2024 Least Santali onorhe বাক্ জুলুঙ

 আমাঃ ঞুতুম বাক্ জুলুঙ 

মারসালানাম কাইচ্, চুলুঙ 

অনা দিলতে মঁজতে দাড়ান আডি জটিঃ 

আমদ নডি ভাগে হড় 

আমাঃ সারহাও কাথাও রড় 

ঠারে ঠুরে বিন্তিয়েদাঞ আজম মেসে কাটিঃ। 

আলে মনে থারসায়িচ 

ঞুৎ ঞিদৗরে সহদিচ 

তাকিচ চিকিচ এড়াও লৗগিৎ হরেম উদৗঃ আলে, চেৎ হাহাড়া কাথা তাম 

বাড়ায় তেবৗঞ তিযুগ তাম 

চাঁদো আমে দুলৗড়ামতে বেনাও মেয়ায় হালে। 

Least Santali onorhe বাক্ জুলুঙ

সহৎ লেয়াম ঘনে ঘন 

পারম লেয়াম বিপদ খন 

বতর খনাঃ সতর লেয়াম আমাঃ দায়া কতে 

কুচিৎ ডাহার ঘোর ঞুৎরে 

মারসালেদাম অনা জুৎরে 

হিজুঃ সেনঃ আলে হররে আমগে হালে গাতে। মেনাঃ তামা আডি দায়া 

বৗনুঃ তামা হিঁসৗ সুয়ৗ

সাঁগিঞ হরেঞ চালাঃ রেহঁ সাঁওতে তাহেন কানাম আছা আছা সাঁহাসিয়া 

দায়াগেতাম চাঁদো কিয়া 

ধৗরতি রেদ ঞুতুম আমাঃ সরি গেতাম জানাম। মেনাঃ তিঞ কুলি কাথা 

দে-শে হালে আলম কাথা 

নওয়া সিঞদ অকারেদম তাঁহেন? 

চাঁদো দিয়ৗ দুলৗড় বৗতি 

অকা রেদম দহয় থিতি 

কইড়িচ্ কাতেম অকো অকা কঠেন? 

পেড়া মেন্তে সারি সারি 

পাঞ্জা মেয়াও ধারা ধারি 

বৗঞ ঞামমে অনা তেড়ং আডি গেচঞ কাঁহিস। আম উপকার কামি গেতাম 

অনা লৗগিৎ জানাম লেনাম 

আয়-উমানতে অনা কাথা বাঙে তুলাঃ। 

আম হুডিঞ হড় এন্তে 

সীমা বৗনঃ মাহিমান্তে 

হাহাড়াগে আজম লব মনে জিউয়ি গলাঃ, 

সৗরি কাথাও থুতি কানা 

আলম লৗইয়া ডিঁগর অনা 

আপে চাড়তে বেঁগেৎ কাতে অৗডি গেদঞ জালাঃ। ঞুৎ ঞিদৗরে গটাঞ ডুঁডুঁগ 

আপে লৗগিৎ হরেঞ উদুগ্‌ 

অনা হতে তেগে নিতঃ জাপিৎ ঘোরেও চালাঃ, ওকোয় তিঞাঞ বাতি দরে 

ঝুরি ঝৗন্টি তালা করে 

চেৎ লেকাতে অনা দুরিব আমদ হালেম্ ঞামা ইঞাঃ বাতি হাতাও লৗগিৎ 

আমদ নওয়া কাতাম তাগিৎ

আলম লবা হুডুঞ জাতি চেৎদ হয়েঃ তামা। দৗঃহনাউ আতে চাঁদো বঙ্গা 

নেহর কাতেম সাবে জাঙ্গা 

আম লেগে বাতি এমাম আল হোগেম কোটেরঃ আলম হিড়িঞ ইঞাঃ ধুতি 

চাঁদোয় এমাম দুলৗড় বাতি 

যাওগে দেশে উনি রেয়ঃ জাঁগা রেগেম লোটেঃ।

অনলিয়ৗ:-সাধু রামচাঁদ মুরমু