সিঞত (ভারত) ফুরগৗল মাড়াং জীতয়ৗরী অনলিয়ৗ অনড়হিয়ৗ আর সাঁওতা দরদিয়ৗ কওয়াঃ সান্তাড়ি পৗরসৗ সাঁওহেৎ? 

সানাম গেবন বাড়ায়া মাড়াং উতৗর সান্তাড়ী অল সাঁওহেৎ রেনাঃ বুনিয়াদ দ বিদেশীয়ী মিশনারী গেক মাঃ সারি লেদা। পৗরসী চেতান নুকু মিশনারী ক রেনাঃ কৗমি দ গৗহির হড়ম মনে হৃদয় রে চিরদিন অল তাহেন লেকানাঃ কান গেয়া। নুকুওয়াঃ কামী দ মিশনারী ধরম প্রচার তাহে কান রেঁহ তায়ম দারাম পৗরসী চেতান নুনৗঃ ক মুহিত এনা ধমর প্রচার খন দ বৗড়তি পৗরসী আর সাঁওহেৎ রেগেক লাবাধিয়ৗউ লেনা। আতো আতো দাড়া কাতে সাঁওতা তালা হিরিজ পাসির ছিম ছৗতুর মেনাঃ সেরেঞ দুরৗং কুদুম, কাহনি, আচার-নেমাচার, লায় লাকচার, অৗরিচালি, এমান ক তুমৗল জাওরা কাতে পুঁথি রূপতে সাঁওতা তালাক পারসাল এদ তাহেন। নওয়া কৗমিরে লাবাধিয়ৗউ লেন মিশনারী কদ, J. Philips, L. O. Skrebsrud, E. L. Puxley, A. Compbell, আর P. O. Bodding আঃ ঞুতুম আডি শ্রদ্ধা সালাঃ ঞুম হালাং গানঃ আ।

সিঞত (ভারত) ফুরগৗল মাড়াং জীতয়ৗরী অনলিয়ৗ অনড়হিয়ৗ আর সাঁওতা দরদিয়ৗ কওয়াঃ সান্তাড়ি পৗরসৗ সাঁওহেৎ?

মিশনারী কওয়াঃ ঞেল সেঁড়া দিশ-হুদিশ তে আবো দিশোম রেন জাতিয়ৗরী হড় কহঁ সেরেঞ অনড়হেঁ, কাহনী, কুদুম এমান অল ক এহব এনা। অকা অল কদ ‘হড় হপন রিন পেড়া” ঞুতুমানাঃ পাথাম তালাতে উছৗন ইদিঃ কান তাঁহেন নওয়া পাথাম দ 1890 সাল খনা: 1904 সাল ধৗরিজ লেতাড় গে গেল পুন সেরমা ধাবিজ উছীন তায়ম ঠাকেদ এনা। ইনী তায়ম 1922 সাল খনাঃ নিত ধৗবিজ ঞুতুম অৗরু কাতে “পেড়া হড়” ঞুতুমতে উছৗন ইদিঃ কান গেয়া। “হড় হপন রিন পেড়” আর অৗরু ঞুতুম

পেড়া হড়” পাথাম রে উছৗন ইদিয়েদ তাঁহেন কুদুম, কাহনি সেরেঞ, অনড়হেঁ এমান পৗরসী সাঁওহে দরদিয়া কদ বেনজামি, বাবুরাম সোরেন, নুকৗ মারান্ডি বারিয়ৗড় সরেন, জালপা সরেন, সিমোন বাস্কে, খাকোর সরেন, সামুয়ল কিস্কু। জসেফ হাঁসদা এমান। নুকু অলাঃ কুদুম কাহনী অনড়হেঁ এমান কদ “টারওয়ৗঃ” ঞুতুমানাঃ পাথাম তালা তেই উছৗন ইদিঃ কান তাহেন।

বেনজামিন সরেন আর জাকব সরেন দ মানওয়া সিরজন রেনাঃ কাথা আড়ি গৗহির সাহিজ কিন অল উছৗন আকাদা। B. B. Saren আঃ বারয়া পুঁথি “বুদগৗরিয়ৗ” (1952) আর “দিলগৗরিয়ৗ” (1974) উছৗন সদর লেনা।

জাকর সরেন দ গিদরৗ ক লৗগিদ পুঁথিয় অলেত তাঁহেন। অনা পুঁথি কদ হুয়ঃ কানা বুঝ রাকাব (মারাং হাঁটিঞ আর দশার হাটিঞ) আকিল ডাহার (মাড়াং হাঁটিঞ আর দশরা হাঁটিঞ) এমান এমান।

1894 সালরে রামদাস টুডু “খেরওয়াল বংশ ধরম পুঁথি” ঞতুমতে মিদটাং পুঁথিয় পারসাল লেদা। সাত্তাড় ক উন দ খেরওয়াল মেন্তে গেক মেনঃ কান তাঁহেন। নওয়া পুঁথিরে খেরওয়াল কওয়াঃ ধরম নেমাচার রেনাঃ কাথা আডি পুস্টাও সাহিজ এ সাব রাকাব আকাদায়।

1917 সালরে P. O. Bodding আঃ কুরুমুটুতে ছটরায় দেশ মাঝিয়াঃ মেন লেকাতে রায়া সরেন অল আকাদ “ছটরায় দশ মাঝি রেয়াঃ কাথা” ঞুতুমানাঃ পুথি উছৗন লেদা।