Santali sad kahani  । সাঁওতালি দুঃখ            রেনা কাহিনী                 

Santali Culture

বধমান ইসটিসানরে বধমান হাওড়া মেন লাইন লোকাল রেঞ‌ দেচ আকানা‌ কোলকাতা হিজুঃ

লৗগিৎতে । জৗনিচ তিকিন বেড়া হতেচতে গৗডিরে দেজঃ হড় দকো কম গেয়া । দুড়ুব এনাঞ জানালা সোররে  । গৗডি‌ আড়াঃ লাহা ইঞ সোররে মিৎটাং কুড়ি হেচ কাতেয় দুড়ুব এনা‌ । ছৗতিক কুড়ি মনে কাতে উনি সেৎ ভাগিঠিক দ  বৗঞ কয়ঃ লেদা । মিৎ ঘাড়িঃ তায়ম গৗডি আড়াঃ সাঁও সাঁওতে  থুলিয়ৗ মিৎটাং

তেতরে পাথাম ওডোক কাতে পাড়হাওয়িঞ এহব এনা । এনেগে মিৎটাং পাড়হাওয়িঞ এহব আকানা ঠিক অনা অক্ত আচকাগে মাহির মাথা তিরলৗ আড়াং ইঞাঃ সোর খন লুতুররে তারকোয় এনা -পেড়া দাদা অকারেম আঁড়গোনা । ইঞ সোররেয়  দুড়ুব আকান তিরলৗ সেৎ হাহাড়া কাতেঞ কয়ঃ কেদা । উন ঘৗড়ি উনিসেৎ 

কয়ঃ ভাগে বৗঞ কয়ঃ লেৎ তাঁহে । নিত নুইআঃ মচাখন হড় রড় আঁজম কাতেঞ কয়ঃ কেদা । হড়কুড়ি লেকা দ বাং ঞেলঃ কানা । সান্তাড়িতে বায় রড় লেখান বুঝৗঃ আ সান্তাড় কুড়ি কানায় মেনতে । বয়েস মিৎ ইসিহঁ জৗনিচ অৗউরি হোয়ো তায়া । ছৗতিক কুড়ি লেকা কাসো কাতেয় বাঁদে আকানা । ঞেল জংতে সারিগে দমছগেয় মঞ্জা আ । ইঞ দ কয়ঃ হাসি রেগেঞ তাঁহে কানা । ইঞাঃ কয়ঃ ঞেল কাতে লাজাওতে বহঃ এ তিরুব কেদা । ইঞাঃ দিশৗ হেচ এনা উনিয়াঃ কুকলি রেয়াঃ তেলা আউরিঞ এমা আ । লাজাওয়িঞ বুজ কেৎতে তুড়িঘুড়িঞ মেন কেদা আমদ মৗই অকারেম আঁড়গোনা ।

মুলুচ মাছা লাঁন্দা কাতেয় মেন কেদা – মেমারি ইসটিসান রেঞ আঁড়গোনা । তেতরে পত্রিকাম ।

পাড়হাঃ খান‌ তাঁহে খৗতির গেঞ বুঝৗও কেদা জে 

আমদ সানতাড় কানাম মেনতে ।

উনিয়াঃ কাথা আঁজম কাতে গরব ইঞ আটকার কেদা নিয়ৗ মনে কাতে জে নওয়া পাথাম বৗঞ পাড়হাও লেখান জৗনিচ উনি দ হড়কৗনৗঞ মেতাঞ অহয় ও রোম কিঞ আ । ঞেল জংতেঞ নাপায়গে খৗতির জৗনিচ উনি দ নংকায় মেতাঞ কানা । তবে নিয়ৗ ইঞ বাড়ায় জে মিৎটাং লেলহা হঁ জুদি উনিয়াঃ বুরধি আর বাখান‌ কৗমি ইদি কাতেম সারহাও এ খান গরব দয়য় আটকার গেয়া । ইঞাঃ অবসথা হঁ অনকাগে । জাঁক জাঁহা আকানগে । ঞেল জংতে

খৗতির উনি সাঁও রড় দ বঝৗও কিদিঞ

গেয়া । আর ইঞ কুলি কেদেয়া আপেয়া অড়াঃ দ । 

মুলুচ মাছা লাঁন্দা কাতেয় মেনা —- মেমারি ইসটিসানরে আঁড়গো কাতে বাসতে সেনঃ হোয়োঃ আ বারগেল মড়ে মিনিট গান । 

আতো ঞুতুম দ বায় লৗই লেদা । এন হঁ রড় রড়তে ওপোরোম দ হোয় এনা । ঞুতুম তায় দ সুমি হাঁসদা । মাধ্যমিক বিডৗও চালাওয়েন সেরমাগেয় পারম আকাদা । তবে পাড়হাও দয় বাগি আকাদা । আচ্ বাবা দ রেল পুলিশ । মালদারে পোসটিং। হাপতাকে হাপতায় হিজুঃ আ । আচ দাদা পোষ্ট অফিসরের কৗমিয়া । ভিনা

আকানায় । অড়াঃরে বকৎতেৎ আর আচ আয়ো বেগর অকয়হঁ বানুঃ আকাৎ কওয়া। ইঞ হঁ ইঞ লেকাগে ইঞাঃ কাথাঞ লৗই পাসনাও আদেয়া।

এড়ে আর সারি মেসামিসি কাতেঞ লৗইকেদা।

ভারত সরকাররেন গুতি আর ডৗগুয়ৗ গেয়ৗঞ 

নওয়া কাথা বুঝৗও হচোয়ে দ বৗঞ হিড়িঞ লেদা। সারি কাথা দ চেৎ ঞেল তায়ম খনগে উনি লাগিৎ মনে ইঞাঃ দমেয় অর আকাদা ।

নিয়ৗ মিৎঘৗড়ি রেয়াঃ ওপোরোম তেগে আয়মা কাথাকগেঞ ভাবনা কেদা। সোরসোপোর বয়েসরেন কড়াকুড়ি নংকাকো ঞাপামলেন খান

অকা মিৎ উরৗলতে অটাং বাড়ায়া আকো আঃ

মনে ধারতি রেয়াঃ মিৎ টঠাখন আর মিৎ টঠাতে । সুমি সাঁও রড় তায়ম খন মনে হোয়োঃ কানা নুই সাঁও ইঞাঃ ওপোরোম দ অৗডিদিন রেয়াঃ অৗলিঞাঃ তালারে জাঁহা ফারাক তাঁহে কানা অনা তিনকরে চং সাহা আকানা অনা দ জৗনিচ্

অকয়াঃ হঁ দিশৗ দ বানুঃ আকাদা । আয়াঃ কয়ঃ বাড়া রেগেঞ বুঝৗও কেদা জে মেমারি ইসটিসান

দ সেটেরঃ কানা মেন্তে । সুমি বৗইবৗইতে দুড়ুপ খনে তেঁগোয় এনা । রুমৗলতে মেঁৎআহা জদ কাতে ইঞসেৎ কয়ঃ কাতে মুলুচ মাছায় লাঁন্দা 

কেদা । মেনায় — চল আলে সেৎ । সারি সারি গে

রেল গৗডি খন উনি সাঁও আঁড়গোন দ বুঝৗওয়িঞ কান গেয়া । অনাতে দুড়ুপ খনেঞ বেরেৎ এনা । আয়াঃ তায়ম তায়মতে লাহা সেন

এনাঞ আঁড়গো ডাহার সেৎ । কুলি কেদেয়ৗঞ

সৗরি সৗরিেগেঞ আঁড়গোনা? 

গৗডি তেঁগোয় এনা । সাঁও ইঞ আঁড়গোয় এনা । হানতে নাতেয় কয়ঃ কেদা । অকয় ঞেলকাতে জৗনিচ এ বতর এনা । মেনায় —- তেহেঞ দ সেনঃমে দো । ইঞ আরহঁঞ কুলিকেদেয়া —- তিস আরহঁ ঞাপাম হোয়োঃ আ—-দারায় কান রোববার ?

বহঃ দোলে কাতে সায় আদায় ইঞাঃ কাথারে । আরহঁঞ দেচ এনতে উনি সেৎ কয়ঃ কাতে তিঞ লাড়াও কেদা । আচদ জাঁহা বাং জাঁহা অজতে তিদ বায় লাড়াও লেদা । তবে কয়ঃ হাপেরেয় তাঁহেয় এনা । ইঞহঁ তিন ঘৗড়িঃ ইঞ ঞেল কেদেয়া উনগৗড়িঃ কয়ঃ কায় রেগেঞ তাহেঁয় এনা । কোলকাতাতে হিজুঃ অকত মা হেঁগে কোলকাতারে হেচ্ কাতে হঁ সুমিয়াঃ মেঁৎ মুখৗন 

রড় লাঁদা হিঢড়িঞগে বৗঞ হিড়িঞ দাড়েয়াঃ কানা । দারায় কান‌ রোববার মা আয়মা দিন বাকি মেনাঃ আ । গাপাগে আরহঁ রোরবার হোয় লেনখান জৗনিচ্ বোগে হোকঃ আ ।

লেখা লেখাতে আরহঁ রোরবার দ সেটের এনগেয়া। সুমি সাঁও ঞাপাম লৗগিৎতে মনে দ ছাট পাটাঃ কানা । মনেরে হিদিচ্ হঁ সেটেরঃ কানা 

নিয়ৗ ভাবনা কাতে জে সৗরিগে সুমি ইঞ লৗগিৎ

মেমারি ইসটিসানতেয় হিজুঃ আত ! কাথা জেখনে এম আকাদা উন দ জৗনিচ্ ফৗনিচ দ বাং সুমিয় হিজুঃ কান গেয়া। হিদিচ্ বেয়াঃ কাথা মনে খন কটা গিডি রেয়াঃ ইঞ রিকৗয়েদা । মেনখান মনে খনগে বাঞ সাহা দাড়েয়াঃ কানা।

অড়াঃ খন মানে বাসা খন ওডোক কাতে রিকসৗ

সাপ কাতে সেটের এনাঞ বালি ইটিসানতে। নডে খনাঃ গে মেন লাইনতে মেমারী ইসটিসান সেনঃ

হোয়োঃ আ । বালি প্লাটফর্ম রেঞ তৗগি আকাদা

গৗডি লৗগিৎ । সোররে কাগজ অৗকরিঞ ইচ খবর কাগজ পাসনাও কাতে কাগজ এ অৗকরিঞ এদা । পকেট খন পয়সা ওডোক কাতে মিৎটাং ইংরাজি খবর দি স্টেটসম্যান’ ইঞ হাতাও কেদা । নওয়া খবর কাগজ দাঃরে লহৎবরাম কাতেঞ পাড়হাঃ রেহঁ মানে বুঝৗও

রেয়াঃ দাড়ে দ ইঞাঃ বানুঃ আকাদা নওয়া দ একাল সারি কাথা । মনে মনে দিশৗ রেয়াঃ ইঞ রিকৗ কেদা, মাধ্যমিক বিডৗওরে ইংরাজি বিষয়রে তিনৗঃ নম্বর ইঞ ঞাম লেৎ তাঁহেঃ। হেঁ 

এসকার আর মিৎ নম্বর কম লেনখান মাধ্যমিক

বিডৗওরেঞ আটক গৎকঃ আ অনাদ নওয়া ইংরাজি খৗতির গে । নওয়া ইংরাজি কাগজ সেৎ কয়ঃ কাতে দমে লাঁদা সানা কিদিঞা । সুমিঠেন 

সৗবৗসিঃ সে উদুগঃ লৗগিৎ তেগে ইংরাজি কাগজ দঞ হাতাও কেদা । সুমি বুঝৗওমায় দ চেতান ধাপরেন হড় কৗনৗঞ মেন্তে।

গৗড হেচ এন সাঁও সাঁওতে দেচ্ এনাঞ  গৗডরে ।

গৗডরে দেচ্ কাতে ঞেলেয়ৗঞ নারান সরেন ইঞসেৎ কয়ঃ কাতে মুলুচ মুলুচ্ এ লাঁদায় এদা।

গৗইচ্ অৗদিঞায় । আচ সোররে সেন কাতেঞ দুডুপ এনা । নারান তালে মিৎ সাঁওতে মেসরেলে তাঁহে কানা। তবে উনিদ নাহাঃ বাপলা কাওয়ানতে হাওড়া সেৎরে অড়াঃ ভাড়ায় হাতাও আকাদা । অড়াঃ দ মেদিনীপুর । অড়াঃ এ সেনঃ কানা । নারান কুলি কিদিঞা—হেঁদায়া নিতঃ মানে নুনৗঃ বেড়া অড়াঃ এম সেনঃ কানা? দেবীপুর পারম কাতে মেমারী ইঞ লাহা নারানে আঁড়গোনা । অনাতে এড়ে কাথা লৗইরেহঁ সাব  রেয়াঃ বতর দ বানুঃ আকাৎ আ । অনাতেঞ তেলায়াৎ তায়া আয়াঃ কুকলি রেয়াঃ- – হোয়-য়া

আচকাগে অড়াঃ সেনঃ বুঝৗউ কিদিঞা অনাতেঞ সেনঃ কানা । 

নারান আরহঁয় কুলি কিদিঞা—আমাঃ ত সেতাঃ সেৎ অফিস গাপা দ ছুটিম হাতাও এদা ?_

বিদিয়ান আকো লৗইয়া মিৎটাং এড়ে দাপাল লৗগিৎতে আয়মা এড়েকাথা লাই হোয়োঃ আ । বুঝৗউয়েদৗঞ কাথা দ তিনৗঃ সৗরি়য়া মেন্তে। তবে নারান ইঞ লাহায় আড়গোনা অনা কাথা ভাবনা তেগে উনিয়াঃ কাথারে সায় ইঞ এমাদা ।

নারান সাঁও গালমারাও গালমারাও তে সেটেরেনা দেবীপুর ইস্টিশান । আ কোঠেন সেনঃ রেয়াঃ কাথায় মেতাদিঞা মেনখান উনিয়াঃ অনা নেহর দহয় বেয়াঃ উপৗয় দ বানুঃ আ । চেদাঃ সে মেমারী ইস্টিশনরে জৗনিচ তৗঁগিতে মেনায়া সুমি । নুন দিন অনকা ভাবতে অকয় কুড়ি সাঁও বাঞ রড় লাঁদা আকাদা ‌। অবিস্যি ইঞ দাদা এরেলতেৎ কুড়ি খৗঁদি তায়ম রেঞ আলাক ঝালাক বাড়া লেনা বারসিঞ গান অনাহঁ মাধ্যমিক পাশ লাহা । তালা দাদা আঃ রোহেৎ আঁজম কাতে খৗঁদিহঁ রৗগিতে এটাঃ ঠেনে জাঁয়ায় এনা । ইঞ হঁ আখির রেয়াঃ কাথা ভাবনা কাতে আপনারআঃ কৗমিরিঞ লাবাধিয়ৗয় এনা । 

অল পাড়হাওরে ভাগে গিদরৗ দঞ বাং কানা ।