চিঠি সাকাম

Santali chithi sakam story চিঠি সাকাম

 বুগি বৗড়িচ্ সুক দুক 

গেমের লেদাম আয়মা জুগ, 

অকত রেনাঃ পৗউড়ি তাড়রে 

নাহাঃ আমদম বিলমঃ কান, 

জুগ রেনাঃ সিঁড়ি ধাপরে 

নাঁহাঃ আমদম হাঁড়াগঃ কান, 

চিঠি সাকাম নাহাঃ আমদ হাটি 

তলাৎ মিয়ৗঞ বিদৗয় রেনাঃ ঘৗনটি।

তৗগি তাঁড়াঃ রেনাঃ বৗনুঃ তর 

জিয়ন ডাহার নাহাঃ হয়তে সহর, 

সুর আর সৗগিঞ সানাম হর 

নিতোঃ রেনাঃ কাথা নিতগেঞ রড়, 

হাপে রেনাঃ দ বানুঃ আন তর 

লুতুর রেদ রেবেৎ আকা‍ৎ মোবাইল রেনাঃ চুপি, চিঠি সাকাম ঞমাৎ মিয়ৗঞ ছুটি।

বৗনুঃ রেহঁ ঞাপাম ঞেপেল 

মনে রেনাঃ এপেম চাপাল, 

মনের কাথা অন্তর রেতা 

ব়ড় রপড় দ উটি উটি, 

সৗরিঞ রড় আর এড়েঞ রড় 

বৗনুঃ আকাৎ মচা রেনাঃ টৗটি, 

তি রেদ মেনাঃ আকা‍ৎ 

মোবাইল রেনাঃ মঠি 

চিঠি সাকাম এমাৎ মিয়ৗঞ ছুটি।

বাহা দ বৗঞ রেবেৎ এদা

লুতুর পেরেচ তুতুপিটি, 

চরক ঞেলঃ সেদায় হড়াঃ থুতি, 

নাহাঃ বিদাল রিতি 

তি-রেদঞ সাপ আকা‍ৎ 

মোবাইল রেনাঃ মুঠি, 

লুতুর রেদঞ রেবেং আকাৎ 

মোবাইল রেনাঃ চুপি, 

চিঠি সাকাম এমাৎ মিয়ৗঞ ছুটি।

অনলিয়ৗ:- কাজলি সরেন