Romantic santali onorhe বাহা পয়রানী 

Romantic santali onorhe বাহা পয়রানী

 জালা পুরিরে পয়রানী 

সোহাগ রিনিচ আম দ রাণী 

চাঁহুট চিকন হড়ম ফাঁড়ঃ     দরয়া শোভাম সাড়ঃ 

সনা রুপৗ অলন কাঠি 

হড়ম রং অনা জুটি 

শিশির ঞুরাঃ লিটিপিটি     চাঁদো আঁচ হয় লিঠিঃ ।

আম হড়ম রং ঞেলতে 

চাঁদোই বুলৗঃ সাট মেন্তে 

পিরিৎ লৗগিৎ আম সাংতে      রৗস্কৗ রমজ লবতে 

পুরৗউ চাঁদো রেয়াড় লাঁদ 

হড়ম তামে জটেৎ সাদ্ 

আচ মহিমা বায় রেরবাদ    উমুল তুলুচ এ কার সাদ 

লেওয়ের কোদর এনেচ সোঘোড় 

রৗস্কৗ ঞেলঃ অনা খেলোড় 

দরয়া গেচ গটায় আঁদোড়    জাগাৎ মনেয় রোকোড়  

হড়ম ঢলাঃ মনে টলাঃ

নানা রুপক অন্ডে অলাঃ

আবি ভাবিতে জিওয়ী গলাঃ    চঁহক চেগার সালাঃ ।

হয় সাঁওতে সেনঃ মঘন 

ঢেউ সাঁওতে কেড়েব দদন 

চেৎ হাহাড়া মনের মতন      খোলোন মিলন চলন ।

মাহির মধুর আমাঃ 

তপর গোটা বাশ তে ঞামাঃ 

উর গুন গুন হুম আতামাঃ   হেঁঃচ ঞামক জজমাঃ ।

অনলিয়ৗ:-সাধু রামচাঁদ মুরমু