সারি স্যে নাস্যে বেঁগাড় রাস্যে 

সারি স্যে নাস্যে বেঁগাড় রাস্যে

 আতো আতো তেঞ দাঁড়ায় রেঁহ আতো কুড়িক ইঞ  রেন বাইরী । বীর বীরতেঞ চালাঃ রেহঁ বীর চেঁড়ে হঁ ইঞরেন বাইরী । মাসে…….! সুক সাঁহিচ সেবেল বেঁগাড় রাশে চিকৗতেম সিড়ুপ ?হারাতরা তার্কাও রৗসকৗ কড়াম রেগেয় তিরুপ । সারি স্যে নাস্যে বেগাঁড় রাশে গাহির জীয়ন সৗরয়ৗর উফলৗঃ কানা সাকরাত সেরেঞ রে । যে লেকা সহরায় সেরওয়া সেবেচ সবচ্ সেতেঞঃ কানা রহড় হারতা আর খুন্টৗও ডৗংরা আঃ দেরেঞ রে । সেরওয়াগে সামটাও কাতে মানমী ক দহ কওয়ায় বধাও । সাঁওতা সেরওয়াগে জিওয়ীয় খাদ বাদাও । বাঞ্চাঃ লৗগিৎ জিওয়ী গেয় লভাও । সেরওয়া বেগর বেঁগাড় রাশে হায়রে টিপঃ টডঃ । গটা গাডা-গডা মুডু নিচ্ছু …চেৎ তানাঃ লেকাচ সডঃ । লৗই রেগে বুগীয়া সিলপিঞ লেকান পিঠৗদ রৗস্কৗ আনাঃ রেঁহ হুড়কৗরাবন লাচরে হুঁসয়ৗরতে । বাংখান লাচ চেলাং খন জব এমান কঃ আ সিলপিঞ পিঠৗ লল ল্যাট চিনতে । ছি–ঢান ঢান উনদম মেনা চেদাঃ চ বৗঞ বেঁগাড় রাশে আন ।।

সেতাঃরে খবর কাগজ ভান্দুড়মে । ধাদশতে দলবঃ তামা ঝাঁঝরা কড়াম গে । লাঠি গুলি গ্যাস তে হড়ক তির মিরৗঃ হড়ক চাম্পাচাড়াং । গুজুঃ লাগিৎতে মানমীবন হেপরাওঃ কানা -অকয় সৌই লোয় গুজুঃ আ-ইঞ স্যে আম মাড়াং ? মানমীক বেমান খাতির গে বিমান দুর্ঘটনা। ধুড়ি বাজ মানমী খাতির গে ধারতী দলবঃ কানা । কৗই কৗইতে মনেগে বাং কোয়ো লেনা । সসনঃ দবাং শাসনঃ কাতে শ্মশান সারা সেৎবন সেটেরঃ । অঁবাগঃমে ইকড়ুমঃমে লাহান্তি দ হলেগে হেয়োঃ-বরম গষ্ঠে চোতোৎ গে পোটোরঃ । হেলথ সেন্টার রে মানমীয় সেতা ইন ভিজিলেটর । মন্ত্রী কমা বেঙ্গল ল্যাম্প ট্রাম কেলেংকারি আর বোফর্স কেলেংকারী রেন ইনষ্ট্রাকটর । মৗন হৗনি বিল পিডগৗও লেনখান উল্টৗও কঃ আবন হালে সিম্পৗ সাড়াং । গান্ধীতন্ত্র দবাং গনতন্ত্ররে মালকাও সেটের কঃ আ ঞুতৗত কাড়াং । ঘিসিং আঃ কুকরি । লাসের গেয়া মৗইরী । যাঁহা তিন উডৗং গেত ঞাম আনায় বেঁগাড় বাড়গে । আদ আক মতদ সেবেলগে হোয়োঃ কান তাক বা চেতা বেঁগাড় রাশে । ডৗন দমন আইন কৗনুঃ খাতির আনাট এ সিরজৗড় কেদা ঢোলভাঙ্গা । সাঁওতা লাঁউড়িয়ৗ দ …… রিপোটার গে নিতঃ দ চাঁদোবঙ্গা । উনকুমাত ডৗন অনাট রেহঁ ঞাম আক রাজনীতি অঝা আর জান খনতে হড়ক লল কওয়া নুকুগে বাড়তি । বতরগে বুঝৗঃ কানা । মানমী মায়াম টিপঃ টড়গঃ কানা পাটী খাতিরগে মানমী ক পাপীঃ । সনৎ সৗগৗই গাবড়ুঃ সাবডুঃ সিপিঃ । জীয়নরে বেঁগাড় রাশে রেনাঃ গণং একাল যুদি বাংক অড়বং তবে নওয়া অর সং তেগে অঁবাঃ কাতেবন অবর উতৗরঃ । ইসিড় কাতে ঘিসির ঘিসির উনদবন গাদুরঃ ‌। কৗরখানা লক আউট খাতির রেঁগেচ রধন জ্বালাতে মানমীক নওয়া ধারতী খনক আউটঃ কানা । আচ আচ তেগে আত্মহত্যা বৗউঃ কানা । কড়াগিদ্রৗ কুড়ি গিদরৗ ওকো কাতে টাকা ক দাবী । বাং খান লো খুন এ কানা -নং কাক দাবীয়েদা সসনঃ যুগরেন মানমী । পাপী ঠেটা মানমী ঠেন দ সেবেল বেঁগাড় রাশে হঁ খারা গেয়া । নুকু ঠেনদ জিওয়ী রেনাঃ গনং হঁ তারা গেয়া । কেহর সিং আর সতবন্ত সিং আঃ হোয়োঃ আকি ফাঁসী ? স্যে সুপ্রীম র্কোট এ বতর আক কানা খালিস্থানী ।

অকয় বাডায় ? ইঞক বরম চাঁদোঞ গড়ায় । যাঁহা কেৎ গেক যে-যার বেঁগাড় । চেদাঃ স্যে বিচার ব্যাবস্থা হঁ তেহেঞ নিহীত গে লাবাড় । ক্রিকেট নক্ষত্র সিধু বল দ বাং মানমী দাল গচ কাতে বিশ্বরেয় ছটিয়ৗর এনা অল রাউন্ডার । গুরনাম সিং দ যায়যুগ লাগিৎ আউট উতৗর । রাজ অৗরি দ যেমন আঁড়য়ৗ উরিচ । উজৗড়ায় মাডায়ায় সাড় গমায় যাঁহা রেগে লিপৗঃ চাপাগে ইচ । ষাঁড় দ ষাঁড়গে । হঁককা আর পাশকা তেগে দিশম মা ঞেলঃ ধুঁদগে । মেনখান বাং যা বাবুজা-ঢঁগা দাঃ কাতে ঠঁগা দাঃ সাং চাখনা লাগিৎ দেস্যে দিশুয়ৗ বন রাগিঃ । রাজ অৗরি ষাঁড় সামটাও লাগিৎ তাপাম তোপোৎ বন বগিঃ ।