ইঞগে নাগাম 

Santali new onorhe ইঞগে নাগাম

 হানে —-

ঝাঁকড়া ঝাঁকড়া তাম উব 

মুচেপ্টা ঞাকাড় ঞাকাড়েম হেঁদে 

তবে অৗডিম সাফাসাফি 

নিফুট সরল উদৗর অৗদিম ।

জৗনিচ অন্তেরেগে ইঞাঃ জানাম 

ইঞগে নাগাম !!

শক হূন পাঠান মোঘল 

আহমদ সা আবদানি 

ক্লাইভ ওয়েলেশলি কর্নওয়ালিশ 

কার্জন সাইমন তাকওআঃ 

লুটৗও হর রেনাঃ টুস —

উইহৗর আকাদাঞ সানাম 

ইঞগে নাগাম !!

সিধু-কানহু-বিরসৗ-বাবা তিলকৗ 

জানাম দিশম রেন হক অৗইদৗর 

নাহাচার বিরুদরে ফুরগৗল শাহেৎ —-

হুল —-হুল—– 

তারকোঃ কান গেতিঞ পাঁজরা! 

হে আকাদাঞ সানাম কওআঃ মায়াম 

ইঞগে নাগাম !!

নাহাঃ শশনঃ যুগরে ••••••

সাগেন সাকাম জম প্যাঁদরেজ 

সুঁঙ্গৗ তেজো গালাম গালাম 

পাঁজায়েদাক সাকাম শিরৗরে 

গপজ তাপাম লৗড়হৗই !

মৗন হুশ,

কয়ঃ আকাদেয়াকিন 

দিশম সুসৗরিয়ৗ মানতান বারায় 

সুড়ি ঠেন সুসৗর সাঁদেশ তায় 

তুল অডোক এদাক গাতে ।

অল দহয়াঞ নওআক সানাম 

ইঞগে নাগাম !

অনলিয়ৗ :- কুহুদুলৗড় হাঁসদা