Santali onorhe lyrics          

                                   তানতী

                                          

santali onorhe lyrics তানতী

  ইঞ হোয়োঃ অৗঞ তানতী    তাঁত মাকুতিঞ সারতি

                         পেতেৎ তুলাম পিঁউরি

                         রুই সুতামিঞ ভাউরি। 

  হটাঃ পাটাঃ তাঁত ঝটকা  সুতৗম যতম দাল সোরকাঃ

                        বিলিং বিলিং মাকু ঝালকাঃ

                         তি জাঙ্গাতিঞ ফারকাঃ।

    নুলি গুগু কাতে মাকু   সুঁদুচ্ সেনঃ ওকোচুকু

                        ঝাঁপতে তলঃ ঝাকা ঝুকু 

                            সুতৗম হাকু পাকু ।

      কুড়ি কওয়াঃ রুলি শাড়ী  কড়া কওয়াঃ দাহাড়ী 

                     হেন্দে আরাঃ সুতৗম পাড়ী

                           বেনাও বাহা নাড়ী।

        হড় হড়ম দুলৗড় লাজাও  মেনাঃ জাউহাড়

                   সুতৗম খিতে অনাঞ হারাড় 

                        ইঞ পুইসাঞ যোগাড়।

  গাহির অৗকিল বয়ানতে  ভাগে ইঞিঞ সেয়ানতে

                      কয় কাঙ্গাল হড় সাদতে

                           সিবড়ঃ ক চাড়তে।

              অনলিয়ৗ:-সাধু রামচাঁদ মুরমু