক গটালেদা জানাম হিলোঃ ছৗটয়ৗর হিলোঃ বিহৗ বাপলা হারনা -জরনা হিলোঃ মালিজং মামলাজং আবন । উনরে মারে হাপড়ামকোয়া লাকচার হঁক পালটাওলেদা । চেদাঃ সে উনতেদ বাহের দিশমরে দিকুক সালাঃ আকোআ লাকচার মেসা মিৎলেনা । সেদায় যুগরে খেরওয়াল গজ হড় বাংক রাপাঃ ক তাঁহে । গজ হড় নৗয়তেহঁ বাক ইদি ক তাঁহে খালি তপায়েৎ ক তাঁহে । আরহঁ ঞেল আকানা বিহৗ বাপলারে সিন্দুরহঁ বাংক ব্যওহার তাহে । নোআদ বাংমা উনকু দেকু ঠেনক চেৎ আন তাঁহে । 

চাম্পা দিশম ধাসাও

অনা তোড়ে পুখরি বাহা বাদেলা দিশমরে আডি দিন তাঁহেন তায়ম কড়া হপন দ ইনৗঃ বুটৗরে আর কুড়ি হপন দ মাতকম বুটৗরেক রাকাব লেনা । অনা ইচৗঃ মাতকম বুটৗরে আডি দিন নাপায়তেক তাঁহেন কানা  । অনা ইচৗঃ মাতকম দিশমরে আডি দিন তাহেন তায়ন অডে খনক দৗড় লেৎ আ । চালাঃ চালাঃতে বাড়ি বাডওয়া বিরক ঞামলেদআ । অঁড়ে ইন হাবিচ অকয়হঁ তিসহঁ বাংক বললেন খাতির খেরওয়াল বনল ক বতর লেনা । উনরে পানতে পানতে বিরক পারমলেনা । অনা বির খন জনা জসপুর টাঁডিরেক উডুক জাওরালেনা । অনা জনাজসপুর টাঁডিতে আডি দিন ক তাঁহেয়েনা । অডেহঁ আডি দিন বাংক টারহাও দাড়েয়াদা । অদেক দক চালাও এনা খাসাপাল আদেকদ বির দিশম আদেকদ শিখৗর দিশম অকয়দ নাগাপুর হানতে নাতেক জাঁদেমা তাঁদেএনা । উনখন খেরওয়াল দিকু সালাঃ আরহঁ দমেক মেশাএনা । অনা শিখৗর দিশমরে আডি দিন তাহেন তায়ম সাঁত দিশমতেক পারমলেনা । অনা সাঁত দিশমরেগে খেরওয়াল চেতা ক সানতাড় আকানা ।

চাম্পা দিশম খেরওয়াল ‘ক

শিখৗর দিশমরে তাঁহেন অক্ত গটা বির খেরওয়াল ক মাঃ টাঁডিলেদা আর গিরৗবাসি লেনা । খেত হাসা অড়াঃ দুয়ৗর সানামাঃ ক তেয়ার লেদা অনাহঁ সানাম দিকুক হাতাও লেদা ।

সাঁত দিশম খন খেরওয়াল টুডি দিশমতেক সানতাড় পারমলেনা । টাঁডি দিশম খন অজয় গাডা পারম কাতে নিতরেনাঃ সানতাড় পরগনাতেক পারমলেনা । অঁডে খন বেঙ্গল উড়িসা আসাম এমান টঠাকরে খেরওয়াল জিউয়ি আর লাজ জালাতেক টুডৗংলেনা নংকা কাতে খেরওয়াল চাম্পাদিশম ধাসাও তায়ম আয়মা দিশমতেক পাসনাও আকানা ।