ভমর্ নাসাও
হড় কংকা আবন গেদ চুহুড় চুহুড় এনেচ রেদ
সিঞ ঞিদৗবন তাহেন কাডাম’ কাডাম
 |
| santali kobita ভমর্ নাসাও |
ঞু কেদাব পাউরৗ হান্ডি সেনেন এঁদে পাতা টান্ডি
সানাম কৗমি সাঁওতে ইদি তামাম।
রু রু কানায় আপুম টামাকবাহু গেতাম দামাক দামাক
বহঃ লাড়াঃ হড়ম হিলৗঃ এনেচ গাতে তুলুচ্
বোগে বৗড়িচ দিসম হড় দেকো কড়া যতয় রড়
আবন করেন মৗইজ হপন তুলুচ্।
রিতপিত আর-বৗ আকিল এনেচ আবন হুজুঃ দাখিল
যাঁদে তাঁদে বুল তলসাং কাতে।
কার ধানীতে উপায়াবন বার পৗইলৗ হোড়ো তাবন
পরব চালাঃ পুইসী চুপুৎ কাতে।
পরব টান্ডি তালা তালা মুড়কি সালাঃ মিঠৗই ডালা
দেকো কদক দোকান থারে থারে।
কিরিঞ বিড়ি পান গুয়া রাঁড়ি ছাড়য়ি ডৗঙ্গুওয়ৗ
কুড়ি কড়াক ঠোলেন সারে সারে।
দেকো পুসি অৗড়ি দড়য় ঞরুং ঞরুং পুইসৗ ককয়
ভুড়িচ বক নংকা কাতে জতম।
হুঁস দিসৗ আর বানুঃ লাজাও হড় মানাহঁ বাবান বাতাও
এঁগা হপন অন্ডে গেঁড়হে রেনাম।
আঁজম পেহো বয়হা কড়া দিসম করেন সানাম পেড়া
বৗগিনাবন আদ এনেচ্ অঁডে।
এনেচ্ সুলৗং মেনাঃ ফারাম বঙ্গা সেবা বাহা কারাম
রৗস্কৗঃ আবন দেলা আবন নঁড়ে।
এয়া মানমী হড় কংকা কামি কানাম লব ডংকা
রিগৗঃ আবন যাঁহা পরব হোয়োঃ।
দেকো কড়ায় ঞেলঃ বোগে মৗইজু বুলৗও রিপিৎ জাপিৎ তেগে
কয়গেয়াম আম দ হেমেড় মেয়াঃ ।
অৗগিল রেনাঃ রৗইলৗ ডাহার মৗইজু রেনাঃ বিচার আচার
বাবান দহয় আদ নিয়ৗ ঘুড়ি।
ঞুম জংতে বাউরি হাড়ি মেনাঃ তায়া অৗকিল অৗডি
পরব এনেচ বায় ইদিয়ে কুড়ি।
ইচ্ দিপিল কুশিয়াঃ আয় পরব এনেচ্ হিরকৗআঃ আয়
হেরেল রেনাঃ জৗত মাহিমায় দহয়৷
অনা তেড়ং কাথায়া বন সানাম কগে আঁজমাবন
দেকো পরব আদ চালাঃ
ধাড় শিলদা তুং বুগড়ী মতব খলাড় জত জুড়ী
বুরু মড়েক ডাহার তেব রেলাঃ ।
মারাং বুরু জাহের বুড়ি পরব টাঁড়ি জাঙ্গা ধুড়ি
বহঃ রেদ বাবন কটা আয়া ।
আবন যুদি বুদান হড় জিউয়ি শিররে পাটিঃ রড়
মনেব দহয় হারে ফারে মায়া ।
জাতি হাতি রেনাঃ থুতি রেঁগেচ্ কিঁসৗড় সানাম গুতি
আটকারাবন মৗইজু রেনাঃ শরম।
মনে তেদ মাবন বুঝৗও জিউয়ি খনব অচগ্ লাজাও
মান সাঁওতে দহয়াবন ভরম।
অনলিয়ৗ:-সাধু রামচাঁদ মুরমু
More Stories
Santali shayari//Santali new shayari
New love shayari in santali // Facebook Shayari Santali
Santali new shayari english//Santali new shayari 2024