সারিগে দুলৗড় মেনাঃ খান 

লৗড়হৗই ………..

আতকির……..

তাপাম ….খৗপৗরী …..গপজ ….।।

তাপাম খৗপৗরী

দিশম হড়াঃ সাঁহেৎ বনদ হিজুঃ 

তিনরে চেৎ হোয়োঃ অকয় বাড়ায় !!!

সানামগে বতরতে মায়াঃ মোয়ো 

ভারত আয়োরেন দুলৗড় হপন 

লাপাট লোপোট তাপাম খৗপৗরীরে ।

সেদায়—–

মায়াম লিঙ্গিলেনা দাঃ লেকা 

দেয়া অড়েচ লেনা চাবুক চৗমকৗওতে 

জিওয়ীদ সোপরোদ লেনা 

বান্দুক রাইফেল সামাং 

আসিদ লেনা পাসি বাবেররে 

সেঙ্গেল এলাং নাহাচার খন দোগোঃ লাগিৎ 

রৗস্কৗ সালাঃ 

মুলুচ মুলুচ লাঁন্দাকাতে 

লব লালচ তেদ বাং 

দুলৗড় বদলতে জিওয়ৗক সোপরোদ 

অক্ত পারম আকানা 

নাগাম এ তাড়াম আকাদা আডি সাগিঞ 

দিশম আয়ো সেবা লাগিৎ 

কুরমুটু কানব বয়হা মিশি ।

মেনখান—-

ঠৗঁইচৗ ঠৗঁইচি আব তালারে 

রাচাঃ রাপাচাঃ তাপাম খৗপৗরী 

আমাঃ জোড়োরে উনি 

দিশম আয়ো সেবা ঞুতুমতে 

বাংব কুড়ৗঃ খামচা খামচি 

হোয়োঃ খুনৗ খুনি ।

দুলৗড় যদি তাহন আয়ে চেতান 

বাবন এপেড়ে আ 

চেপেঞ হাটিঞ আবন আয়ো তওয়া 

বয়হা মিশি মিৎ সমানতে ।।

অনলিয়ৗ:- ঞুহুম হেমব্রম