Santali onorhe মুইঃচ 

Santali onorhe মুইঃচ

 জানাম হাড়াম হারা তরা     জত গেপে অরা সরা 

তিস রে চপে কড়া ভোরা 

বেঁজাই আটপে জোরা ।

ঞেলঃ আপে লাবাচ লুবুচ্   কৗমিয়াপে রুঁবুচ চুঁবুচ্ 

ধন চেতানরে উডুচ ডুবুচ্ 

জমপে গাবাচ গুবুচ্ ।

সিঙ্গে ঞিদৗ আনেচ ধানেচ   হেঁচ সেনঃপে গেনেচ গেনেচ 

জিরৗও জৗপিৎ বৗনুঃ আনেচ 

কৗমি হাবেড় খনেচ ।

অৗডি আপে উদযোগ আপে    মাড়াং খনগে ভাবিতাপে 

অৗখির জমাঃ সাঞ্চাও আপে 

নংকা অৗকিলান পে । 

দারা হাপেন রেয়াড় রাবাং   উনদ আপে কুকুচ কুবাং 

বিলিং বালাং বাং কুটবাং 

চাহাল মা-ত সুদবাং ।

জৗত বয়হা মিলন চলন    কৗমি জিৎকৗ রেয়াঃ গয়ন 

সেঁড়া জংলে আপে বয়ন 

জুম কৗমি জং জিয়ন । 

অনলিয়ৗ:-সাধু রামচাঁদ মুরমু