Santali kabita সাঁগিঞ দিশম পেড়া  // santali onorhe// সিলি সুতাম santali onorhe

    সাঁগিঞ দিশম পেড়া  

       

  

এহো সাঁগিঞ দিশম পেড়া 

সাঁগিঞ হর নিতহ সাঁগিঞ গেতামা 

তাড়াম তাড়াম তেম তিঁগিৎ আকানা 

এনহঁ হরদ পারম তেগে হোয়ামা ।

লাঁগা হড়মরে দিল দাড়ে আগুই মে 

হারকেৎ বতরতে আলম আতরুঞ আ ‌।

আমাঃ মুহৗন সামাং রে হানে 

হেঁদে রিমিল মালকাঃ কানা 

হুড়ুর বিজলী ঝালকাঃ কানা 

এতম কয়ে সানাম পাকাড় 

হয় বান্ডো গুর্লাঃ কানা 

অনা বেগর চাম্ফেড় আকানা 

রাইকা জামুম ঝান্টি । 

বির বুরু ধিরি গাডামুডুঢডা 

খারাং খচাং জাঁগে আকানা 

আমাঃ সাগুন পাউড়িরে ।

এহো সতরঃ মে !

সতর কাতে হর তাড়াম মে 

নেওতা পেড়া গিরৗম আতাং আকাদা 

বেডা মাহা নেডা আকাম ঠাঁওরে 

সেটের তেসে হোয় আমা 

এহো সাঁগিঞ দিশম গিরৗ পেড়া 

দিশুওয়ৗ কয়িজ আখির পেড়া ।

দন পারম তালম পারম কাতে রেহঁ 

নেওতা গিরৗ দহতেগে হোয় আমা 

কেটেজ তাম ডাঁডা লাহাইতাম পাউড়ি 

আলম পৗচা পাউড়ি অৗথাউড়ি 

বাংখান খজাং অঃ আম অনে 

হান্তে নাতে গটাগে খারাং ।

মনেজিউয়ী দিল দাড়ে কেটেজ কাতেম 

তাড়াম লেখান নেডা গডা ঠাঁওরে 

নেডা আকানা মাহারে ——

সারিগে সেটেরা ।

এহো সাঁগিঞ দিশম গিয়ৗ পেড়া 

আমাগেঞ সতরেৎ মেয়া 

আম গেত হো দিশুওয়ৗ কয়িজ 

তাঁগি তাঁড়া রিনিজ আখির পেড়া দ ।