• সরহায় পরব রেনা পৌলৌ পাঠ 

মারাং বুরু আঃ জুগুৎ তেগে মৗনমি কদ‌ মড়দা‌‌ টৗঁন্ডি রেনাঃ কাদাম দারে বুটৗঁরে জানাম লেন ক মিইহুঁ মেরম ক-দক ঞাম লেৎ কওয়া। কাডা বিতকিল কহঁ উনি মারাং বুরু গে মড়দা ঝারনা খন টবঃ বাং তেয় টাবুঃ রাকাব লেৎ ক তাঁহেৎ 

Sohrai parab 2023

মারাং বুরু ঞুতুম তেনিচ্ দাঁড়েয় আতিঞ  লেনখান গে নায়কে দ কৗপি তে উমিয়াঃ হটঃ রেতা তপাঃ কাতে  খঁড়রে বহঃ তেৎ  এ্য দহয় তে রেতা তপাঃ আকাৎ হড়ম খনাঃ খঁড়রে মায়াম এ্যা জর হচয়া । খঁড় রেনাঃ বহঃ এ্য চাকব্ লেখানগে নায়কে দ অনারে তিতে দাঃ এ্য চুডরুজাঃ আ আর এ্যা গঁডাঃ আ । 

নংকা কাতে জাহের এরা মড়ে ক তুরুয় ক হানে মাগসিম রে অকা লেকা বঁগা হুয় আকানা অনকা নেয়াম তালাতেগে কৗমি-দ  চিঁকৗড় হুয়ুঃ -আ । বাঁখেড় এতহব  রেদ গট সিম ঞুতুম তে এমঃ কানা নওয়া  লৗই কাতে মিইহু মেরম বৗডঃ  রেনাঃ কাথা ক লৗই কাতে তায়ম সেৎ দ হানে মাগসিম অক্তরে অকালেকা বাঁখেড় আকানা‌ অনকা লেকাগে অনাদ হুয়ুঃ আ। 

সিম ক বঁগা বাড়া হুয় এনখানগে  নায়কে দ মাগসিমরে অকা লেকাতে অনা  কৗমি কয় গুড়য়ৗও লেৎ কানা অনাহঁ অনকাগেয় গুড়য়ৗওয়া । আরহঞ লৗই

তরায়াঃ কানা জাহের এরা ঞুতুম তেনিচ্ দাঁড়েয়াঃ হটঃদ আল তপাগঃ মা বাড়ে । অনা তায়ম মারাং বুরু ঞুতুম কাতে আদ ফুড়ুঃ তে হৗঁন্ডি ক চডরা ।বঁগা বাড়া হুয় লেনখান মাগসিম অক্ত লেকাগে নায়কে দ দাঁড়ে কওয়াঃ বহঃ জেল 

সোড়ে আর আতো  হড় কদ দাঁড়ে কওয়াঃ হড়ম জেল সোড়ে ক জমা অনা তায়ম বঁগা থান রেনাঃ সিম বেলে দ আতো জাকাৎ রেন গট ডাংরি ঠেন ক লেবেৎ পচর হচয়া । অনা বেলেকিন অকয়িচ ডাংরিয় লেবেৎ পচরা উনি দ ইনৗ সেরমা রেনিচ্ 

নাপায় মলং আনিচ্ হড় ক মনেয়েয়া । অনা লৗগিৎ তে উনি হড় দ দসার  সেরমা গট সিম বঁগাঃ রে মিদ টুকুচ্ হৗঁন্ডি এমঃ হুয়ুঃ তায়া । অনা কৗমি সৗত  লেনখান আতো হড় ক আদ নায়কে ইদি কাতে অড়াঃ সেৎ ক মহডাঃ আ।

 বঁগা  টৗঁন্ডি খন অড়াঃ সেৎ মহডাঃ লাহারে নায়কে দ হলং দাঃ ইরচি তালাতে অনা করেনাঃ ছুঁত এ্য  মেটাও হট কাঃ আ । অড়াঃ ত নায়কে সেটের লেনখান অড়াঃ রেন তিরলৗ হড় করে উনিদ  জাঁঙ্গা ক আরুব এয়া অনা তায়ম আদ অড়াঃ এ্যা বলনা । 

নতে আদ আতো রেন কড়া হড় কদ টামাক তুমদাঃ ক-ক  সাজাওয়া ঞিদৗ বেড়া অনে ডাংরি জাগাও বাখরাতে উডুকঃ লৗগিৎ তে ।

আয়ুবঃ সাঁও সাঁওতে অড়াঃ করেন তিরলৗ হড় কদ গড়ারে সুলতৗ সেঁগেল ক জুলা আর কড়া হড় কদ ডাংরি কাডা ক দেরেঞ করে সুনুম ক-ক অজঃ আকওয়া । (সহরায় রেদ ডাংরি কাডা ক খুন্টৗও মেসা পে মাহা বাংখান‌ মড়ে মাহা দেরেঞ রে সুনুম ক অজঃ আকওয়া । 

ডাংরি দেরেঞরে অনে সুনুম অজঃ আক খানগে অড়াঃ খন হোড়ো চাওলে এটাঃ হড় বাংক এমা কওয়া আর অনাদ একাল বাংক তিকি লহদা ) কড়া ক ঞিদৗ  বেড়া অড়াঃ অড়াঃ তে রৗও রৗও কাতে ডাংরি জাগাও ক সেটের আ ।উনরে উনুক কদ তুমদাঃ টামাক ক-ক রু হাডেয়া আর ক   সেরেঞা ।   অহি……………….রে…….

            আশ্বিন ন  যাই ইতে 

          কাতিক ক সামাই ইতে 

        লাগে গিলো অমাবস্যা রাত

 তেল দেগো গোয়ালিনি বাতি দেগো ধারাঞ

           সেহ বাতি জলে সারা রাত ।

অড়াঃ দারাম মাহাঃ-

 উম ঞিদৗ জাগাও আঁগা কাতে দসার হিলঃ সেতাঃ এনা অনা দক মেতাঃ কানা অড়াঃ দারাম মাহা । অড়াঃ করেন তিরলৗ হড় ক উম তোপো ফারচা বাড়া কাতে অড়াঃ ক-ক গেচ গুরিচ ফারচায়া আর সেতাঃ খনগে পিঠা ডঁবোঃ ক-ক ইসিনা । 

হেরেল হড় কহঁ তোপো উম ফারচা বাড়া কাতে অড়াঃ করেন বঁগা বুরু ক-ক দেবা সেবা কওয়া গড়া রেন বঁগা ক-ক বঁগা আকওয়া । তিরলৗ হড় কদ অড়াঃ ছাটকা খন গড়া দুওয়ৗর হৗবিচ হলং দাঃ তে খঁড় ক বেনাও আ । আর অনা খঁড়়্ খঁড়তে জমাঃ ক দহ ইদিয়া । অড়া  রেন ডাংরি কাডা কওয়া জাঁগা রেনাঃ পাঁজ অনা খঁড় খঁড়তে ক আয়ুর সাঁবাও আ। 

গড়া রে বলন অক্ত উনকু ডাংরি কাডা ক অনা খঁড়্ রেনাঃ জমাঃ হালাং হালাং তেক আয়ুর সাঁবাও অঃ-আ । ডাংরি কাডা অড়াঃ তেক বলয়েন খান গে জতম ডাংরি কাডা ক-ক জাঁগা দাঃ কওয়া । অনা তায়ম‌ মিদটাং থৗরি রে  ধবি ঘাস  রৗইমুদি হোড়ো হোড়ো গেলেতে গালাং কাঃ দাওয়া সাকাম রে সিঁদুর আতে তিরলৗ হড় কদ গৗই কাডা ক চুমৗড়া আকওয়া। চুমৗড়া অক্ত থৗরি রে সুলতৗ সেঁগেল দ জুলুঃ আ । লাহা দ মারাং ডাংরা অনা তায়ম 

গৗই কাডা বিতকিল ক-ক চুমৗড়া আকওয়া । মলং করেক  সিঁদুরাক তে ধাঁওয়া ক-ক তল আকওয়া । ডাংরি কাডা ক হলং আর সিঁদুর টিডৗঃ কাতে ছাপ ছাপ ক সাজাও কওয়াঃ। ইনৗ

হিলঃ লেকাতে ডাংরি কাডা ক দেবা সেবা‌ রেনাঃ

কৗমি কদ অনকা কাতে আদ অঁডে গেক থুম হাপে কাঃ আ । অনা তায়ম আদ মৗনমি কওয়াঃ জমাঃ ঞু আর রৗসকৗ রমচ রেতাড় তাকওয়া ।

হপন এরা মিশরা জাঁওআয় গমকে ক-ক রৗসকৗ

রমচ আ । আতো টলারেন কুড়ি গিদরৗ ক সাড়পা ক-ক এনেচ আ অনকা কাতে গে  ইনৗ

হিলগাঃ সিঞ আর ঞিদৗ দ পারমঃ আ ।