সাগুন সাঁঘার

 হররে আলম হরবরঃ 

লাহাঃ রিকৗয় মে 

সারেচ্ মেনাঃ আয়মা সাঁঘার 

অনা দিশৗয় মে ।।

New santali love shayari

কয়গমে লগন এতম কঁয়ে 

তামাম্ তারগালাঃ 

আমঠেন খন আসমান রে 

সুখ দ ঞালাঃ ঞালাঃ ।।

তাড়াম-তহৎ তঁগে তাঁহেন 

জিওয়ী তাঁহেন ভোর ।

তারাল- বাসাল হুদিশ করে 

আলম তাঁহেম ঘোর ।।

রেঁগেচ্ তেতাঁং পৗহিল খনাঃ 

জাওলা বাড়ায় কান 

সানামাঃ এ ঞির সাহাঃ 

আমেম লাহাঃ খান ।।

New santali love shayari

আমাঃ গেয়ান – অৗকিলরে 

পৗতয়ৗও দহয় মে 

পাঞ্চা অৗকিল তেদ পালেন 

দাঃ রেয় বহয় মে ।।

হড়াঃ উদুঃ ঠিকৗ হরতে 

তুলৗ যখায় মে 

বুঝমে পৗহিল বুগিঃ তায়ম 

পৗউড়ী লাহায় মে ।।

হড়াঃ দুরিভ ঞেলতে হড়াঃ

মেৎ গে হাড়াগঃ 

মেনদ নিয়ৗ আমাঃ মেৎ 

আল আরাগঃ ।।

New santali love shayari

রিকৗয় মেসে রিকিড় আতে 

মঁজতে তিঁগু রেনাঃ 

পৗতয়ৗঃমে আমরে পৗহিল 

সৗগুন পুরৗ মেনাঃ ।।

অৗচুর বিহুর যুগ অৗদিম 

হড়ক অৗরুঃ কান 

আবো অৗরুঃ বিদৗল সানাম 

অৗরুব্ সাপাঃ কান ।।

সাবমে সাগুন সাকাম 

অলমে নাওয়া নাগাম 

আমাঃ ঘাঁরঞ্জ-সাঁওতা -অৗতু 

অৗরু ফেরাও তাম ।।

অনলিয়ৗ: -দিলীপ কুঃ সরেন