সাঁওতালি কবি সাধু রামচাঁদ মুরমু            কবিতা -আলে ক্ষেত

                                 

                 

                 অড়াঃ খনাঃ পূব মাঠরে 

                ক্ষেতক সাজাঃ চেৎ ঠাঁটরে 

    হালি হালি কুচি কুচি        ঞেলঃ হড়ো গাছি।  

                   অনা গাছিঞুরাঃ শিশির 

                  সাকাম চেতান হিরিচ পাশির 

  হীরা মানিক মুক্তা বারাক্     ঞেলঃ ছারাক্ মারাক।

                  সেতাঃ হয়েৎ হিসিৎ হিসিৎ 

                   মাহা মঁজগে রিতিৎ রিতেৎ 

গাছি রেগে অনা লাগাঃ          পান্তে কাতে পিডগাঃ।                              

                হিলাঃ কানা আবের বাঁবের

               ঞেলঃ কানা লাঁবেৎ তাবের 

উনি নুইরে হড়ম ঠেলাঃ  যেমন মাতাল গেচয় ঢলাঃ।            

               কালুং ডালুং রেয়াড় রাবাং 

               দন এনেচ্ আয় কুকুচ কুবাং 

পান্তে কাতে সাঁতে লেওঅঃ  গাতে ঠেন চয় হে ওতঃ।

                 রমজ তেগে মাতওয়ারঃ 

                 কোচোড় তেগে তারমারঃ 

এন্তে হঁ বাং ভাগাঃ লাগাঃ         রৗস্কৗ তেয়ে রাঁগাঃ।

                   সাদতে নানা হরবঙেনা 

                    সুকু ঝুঁকতে তরঙেনা 

ঞেল্ জংগে সানা কানা         মনে রিজাঃ কানা। 

                   হেম চাওয়াতে এওয়েরঃ

                   ফারকাও আতে কেরকেরঃ 

আহলা অলং গাছি পেরেচ্      বেড়া সাংতে চেরেচ্।           

                    চাষি বুলৗউ ঞেলঃ চাঁহুট 

                    হালি গাছি একেন নিখুঁট

আখির রেদ জিউয়ি বাঞ্চাঃ      “জ” অনারে সাঞ্চাঃ।