সান্তাড়ী পৗরসি হারা বুরু রে Rev. A. Campbell 

A Campbell আঃ পুরৗ ঞুতুম দ Andrew Campbell ইংরাজী১৮৪৫ সালরে ইংল্যান্ড রেনাঃ হাসা হড়মো রেয় হসর লেনা। Free Church of Scotland মিশন রেন গৗঘুড়িয়ৗ আলেকজান্ডার আঃ আয়ুরতে ১৮৭৩ সালরে সিঞত (ভারত) দিশমে লেবেৎ কেৎ আ। উদ্দেশ্য দ ইসায় ধর্মপ্রচার। উনিয়াঃ কামীয়ৗ ঠাঁও দ “পাচানবা” ১৮৭৩-১৮৭৯ সাল ধাবিজ “পাচানবা” মিশন খন মিদ মনেতে ইসায় ধরম প্রচার কামীয় কামৗ লেদা। অনে অনা অক্ত রেগে সান্তাড়ী পার্সি হয় চেদ সেড়াহেয়েৎ তাঁহেনা। ইনৗ তায়ম Rev. Andrew Campbell দ অনা অক্ত রেনাঃ মানভূম জেলারে মেনাঃ ধানবাদ সুর টুড়ি থানা পুখুরিয়া মিশনতে হেজ লেনা। পুখুরিয়ৗ মিশনরে উনি দেয়ার হাঁসদা সালাঃ এ তাঁহে কানা। দেওয়ার সালাঃ তাঁহে তে উনিদ আর হুঁ নাপায় কচ সান্তাড়ি পার্শি দয় সড় ক লেদায়।

Rev. A. Campbell

১৮৯০ সালরে Campbell সাহেব গে সান্তাড় পার্সিতে অলবিল আর ছাপাকামী সুসৗর লাগিৎ তে পুখুরিয়া মিশন রে ছাপা খানায় স্থাপন লেং আ। আর সান্তাড় পাঠুওয়ৗ অলঃ পাড়হাঃ রেয়াঃ ব্যবস্থায় হাতাও লেদা। অলঃ পাড়হাঃ লাগিৎ পুঁথি কঁহ আজ্ তেগে গাঃ গাবান কাতে ছাপা সদর লেদায় উনিয় অলার ছাপা আকাদ পুঁথিকদ সান্তাড়ি পাড়হাঃ পুঁথি পৌইলো, দশার, আর তেশার, হাঁটিঞ, ইনৗ ছাড়া পাহাঃ পোহোঃ, পিয়াং পায়াং, কুলি অৗচুর থার চেতান থার, আর হুঁ গিদরী ক বাইবেল চেৎ হচ ক লাগিৎ আয়মা পুঁথি কয় উছৗন সদর লেদায়।

সাস্তাড়ি পার্সিতে বাইবেল তরজমা রেনাঃ কামীরে Campbell সাহেবাঃ অবদান দ বাং কমা, উনিদ বাইবেল রেনাঃ নিয়ম মারে নিয়ম পারসাল তায়ম গে ইসায় ধরম প্রচার উদ্দেশ্য কাতে ১৮৯০ সাল রেনাঃ “টৗরওয়ৗর” ঞুতুমান পাথাম কই আজাঃ অল ছাপাখানা খন গে উছৗনে এতহব লেদা। অনা পাথাম তালাতেগে সান্তাড় সাঁওতা রেনাঃ নানা হুনৗর এটকে টঁড়ে সাঁওতা তালারে দ সদর দাড়েয়াঃ কান তাঁহে। আর মিৎটাং ঞুতুমান কামীদ সান্তাড়ি শাবাদ ক মিদ বার তে আড়ি আয়মা তুমৗল জারওয়া কাতে শাবাদ মুরৗই Santali Dictionary ১৮৯৯ সালরে উছৗন সৗরি কেৎ আ।

Rev. A. Campbell

Campbell দ পুখুরিয়ী মিশনরে তাঁহে কান আক্ত, অকালেকা আজ তে‍ৎ

তে সেরেঞ কয় গাবান এৎ তাঁহে কানা। নঃ অয় নংকা কাতে পুখুরিয়ৗ সেরেঞ পুঁথি ১৮৮৩ সালরেয় পারসাল সারি দাড়েয়াঃ তাঁহেনা। নওয়া ক কামী খাতির গে Campbell সাহেবাঃ সান্তাড়ি সাঁওহেৎ রে আজাঃ দাড়ে স্যে শিখনৗত এম কাতে ১৯৩৯ সাল রেনাঃ ৮ই জুলাই ইংরাজী মৗহিত রে নওয়া ধুড়ি ধরতি খন যায় যুগ লাগিৎ বিদায়ে হাতাও কেদা।