জানাম আড়াং দ চেৎ ক মেতাঃ আ?

আয়া বাবা যাহা পৗরসি তেকিন রড়া আর আকিন ঠেন ঘন গিদরৗ যাহা পৗরসি ক চেৎ আ অনাগে আয়ো আড়াং সে জানাম পারর্সিদ আর অনা রেনাঃ মহত্ব দ আডি হামাল গেয়া । নওয়া মহত্ব রেনাঃ কুড়ৗই এমদ আডি আনাট কাথা কানা । জানাম আয়ো দোয়া দারেয়াঃ যাহা তিনৗঃ মৗন মহত্ব সে অৗয়দৗর মেনাঃ আ উনৗঃ গে গুনমান জানাম মৗন পৗরসি সে আয়ো আড়াং রে মেনাঃ আ । জান্তুনাম আয়ো দোয়া দারে চেৎ লেকা আয়োঃ মায়া সেত তে বেনাও আকান গিদরৗ চুরুজ চুরুজ তে সোহাগ দুলৗড় এম কাতে চেরেদ হারায় যায়। অনকাগে জানাম পৗরসি হঁ জাতি সাঁওতায় হারা বুবু পৗরসি তালা তেগে সাঁওহেদ লাকচার হঁ সাগেন রাকাব আ ।

জানাম আয়ো আর জানাম পৗরসি রেনাঃ সৗগৗই দ মামনি হপন ঠেন  নৗই দরয়া লেকা তপন মেনাঃ আ । নৗই চেৎ লেকা বেনাও কাতে অগম দরয়া রে লিঙ্গি মিদুঃ আ । অনকাগে জানাম আয়োরেন সোনা বারক হপন হঁ জানাম পৗরসি লেকানাঃ দরয়া রেগেক পায়রা আ মানমী সিরজন তায়ম পৗরসি সিরজন হোয় লেনা । পৗরসি পৗরসি দ মানমী হতেতে সিরজনঃ জিনিস কানা । দারেনাড়ি জীব জিয়ৗলী লেকা গে মানমী হঁ আডি লেকান ক মেনাঃ বনা হডিঞ হাপড়াঃ কেঁদে এসেল । অনকাগে নওয়া ধুড়ি ধারতীরে আডি লেকান পৗরসি মেনাঃ আ। মনে রেনাঃ কাথা সে ভাব রাসা সদর লাগিৎ আবরেন পাহিল হাপড়াম ক তাক রেনাঃ রেঁগেজ তেতাং মানে সানাম ভাব উইহৗর কালারে নৗই গাজা দাঃ লেকা লাগি আকা মেনাঃ আ । নওয়া পৗরসি ঝারনা রেনাঃ দাঞ কাতে গে আর সাঁওতারেন হড় দ জেওয়েদ মেনাঃ বনা । আয়ো আড়াং সে জানাম পৗরসি দ হড়ম মায়াময় জিউয়ী সালাঃ তে জপরাও মেনাঃ আ। অনাখাতিরতে জানাম পৗরসি দ জানাম জাতি রড় ঠেন মাঝে আব আলগা গেয়া । অনা তেগে পালনে দুক অনাটরে ঞুর লেখান আয়ো মেন্তে বন আড়াং গদা ।

                      জানাম আড়াং চিতৗর

                      Santali cultlure

যাহায় জানাম পৗরসিতে রড় লাগিৎ এ লাজাঃ আ উনি আয়ো জানাম আয়ো গে আয়ে মেন্তে বায় হঁহঁ আয়া । এনখান উনদ অকালেকান এগাৎ হপন হঁহঁ জানাম আয়োদ রেঁগেজ রে হঁ জানাম পৗরসিগে । অনা তে গুরু গমকে পন্ডিত রঘুনাথ মুর্মু আ অনড় হেঁ রেনাঃ পারতুল উইহৗর দহ জানাম আয়োই রেঁগেজ রে হঁ উনিগেয় হারা আ । জানাম রড় দ নিধৗন রেহঁ অনাতেগে সেঁড়া আ । নওয়া কাথা দ গাহির উইহৗর রেনাঃ বিষয় কানা । মানমী সির্জন সাঁওতে লাকচার হঁ সর্জিন আকানা নওয়া রেনাঃ সিরজৗও কিন দ মহা মানমী পিলচু হাড়াম পিলচু বুড়হি । উন কিন যাহা লাকচার কিন চাল হট দাঃ বনা অনা লাকচার জিয়ৗড় দহ একাল গে লৗক কানা । জানাম পৗরসি দ দরয়া রে পারম চঙ্গা কানা যাহা চঙ্গা রেন আব সানাম মানমী দ লৗওড়িয়ৗ কানাবন ।