• বাহা পরব রেনাঃ দসার পাঠ রে সাগুন দারাম
 |
| Baha parab |
বাহা বগাঁ রেনাঃ নিয়ম নেমাচার আর সিরজৗও হরা
সেতা খন গে নায়কে এরা সাঁওতে আতো রেন তিরলৗ হড় ক লুগড়ি লাপো ক তিকি সবৎ ফারচয়া । কড়াকুড়ি সানাম কগে উম ফারচা নাড়কা ফারচাঃ আক ।
নায়কে দ বগাঁ সাপাপ ক দাং ঘটরে ইদি কাতেৎ এ অৗরুব ফারচায়া । আতো রেন কড়া গিদরৗ কদ বির তেক চালাঃ আ ।সারজম ঢৗওরৗঃ মাঃ আগু কাতেৎ জাহের সাড়িম ক দালবা ।
জাহের সাড়িম দ পুব পছিম তেক দালবা সাড়িম দ পুছিম সেংগে আড়গো তাঁহেনা । মাঃ মড়ে আর বাহা বগাঁ রেদ পে ঠেন জাহের সাড়িম ক তেয়ারা। অনা সারজম বুটৗরে মিদটাং অনা দ জাহের এরা মারাং বুরু আর মড়ে ক তুরুই ক লাগিৎ তে ।
অনা খনাঃ জজম তি সেৎ সাহা ঞঃ রে গোঁসাড়ে ঞুতুম তে । আর মিদটাং দ জাহের টান্ডি রেগে বল বদঃ লেগাঁ তি সেৎরে মাঝি বগাঁ ঞুতুম তে ।
গোসাড়ে আর মাঝি বগাঁ দ ঝিরি চাতম বিৎ অৗকিন রেহঁ গানঃ গেয়া মদটাং সারজম ডৗর বিৎ কাতে খড়তে চাতম লেকা দ দালবা ।
অনা তায়ম জাহের থান ঠেন পেয়া গাঁড়ো মৗচি দ ক বেনাও আ ।
আতো রেন কড়া গিদরৗ কদ অড়াঃ তেক রুওয়ৗড় আ।
তারাসিঞ বেড়া আযৗব নায়কে দ তেকে সবৎ লুগড়ি তে ভাগওয়া পাঠে কাতে জাহের রে সেন কাতে জতম বগাঁ থান ত্র গুরিচ ফারচায়া ।তিনৗঃ বগাঁ থান মেনাঃ আ ।
জতম রেন উনকু ঞুতুম কাতে পে টিডৗঃ কাতে সুনুম সিঁদুর এ টিডৗঃ গা। অনাদ উনকু ক ঞুতুম তালাতে ইনৗ হিলঃ লেকাতে জতম এ চেঁহেগাও রাকাব কওয়া । ইনৗ কাতে গে নায়কে হঁ আদ অড়াঃ এ রুওয়ৗড় হিজুঃআ ।
অড়াঃ রে রুওয়ৗড় হেচ কাতে তালা রাচা রে মিদঠেন গুরিচ ফারচা কাতে থান এ তেয়ারা । অঁডে অড়াঃ ভিতরি খনাঃ বগাঁ সানাম সাঁওতে সাপাপ ক হাটাং রে হেরমেৎ কাতে উডুক আগুয় তে দহ য়া ।
অনা থান উনকু বগাঁ ক দিসৗ কাতে পে টিডৗঃ কাতেঃ সুনুম সিঁদুর এ টিডৗঃ গা আর বগাঁ সাপাপ করেৎ হঁয় সিঁদুরাঃ আ । ইনৗ হিলঃ লৗগিৎ তে অনা থান রেগে জাহেররে চালাঃ লাহারে বগাঁ বুরু ক অড়াঃ খন উডুক কাতে অডেঁয় থৗমিৎ কেৎ কওয়া । অডেঁ খন গে জাহের তে ইদি হুয়ুঃ আ।
নায়কে দ মিদ ঞিদৗ অড়ঁয় অতরে দুড়ুব কাতে এ হর হ আঁগায়া । পারকম পৗটিয়ৗ চেৎ হঁ বেওয়ার দ বাং
গানঃ তায়া । মেনখান আঞ্চার তেৎ আটেৎ গানঃ আ । আতু সানাম হড় আযৗব তরা খনগে বগাঁ অড়ঁহে তেৎ আটেৎ দ গানঃ আ । বাবা হড় কদ তুমদা টামাক আর আয়ো হডর কদ সেরেঞ এনেজ তালাতে বগাঁ ক ক
অড়ঁহে কওয়া ।
কড়া হড় কদ ক দন এনেজ আঁগায়া ‘ ‘ “মএতহব রে উম নাড়কা ইদি কাতে অড়ঁহে সেরেঞ”
( রাহা দ “বাহা “)“অকয় দ গোয় স-সবৎ কান হো়▪▪▪▪জা গসাঁই সস ঘৗটি ঘাট রে ?অকয় দ গোয় উমে নাড়কাঃ ঘটরে ?জা গসাঁই মেরাল ঘৗটি ঘটরে ?নায়কে এরায় স-সবৎ কান হো ▪▪▪▪জা গসাঁই সস ঘৗটি ঘট রে ,নায়কে হেরেল এ উমে কা হোজা গসাঁই মেরাল ঘৗটি ঘট রে ।উম রেদ হো নায়কে নাড়কা রেদ হোঅৗগুযাসাং হো নায়কে নাড়কা অতেগর হাসাঅট ঘৗটি রে নায়কে নাড়কা গিডিয় মে,মেরাল ঘৗটি ঘাট রে ।
বাবা হড় কক রু তড়াওয়া ,আয়ো হড় ক-ক এনেজ আ, কড়া হড় কদ কুলি কুলি কাতে ক দন রু দ বাহা গে । অনকা কাতে গে আদ আখড়া ক তারকাও ইদিয়া ।
” সেরেৎ রাহা দ অনা কগে “
ধিরি গড় সিনি ধিরি গড় সিনি , নতে ধিরি গড় সিনি ,ধিরি গড় সিনি,ধিরি গড় সিনি, রতন মা কাপাট (তেলায়াক আর ক তড়াওয়াঃ আ )
লুগু মা বুরুরে যা গসাঁই ধিরি গড় সিনি ,ঘন্টা মা বাড়ে রে ,যা গসাঁই রতন কাপাট ঝিজ উডুক কম সে ছিতৗ মড়েঁ কদ ।
রাড়া উডুক কমসে কৗপরৗ দর পতি তুরুই কদ ।
জহার 🙏
More Stories
Santali Love Story Kahani ধূড়ি সিঁদুর Part-8//new santali love story kahani 2024
Santali baha song lyrics
History of the Santhali Script” সান্তাড়ী চিকি রেনাঃ ?History of the Santhali Script” সান্তাড়ী চিকি রেনাঃ নাগা অলমে ?