Santali kudum akhara 2022-23

santali kudum

 কুদুম রে কুড়িৎ কুড়িৎ 

এসেল কুড়ি সাকাম রেক দাকায়া ।

তেলা – হাও 

———————————————————–

কুদুম রে কুড়িৎ কুড়িৎ 

পুর লাতার পুটুর কুলৗই 

তেলা- বেঙ্গাঁড় 

———————————————————–

কুদুম রে কুড়িৎ কুড়িৎ 

দাঃ রিনিজ মারাং কাসি 

মিৎ কুটি গেয় জেলা ।

তেলা- রকচ 

———————————————————–

কুদুম রে কুড়িৎ কুড়িৎ 

মিৎ টাং হড় যাহা সেৎ গেয় সেনঃ আ 

অড়াঃ হঁয় ইদি তরায়া ।

তেলা- গঁঘা ।

———————————————————–

কুদুম রে কুড়িৎ কুড়িৎ 

হাতি লাচ ভিকড় ভকড় ।

তেলা – বাঁদি বেনাও বড় ।

———————————————————–

কুদুম রে কুড়িৎ কুড়িৎ 

উডৗগিচ্ আর দৗড়িচ্ মিৎ গেকিন রাগা ।

তেলা – কুড়িৎ আর সাদম ।

———————————————————–

কুদুম রে কুড়িৎ কুড়িৎ 

দাঃ রেনিচ্ আর ঘুটু রেনিচ্ 

মিৎ গে তাকিন ঞুতুম ।

তেলা – ইচৗঃ আর ইচৗঃ দারে ।।

———————————————————–

কুদুম রে কুড়িৎ কুড়িৎ 

মিৎ টাং চেড়ে 

ফৗকড়ৗ রেগে বিলিয়ায় ।

তেলা- মেরাল ।

———————————————————–

কুদুম রে কুড়িৎ কুড়িৎ 

ইরলিচ্ বিরলিচ্ সাকাম 

নাপায় নগর জ । 

তেলা- বুট/ছলা ।

———————————————————–

কুদুম রে কুড়িৎ কুড়িৎ 

কেটের মেটের কাট গেয় জমা 

পুদুই পুদুই হলং গেয় ইজা ।

তেলা- হুতি ।

———————————————————–

কুদুম রে কুড়িৎ কুড়িৎ 

সিঞ হঁ চাপ চাপা 

ঞিদৗ হঁ চাপ চাপা গেয় তাহেনা ।

তেলা- বাক জুলুং ।

———————————————————–

কুদুম রে কুড়িৎ কুড়িৎ 

সিপৗ হি হঁয় বাং কানা 

আরাঃ টুপরী মেনাঃ তায়া চাওকিদার হঁয় বাং কানা 

হড়ে হল হল চেচেৎ কওয়া ।

তেলা – সিম সাঁডি ।

———————————————————–