সাঁওতা কবিতা পৗঠুওয়ৗ

সাঁওতা কবিতা পৗঠুওয়ৗ

 পৗঠুওয়ৗ একাল আলম পৗঠুওয়ৗ আ 

আকিল দিশৗ আমেট রেদ অলম পৗচঃ আ ।

নিত গে আমাঃ অক্ত কানা 

আখির আমাঃ কেটেজ– বেওহার 

আলম হিড়িঞ ।

ধেয়ান মে গেয়ান লাগিদ 

অলঃ পাড়হাও সেঁড়ায় মে 

সাঁওতা তালা মার্শাল বাতি 

ডিগ ডিগ জোল হচয় মে ।

সুখ ভুঞ্জৗও অক্ত আমাঃ

লেতাড় গেয়া লে লেঁগেৎ 

নিত খনদ হাড়ুব লাগিদ 

আলম হারে ফারেঃ ।

সাঁওতা রেনাঃ সারিয়ৗর আর আরিদ 

পাগুর কাতে উইহৗর মে — 

এনরেঁহ নিত খনদ পাওড়ি আমাঃ 

আলম লাহা ইদিয়া ।

রাজ আরিয় হহঃ আম কানা 

রাজ আরি রাজঃ লাগিদ

আতেন কাতে হাপিতঃ মে 

পৗঠুওয়ৗ জিয়ন ভোর দ ।

তবে রেসেম তেবাগ তিয়ুগ 

রাজ আরি আর সাঁওতা আরি হরা 

অনা বেগর লেঁজেদঃ গেয়াম 

তালামালা তাড়াম হরারে ।

গাতে উরৗলতে উরৗলকাতে 

অক্ত আলম পলমা 

হাট পাতা দাঁড়া কাতে 

আখির আলম কাঁড়ায়া আ 

হাঁডি ভাটিরে জবে কাতে 

হড়ম আলম ধাসাও আ 

দুলৗড় রাসা চেপেজ কাতে 

তালা নাইরে পৗঠুওয়ৗ জিয়ন 

আলম বোহেজ বোহেল আ ।

বান আকান বোহেল আকান 

নৗই গাডা কাতারে 

লাউকৗদ মেনাঃ রেহঁ 

লাওড়িয়া স্যে বানু গে 

রেঙ্গেচ আকান মানওয়াক 

লাওড়িয়া তাঁগি রেক 

কয়ঃ তিগিদঃ কানা ।

হায়রে করম কপালহীন 

অকায়ে সাবা ডাডু ?

দুখালো মানওয়া কওয়াঃ 

রাঃ হমর হালাং 

তাকিজ তাকেরঃ কানা 

হয় রিমিল রাহলা রে 

হয় রিমিল রাহলা রে ।

অওয়ার কালেমে দুখদরয়া খন 

পারম কালেমে নাই গাডা সাহা ।

অনা তেগেতঞ লৗলৗই কানা 

আকিল দিশৗ আমেঠ কাতে 

আকিল দিশৗ তালাতে—-

কেটেজ তিতে সাব মে ডাডু 

লাওকৗ লাড়াও মে 

পারম তেক তাঁগি আকাদমে

হান্কু তিনাঃ মানওয়া ক

আনাতেগে তঞ মে মেনকানা 

তেয়ার তাম হড়ম কেটেজ তাম মনে 

বাড়হাও তাম আকিল হুদিশ 

জিলিঞ জিওয়ৗ হচয় মে জিওয়ী 

কয়গ আকাদায় জিড়িদ জিড়িদ আখির ।

অনলিয়ৗ:-সিলি সুতৗম