Romantic Love Story Kahani লিল শাড়ি part-5

ঞেল ঞেলতে আডিদিন পারম এনা।মেনখান সাঁওহেৎ দ বায় রুওয়ৗড় লেনা।নতে সোহাগি রৗহি চৗউডৗল রেয় দেজ এনা।হুয় এনায় এটাঃ হড় রেন।বাসায়েনা এটাঃ তুকৗরে।

নতে নাওয়া লিল শাড়ি আতেৎ রুওয়ৗড় এনায় সাঁওহেৎ।আখরিঞ যুগি লেকা লিল শাড়ি আতেৎ সেটের এনায় সোহাগিয়াঃ তাড়াম ডাহার কাদাম বুটৗরে।

সোহাগিয় হিজুঃ আ!পান্তে তে দুড়ুব কাতে দুলৗড় রেনাঃ কাথা কিন রপড়া।তিনৗঃ সুখ দঃখ রেনাঃ কাথাকিন সদরা।তিনৗঃ কিন রৗস্কৗয়া,তিনৗ কিন লাঁদায়া।কাদাম বুটৗরে  তিঁগু তিঁগু নংকা আয়মা কাথায় উইহৗর আচুরদা।

ঞেল ঞেলতে বেড়াহঁয় হাঁসুর এনা।এন্তে রেহঁ সোহাগি বায় ঞেল লেনা।এন্তে সাঁওহেৎ দ অকা আশা ভরসা আতে চ কাদাম বুটৗ রেগেয় তিঁগু হাপিয়েনা।মেনখান সোহাগিদ বাংগেয় ঞেল লেনা আজাঃ তাড়াম ডাহার রে।বৗই বৗইতে বেড়া হঁয় আৎ এনা পছিম নাখারে।বৗই বৗইতে,কাঁহিস মনে আতে সাঁওহেৎ দ অড়াঃ তেয় রুওয়ৗড় এনা।

Romantic Love Story Kahani লিল শাড়ি part-5

উকুৎ বুকুৎ জাপিৎ বাং হিজুঃ আ,ঞিদৗ বাং আঙ্গা আ।তিনৗঃ আদ কাদাম বুটৗরে তিঁগু তিঁগু সোহাগিয়াঃ হিজুঃ হরে কয়ঃগা।আদ জিওয়ি বায় জিয়ৗও দাড়েয়াদা।গটা কেঃআয় সোহাগিয়াঃ আতু ধিরিঘুটু।

–আচ্ছা পেড়া হড় সোহাগি তাক অড়াঃ দ?

–অনে অনাটাঃ।আমদ বাবু বাংলে উরুম লেৎ মেয়া?

–ইঞদ!পেড়া কান গিয়ৗঞ।

–সোহাগি মেনায়া।

–বাম বাড়ায়তে?সোহাগিয়াঃ দ বাপ্লা হুয় আকানা।

নংকান কাথায় আঁজম কেৎ খান সাঁওহেৎ দ কড়াম রেক টুটি কেদে লেকায় আটকার কেদা।অন্তর তালারে সার বিৎ আদে লেকায় বঝৗও কেদা।আডি মোটা ঞঃ সাঁহেৎ কাতে–ও!

আদ বায় লাহা লেনা সোহাগি তাক অড়াঃ সেচদ।চেৎ কচয় উইহৗর ভাবিৎ এনতে তাড়াম জাঁগা দয় তায়ম কেদা।ছিং ছাতুর রাপুৎ মনে আতে সেটের এনায় ঞাপাম ঠাঁও কাদাম বুটৗরে।

                                    “চালাঃ গেয়া”

               অনলিয়ৗ:- Sakwa Mandi