●Sohrai Parab Part 2
সানতাড় হড় কওয়াঃ নওয়া সহরায় পরব দ আডি সরেশ আনাঃ মিৎটাং পরব কানা। নওয়া পরব দ ডাংরি, কাডা অনা সাঁওতে মানমী কওয়াঃ হঁ পরব কানা।
নওয়া পরব দ সানতাড় হড় ক সেরমা রেনাঃ আকওয়াঃ এটাঃ এটাঃ পরব ক খনাঃ দ নুনৗঃ গে লাঠু ক মনেয়াকাৎ আ যে কাথা তেহঁ অনা দক লৗই উতৗব আকাৎ আ হাতি লেকান সহরায় ।
মেনেৎ দ হৗতি সাঁওক তুলুচ্ আকাৎ আ । সহরায় চাঁদো রেনাঃ উমৗ হিলঃ নওয়া পরব রেনাঃ এতহব দ । সহরায় পরব বাখরাতে মানাও ইদি কাতে -দ, পেয়া মাহা তে হাটিঞ আকানা ।
●এতহব মাহা~
দ উমৗস ইনৗ হিলঃ দ আতো হড় ক গট টাঁন্ডি রেক বঁগাঃ বুরুঃ আ ।আর ঞিদৗ অক্ত দ কাডা ডাংরি ক-ক জাগাও কওয়া ।
●দসার হিলঃ ~
দ আড়াঃ দারাম ইনৗ হিলঃ দ আপান অৗপিন অড়াঃ করে ক বঁগাঃ বুরু আ । ডাংরি কাডা ক অনে হলং তে বেনাও খঁড খঁড তে উনকু কওয়াঃ জাঁগা পাঁজা কক আয়ুর বলয় তাকওয়া । উনকুওয়াঃ অনা বলন অক্ত রে খঁড়রে জমাঃ ক-ক দহ ইদি কাঃ আ ।
● তেসার মাহা~
দ খুন্টৗও । অনা হঁ বার হাটিঞ তেক হাটিঞ আকাৎ আ মিদ দ আতো খুন্টৗও আর দসারঃ দ দিশম খুন্টৗও। দিশম খুন্টৗও দ, অনে অকা হিলঃ খুন্টৗও মাহা ক লৗইয়েৎ কানা অনা দসার । অনা দ জতম আতো রেদ বাং হুয়ুঃ আ । খুন্টৗও পরব রেদ সানতাড় জাতি হড়-ক আকওয়াঃ অড়াঃ।
দু
 |
| Sohrai |
ওয়ৗর রিলি ফিলি ক ফারচায়া । হপন এরা মিশরা ক-ক নেওতা আগু কওয়া নিতঃ দ মি-মিদ্ মাহা রেনাঃ কৗমি হরা ক অনে পাশনাও সৗঁহিচ্ ইঞ অল এৎ কানা ।
উমৗস মাহা- ইনৗ হিলঃ সিঞ মারসাল দ আতো হড় ক গট বঁগা ক বঁগা আ নওয়া দ গট সিম হঁক মেতাঃ গেয়া । নওয়া বঁগাঃ দ জাহের থান রেদ বাং ক বঁগাঃ আ । হানে আতো রেন ডাংরি কাডা ক অকা পুড়য়ৗ রেক গট কওয়া অনা গট টাঁন্ডি রেক বঁগাঃ আ ।
ইনৗ হিলঃ দ আতো রিনিচ্ গোডেৎ সেতাঃ খনগে আতো অড়াঃ রেন গিদরৗ ক সঁগে কাতে অড়াঃ অড়াঃ মিদটাং কাতে সিম এৎ সাব্ কওয়া । উন অক্ত গে গট টাঁন্ডিরে সোড়ে লৗগিৎ কঁড়া চাওলে হঁয় উঠৗওয়া।
বুলং সাসাং কঁহ হানে মাগসিম অক্ত লেকাগেয় উঠৗওয়া। নায়কে হঁ বৗসয়ৗম সাঁও সাঁওতেগে তেগে সবৎ ফারচা লুগড়ি তে পাঠে কাতে হাটাঃ হেরমে়ৎরে হানে মাগসিম রে সাপড়াও লেন লেকাগে সাপড়াও কাতে গট টাঁন্ডি তেক উডুক চালাঃ আ ।
আতো হড় কহঁ নায়কে সাঁওতে গট টাঁন্ডি ক সেটেরঃ আ। নওয়া গট সিম বঁগা দ মাগসিম লেকাগে । নওয়া রেনাঃ খঁড় কহঁ মাগসিম লেকাগে আর উনকু -ক বঁগা ঞুতুম তেগে তেয়ারঃ আ। নওয়া বঁগাঃ রেহঁ সৗগুন ঠিলি আর বারয়া সিম বেলে বঁগা থান লাহা সেৎ রেক দড়ম ।
হানে মাগসিম জম অক্ত সিম বুসৗঃক অকা লেকা নেয়াম কাতে অৗতঞ হুয় লেনা অনকাগে নায়কে দয় আতিঞ কওয়া । লাহা দ মারাং বুরু ঞুতুম তে উন অক্ত রেনাঃ বাঁখেড় ……………..
জহার গঁসাই মারাং বুরু মা এনখান
নঃ অয় গট সিম ঞুতুম তেলে
এম আম কান চাল আম কান গঁসাই ……
সুকতে সাঁওয়ারতে আতাং কাঃ গঁসাই ।
মা গঁসাই আলে জতম্ কাঁড়া মানমী
যা গে অনেলে কুড়ৗও আনটাও আকাৎ…. অনা গেলে সোর আম কান সামাং আম কান গঁসাই
আম হঁ কুসি মনে তে আতাং কাঃ তেলা কাঃ গঁসাই
নায় বাড়ে নাপায় বাড়ে গঁসাই ।
মা গঁসাই আলে করেন মিইহুঁ মেরম কাডা বিতকিল ক নাপয় হড়ম জিওয়ী তেক তাঁহে কঃমা
গাড্ -গাড্ অড়াঃ পেরেচ্ ক বৗড কঃ মা বাড়ে ।
মা গঁসাই আলে কহঁ তেহেঞদ জম আলে ঞুয়ালে
লাজ হাসো বহঃ হাসো বাড়ে আলে ক মুদরে
আলম সিরজৗও হচয় ভিড়ৗও হচয়া গঁসাই
হেচ সেটের আকান তালে ক পেড়া পৗহড়ৗ কঠেন হঁ
যাঁহানাঃ বৗড়িচ্ ক আলম সিরজৗও হচয় ভিড়ৗও হচয়া গঁসাই
নয়া বাড়ে নাপায় বাড়ে গঁসাই……………….।
আডি নাপায়…