ধরম দ চেৎ কানা ? সৗরি ধরম রেয়াঃ কাথা !

sari dharam

সত সাঁওতা রেন মৗমিয়াঃ গে তিনৗগোটাং নোং কান দাড়ে সে জিনিস চেতান রে পৗতয়ৗও মেনাঃ তাকোয়া জাঁহাদ বাং ঞেনাঃ আ । অনা বাং ঞেল সে বোঁগা দাড়ে চেতান পৗতয়ৗও গে ধরম । নোওয়া পৗতয়ৗও তায়ম রে বতর মানাও আর সৗগুন রেনাঃ উইহৗর সেমলেৎ ঞেল
ঞামঃ ঈ জাহা রেনাঃ সদর দ বেহর বিনতি দেব সেবা নেময়ম নেমাচার দাড়ে সামাং সে এটাঃ ধরমিয়ৗ কৗমি কৗসনি তালা খন চো ধরম রেয়াঃ
উইহৗর —হেচ আকানা ।
ধরম দ চেৎ কান ? অনইদি কাতে আয়মা সুবদিয়ৗ ক অৗডি লোকাক রড় আকাদা । উনকু মুদরে যেলেকা E.B.টাইলার মানতান এ মেন আকাদা ঝতখন মারাং সত্বাসে অলৌকিক দাঁড়ে চেতান পাতয়ৗও দ ধরম Religion is the belief in pristine মেটার মানতান কাথাতে সেদায় রে মানমিয়াঃ দার্শদিক উইহৗর রেনাঃ অজ গে ধরম ।
মেনখান ধরম মেনতেদ জৗত রেয়া সাঁওতা হারা বুরু আর জৗয়ৗড় দহয় লৗগিৎ তে সেলেৎ তানাতে মিমিত মুসৗর সৗগুন অৗরিচালি রেয়াঃ আচার আচরণ ।  অনা বেগর সিওয়ৗ মনেরে শান্তি সে নিরাই ঞাম লাগিৎ তে সাগুন ধ্যান ধারণা কাথাদ বীরবুরু খন গে ধরম হোয় আকানা । যেলেকা ধৗরতিরে জাঁহা তিনৗ সাঁওতা মেনাঃ আ উনৗঃ গে ধরম হ মেনাঃ আ । এনখান দ মি মিৎ গটাং সাঁওতা আর হেমাল উসুল রে মি মিৎ গটাং ধরম মেনাঃ আকাত আ । মিমিৎটাং সাঁওতা সালাঃতে এটাঃ সাঁওতা যেলেকা বাংমিদ কানা । অনকাগে মি মিৎটাং ধরম তালাতে এটাঃ আঃ ধরম হঁ বাংমিদঃ কানা । অনা লেকাতে গে যেলেকা আয়মা গোটাং সীমাঃ সেলেৎ সাঁওতা মেনাঃ আ ।অনা লেকাতে গে আয়মা গোটাং সীমাঃ সেলেৎ ধরম হঁ মেনা আ । মেনখান অনা কদ সীমাঃ সেলেৎ ধরম কান্তুনগেয়া । অনা সীমাঃ খেলেৎ ধরম মেনতেদ মিৎ সীমা সেলেৎ সাঁওতারেন সুবুদিয়ৗ মানসিক আপড়েয়াঃ জৗত সত্ত্বা জিউয়ী দহয় খাতির সৎ সুসৗর আর সৗগুন খনে জিরৗওতে যাহা লাকচার আরিচালি সেও-মোচার আর বঙ্গা বুরু চেতান রে পৗতয়ৗও ক তেয়ার জংআ আর ক মানাও বাতাওয়া অনা বন মেতাঃ কানা সীমাঃ সেলেৎ সাঁওতা ধরম । ধারতীরে আয়মা নোং কানাঃ সীমাঃ সেলেৎ সাঁওতা ধরম হঁ মেনাঃ আকাদা । মেন দঃ ভেগার ভেগার সাঁওতা আর ধরম মেনাঃ আ । অনকাগে আবনাঃ সে খেরওয়াল হবন কোওয়াঃ হঁ নোং কানা মিৎ সৗমা সেলেৎ ধরম গে খেরওয়াল “সারিধরম” চেদাঃ সে নোওয়া খেরওয়াল সারিধরম হঁ বঙ্গা বুরুক চেতান পৗতয়ৗও দহ কাতে সৎ সুসৗর সৗগুন। আর সারি চেতান রে অলদহ মেনা আ ।অনাবেগর খেরওয়াল মাসমি সুখ শান্তি ঞ্জান লাগিৎ নেও নেমাচার লাকচার আরিচালি আধ্যাত্মিকবাদ হকো তেয়ার আকওয়া আর অনাকো মানাও বাতাও কানাক ।
আবওয়া নওয়া সারি ধরম দ আর হঁ এনখান মারাং বুরু আঃ লৗই দহ কাথা লেকাতে দুম বিপদ সে মুহিম খন পারাংগত ঞাম লাগিৎ তে খেরওয়াল মানমি কদ গেল সেরমা লেকাগে আয়মা গোটাং দারে হেমাল উসুল রে বিচার আচার কাতে নায়লাকচার কাতে নেই নেমাচার কাতে সারিসারজম বুটৗরে মারাং বুরু সাহেব এরা আর বঙ্গা মড়ে কোওয়াঃ সৗবুদঃ বোন ঞাম আকাদা । অনা বেগর সারি ধরম মেনতেদ খেরওয়াল কঠেন আগে মড়ে হড় বঙ্গা মেনচার হঁ বোন মেতাঃ জানা অনা কাথা গে আর হঁ ফোটেল সৗহিচ লৗই হোয়ো কানা যে সুবুদিয়ৗ খেরওয়াল আগিল হাপড়াম কো আর পোপোঁগড় আ ক আঁপড়েয়াঃ জিউয়ৗ হড়ম আর সাঁওতা নাপায়তে দহয় লাগিৎ তে মারাং বুরু এড়ং ধরম ঠাকুর আদেরাঃ আধ্যাত্মিক বাদ আর বাস্তববাদ রেয়া হর ডাহার রে সাউড়ি (পাঁজা) কাতে কুলহি মুচৗৎ দবাটিরে সারি সারজম বুটৗরে সারি নেনতে জাহা সাবুদক ঞাম আকাদা সে সৎ সাগুন আর সুসৗর যুক্তিবাদ ক তেয়ার আকওয়া আর অনাক মানাও বাতাও কাথা অনাগে “খেরওয়াল সারিধরম” বনমেতাঃ কানা ।।