দুক উয়হার 

                                   

2023+santali onorhe  দুক উয়হার

  

               নওয়া অতরে বয়হা আবন

                হরেক রকম জাতি তাবন

কোল সাঁওতাল গারো কড়া ভীল ভুইঞা আর মুডী।

              মেনাঃবনা আনেচ ধানেচ 

             মাইজু হেরেল গেনেচ গেনে

বাড়ায় হঁবন নালহা সিয়োঃ তিসহঁ বাবন বিয়োঃ।

              সহাগ রেনাঃ দিসম তাবন

             আডি আবাদ অরজনাবন

বুরু চটরে সোনা রুপৗ          মেনাঃ তাবন তপা।

             আবন রেনাঃ নওয়া অতরে

            হোড়ো হোয়াঃ বৗদ খেতরে

অমনঃ আ আমদা দুরিব     এনহঁ আবন গুরিব।

             সারদি সিতুং মাড়ায় মাড়ায়

              ধিরি হঁবন কোটেচ্ বাড়ায়

রেঁগেচ তেতাং আঁডির কুঁড়ির উদ্‌গারঃ আম হিডির গাড়ির।

               হাসা গগন কোরো কোরো

             ঝৗঁউরৗঃ আবন মোরো মোরো

  মেনাঃ রেই হড়ম দাড়ে উপৗয় তেবন এড়ে।

              লাচ্ চাড়তে কৗমিয়াবন 

             এনহঁ কুড়ৗই কমঃ আবন

হরঃ বাঁদে বাবন কুড়ৗঃ রেঁগেচ তেবন বুড়াঃ।

             অৗকিল তেবন খাটয়েনা

              রেগেচ তেবন নিষ্কিনেনা

রুদ ভরসা বানুঃ তাবন অৗডিগে উদৗরাবন।

             দেসে মাসে আকিলঃ বন 

             রেগেচ খনাঃ তরাঃ আবন

চাঁদো দুলৗড় দেবন কয়া  জয় জয় বন লৗইয়া।

           অনলিয়ৗ:-সাধু রামচাঁদ মুরমু