মানমি সিরজনরেয়াঃ কাথা

 মানমি সিরজনরেয়াঃ কাথা !

                                  

মানমি সিরজন

জমসি বিন্তি হুয়ুঃকানা খেরোআল সাঁওতারেনাঃ ধরম বিনতি সে ধরম পুথি । নোআ পুথিরে মেনাঃ-আ ধারতি সিরজন মানমি সিরজন মানমি সিরজন আর মানমি বৗড বোরকেত সাঁগেয়েন তায়ম ধারতিরে অকালেকা জিয়ন ক খাঁডাও-আ অনারেনাঃ নে-নেমাচাররেনাঃ কাথা রড় সে খদা মেনাঃ-আ । 

                                  

জমসি বিন্তি

জম সিম বিনতিরে মেনাঃ-আ চৗওঁরিয়ৗ মেলারে ঠাকুর আর আজরেন দেবদেবালো মিৎ গালমারাওরেক দুপুডুবলেনা । অনা গালমারাওরে ধারতি ক বেনাও মাড়াং-আ মেনতেক গটাকেদা । অনা লেকাতে ঠাকুর আজাঃ অং আর মায়া মাহড়া দাড়েতে কাড়াং ঞুতুঃ খন হুরহুর ভান্ডো হয়তে ধারতি বেনাও লেদা ।পুয়লুতে অনা ধারতি একেন ধুড়ি টাঃ টাঃগে তাঁহেকানা । দসার গালমারওরে অনা ধারতি খোলন লাগিদ জিয়িক সিরজলেনা । মেনখান অনা লাগিদ দাঃরেনাঃ লাকতি হুয়লেনা । অনাতে ঠাকুর আজাঃ বারছি হাপা অতরে বিদকাতে গজমতি হাতি লেবেদ হচকেদেরে অনা বারছি হাপা অত ভিতির বলয়েনতে দাঃ টুনটি তোদলেনা । মিৎ ঘাড়িচতে গটা ধারতিপুরি জলক পুরিরে আরুলেনা । ঠাকুর তোকোআঃ গালমারাও লেকাতে মাড়াংতে দাঃ সেয়ালম দাঃ জিয়ৗলি তায়ন মাগাড় ইচৗঃ কাটকম লেঁডেৎ হাকো আর লেকান আয়মা দাঃ জিয়ৗলি তেয়ারলেদ কোআ । অনাতেহঁ ঠাকুর তেকোআঃ মনরে আঁশ বাং তিরপিতলেন তাকখান আর হঁ চৗওরিয়ৗ মেলারে ক দুপুড়ুবলেনা । উনরে ঠাকুর লিটৗতেক গালমারাও লেদা অকালেকারে আক অনা ধারতি পুরিরে দেবা সেবা ক ঞাআ । চেদাঃ সে উনকু দাঃ জিয়ৗলি ঠাকুরতেক দ অহ ক দেবা সেবা কেকোআ । উনরে দাঃ আর সরগপুরি দাঁড়ান লেকা বার চেঁড়ে বেনাও ক গটালেদা অনা আঁগিভার লিটৗগডেত মারাং বুরু চেতানরে লাদে তাঁহে কানা । লিটৗগডেত দাঃরেনাঃ সিরম রেহেদরেন বারয়া হাঁস চেঁড়ে বেনাও লেদ কিনা । উনকিন  চেঁড়ে ঠাকুর অংকাতে জিউয়িয় এমাদকিন তাঁহে । উনকিন হাঁস হাঁসিল জিউয়ি ঞাম কাতে অগম দরয়া আর ঞালাৎ সেরমা পুরিরে কিন উডোও পায়রায়েনা । নংকাতে দিন দিনতে হাঁস হাঁসিল কিন হারা জুওন এনা । অগম দরয়ারে পায়রা এনেজ পায়রা এনেজতে মিৎদিন সিরম ধুঁদ কারাম দারে চেতান তুকৗরে উনি হাঁস-হাঁসিল চেঁড়ে অনা বেলে ঘাসাওআ আর হাঁস দ জমাঃএ আগুয়ায় । নংকা কাতে মিৎ দিন ঞেলেনা হাহাড়াঃগে ঠাকুরাঃ মায়া মাড়হা দাড়েতে অনা বেলে  খন বায়রা মানোআ হপনকিন বুসৗড়লেনা । লিটৗ নংকান চিতৗর ঞেলকেদ খানে স্বরগপুরি চৗওরিয়ৗ মেলারে খবরে সেটের লেদা । সারিগে অনা ঘটন ঠাকুরতেকক ঞেলকেদা । সারিগে ঠাকুরতেকক ঞেলকেদা আক লেকাগে আডি চরক বারয়া মানোআ হপন কিন বুসৗড় আকানা । ঠাকুরাঃ কুকমু সারিএন তায়া । সানাম দেবদেবালো রৗস্কৗতেক চেহেল চেপেলেনা ‌। উনকিন মানোআ হপন হারাবুরু আর ঞেলদারাম দায়ভার ক এমাদেয়া । আর ঞুমাদ কিনা ক পিলচু হাড়াম আর পিলচু বুঢি ।

                                   

পাহিল হড় 

লিটৗ গডেতাঃ আরদাস লেকাতে উনকিন পিলচু তিকিন লাগিদ ঘুটু বেনাও রেনাঃ ক কুরুকুটুলেদা । উনরে হাসা দিপিল লাগিদ ঠাকুর হর রাজে রেবেন হচ লেদেয়া ‌। হররাজাঃ দেয়ারে হাসা রাকাব লাগিদ ইচৗঃ কাটকম আর লেঁডেৎ এ আচুলেৎ কোআ । ইচৗঃ আর কাটকম বাংকিন দাড়েয়াঃ খান লেঁডেৎ দরয়া পাতাল খন হাসা জমকাতে হররাজাঃ দেয়ারে গিডি পেরেজলেদা । নংকা কাতে জলক পুরিরে ঘুটুক বেনাওলেদা । অঁডে ঠাকুরতেক ধুবিঘাঁস লেকান আডি আয়মা দারে নাড়িক পারচাওলেদা । লুটৗ আরে (৯) মাহা হিলোঃ হিহিড় পিপিড় ঞুতুমান জায়গারে পিলচু তিকিন বয়হা তালারে বাপলা সৗগৗয় জড়াওকাতে পিলচু তিকিনরেন এয়ায় কড়া আর এয়ায় কুড়ি ক জানামলেনা । তায়ম দারামরে উনকু হঁ আক তালারে বাপলাকতে আডি আথাম মানমিক বৗড বোরকেতলেদ কোআঃ । নংকা কাতে ধারতিরে মানমি ক সিরজন আকানা মেনতে জম সিম বিনতি খন বাডায় ঞামঃ কানা ।।

Santali dasay /দাঁশায় চেদাঃ বন দাড়ান আ ?
Santali dasay /দাঁশায় চেদাঃ বন দাড়ান আ ?
Santali dasay /দাঁশায় চেদাঃ বন দাড়ান আ ?
Santali dasay /দাঁশায় চেদাঃ বন দাড়ান আ ?
Santali dasay /দাঁশায় চেদাঃ বন দাড়ান আ ?
Santali dasay /দাঁশায় চেদাঃ বন দাড়ান আ ?
Santali dasay /দাঁশায় চেদাঃ বন দাড়ান আ ?
Santali dasay /দাঁশায় চেদাঃ বন দাড়ান আ ?