ডাঙ্গরী

santali onorheডাঙ্গরী

ধৗরতি রেনাঃ গটা ধারে বেঁগেদ তাবন পেসে 

ঞেলঃ আক জীব-জৗয়ালি ওনকো তেরে তেসে। মেনাঃ কোওয়া নোকো তালা আদম ভাগে জানওয়ার গুণ মানক সানাম তেগে অৗভিগেক গনওয়ার। মানমি হপন নোকো দক মেতাকওয়া উচির

 সঃ সিড়িচ সিধয় লৗগিৎ লাগাঃ তাক গুরিচ। 

 চেৎ হাহাড়া জিউয়ি তাক চাঁদো রেয়াঃ তিরিচ নোকো ইচ ই কুশিয়াঃ ক বঙ্গা বুরু ধারিচ।

হড়ক রেনাঃ লড়াঃ কৗমি যত গেক লাগাঃ 

অনা তেগে অড়াঃ অড়াঃ যত গেক জগাঃ। 

চাষ কৗমিরে লাগাঃ আক অরক “নাহেল” “সাগাড়” মানমী লৗগিৎ জমাঃ ঞুয়াঃ নংকা তেক জগাড়। ইচতে আর ক্ষেৎ আবাদ আডি গেচ ফলাঃ 

তওয়া গতম হড়ক জমা বঙ্গা হঁক বুলৗঃ। 

হারতা তেদ জুতৗ হোয়োঃ দেরেঞ নাকিচ রেনাঃ 

জাং তেৎখান ছুরি ডাঁডম বুতাম জামা রেনাঃ। 

ইতিল তেক গড়াওয়েদা নাপায় নাপায় সাবান 

অনা তেগে হড়ম সাবন লুগড়ি সাপায়াবন 

খুরৗ তেগে হোয়োঃ কানা শিরিশ ঞুতুম লাঠা 

সানাম কগে কাজরে লাগাঃ আলম মেতাঞ ঠাটা। ধৗরতি রেদ নোকো রেনাঃ আডি ঞেলঃ ইসিম ভগবতী নুই ভগবান মেন্তে উদুগ মাহিম। 

আড়ঃ জাকাৎ জত হড়গে নোকো যত ক-পে 

আল দুষৗও লেক পেরে চাঁদোয় দায়া আপে। 

নোকো রেনাঃ মাহিম কাথা লৗই তেঁই বাং চাবাঃ 

আবি ভাবি লেখান রেই অৗডি গেদম হাবাঃ 

মানমী খনাঃ চাঁদো দায়া ঞামঃ আডি বিশী 

বাবন জোটোঃ “ডাঙ্গরী” তুলুচ মানমী এয়ায় ইসি। আটকারাবন গুণ মানাঃ চট ফেডব উয়হার 

এটাঃ এটাঃ কৗমি করে মনে বাবন জাউহার। 

বুদ বিচৗরাঃ মারাং তাবন মানমী হপন আবন 

ধরম রেনাঃ কাথা কৗমি মনে রেবন থাপন।

অনলিয়ৗ:-সাধু রামচাঁদ মুরমু