santali kudum 

কুদুম কুঁড়িৎ কুঁড়িৎ,

কুদুম কুঁড়িৎ কুঁড়িৎ,

এমাৎ মিয়াঞ.

আরহঁম কয়ঃ রুওয়ৗড়িঞ কানা ?

তেলা:- তহৎ ধিরি

কুদুম কুঁড়িৎ কুঁড়িৎ,

হর হরতে চালাঃ কানাঞ, 

গোণ্ড সিম ইঞ তাওয়াঃ ইদিয়েকানাঞ

তেলা:- সুনুচ 

কুদুম কুঁড়িৎ কুঁড়িৎ, 

ঘুট অতরেকো চাষ আ

আর হারতারেকো খৗরৗইয়া।

তেলা:- থামাকুর

কুদুম কুঁড়িৎ কুঁড়িৎ,

রাকো বিররে হেন্দে ডাংরায় অৗতিঞা 

হয় ভাণ্ডো জখান দ দারেরের হাড়ুপকঃ আ।

তেলা:-বহঃরেন স্যে  

কুদুম কুঁড়িৎ কুঁড়িৎ,

হায় চাঁদো বঙ্গা !

ডাণ্ডা খন গিদরৗম জানাম হচঞ কানা 

তেলা:- জণ্ডরা

 

কুদুম কুঁড়িৎ কুঁড়িৎ,

উরুন বিররে জেল ক সেন্দরাকওয়া,

পোণ্ড ধিরিরে ক গঃচ্ কওয়া।

তেলা:- বহঃরেন স্যে

কুদুম কুঁড়িৎ কুঁড়িৎ,

অড়াঃ দ চালাওএনা দুওয়ৗর হরতে 

ইঞ দুঞ চালাঃআ অকা হরতে ?

তেলা:- জালরেন হাকু

২৮। কুদুম কুঁড়িৎ কুঁড়িৎ, 

বালায়া মিৎ গাণ্ডোরেকিন দুড়ুপ আকান 

বাকিন জাপটেৎ আকান।

তেলা:- ডাংরি দেরে

কুদুম কুঁড়িৎ কুঁড়িৎ, 

সাদকাতেঞ কিরিঞকেদা, 

কুডৗম সেনরিঞ আকাকেদা ।

তেলা:- সুৎ পা

কুদুম কুঁড়িৎ কুঁড়িৎ, 

গেল বার চান্দোরেন মিৎটাং খাঁসি,

মিৎ কুটিয়ে জেললেদা।

তেলা:- রকচ

কুদুম কুঁড়িৎ কুঁড়িৎ,

বাড়গে ঝাড়গে উৗহি-ডুংরি গটাগেকো চাষআ, 

দাঃরে তাকো খৗরৗই।

তেলা:- জাঁড়ি 

৩২। কুদুম কুঁড়িৎ কুঁড়িৎ, 

সিঞ ঞিন্দৗম ঞেলা, 

গাডা গাডাতে বাঁদুক ঢেঁড়ার।

তেলা:- ইচাঃ হাকো

কুদুম কুঁড়িৎ কুঁড়িৎ, 

লাঃচ মেনাঃতায়া পটা দ বাং 

মচা মেনাঃ তারা ডাঁটা দ বাং।

তেলা:- কাণ্ডা

কুদুম কুঁড়িৎ কুঁড়িৎ,

চালাঃ জথাঃ ইঞ ঞেলকেদা খৗজৗড়ি,

আর রুওয়ৗড় জথাঃ ইঞ ঞেলকেদেয়া বিঞ।

তেলা:- মুনগা বাহা আর মুনগা সুটি