অকয়ে এমঃ উমুল 

 ধিরি চাটানি         মাগায় কারধানি 

বিরু সেতাঃ আয়ুপ ।

লল সাঁহেৎ           ধারতিরে অঁচেৎ 

মেনায় গেয়া তিরুপ ।

আগু কেদায়         বৗনুঃ সেদায় 

তেয়ার কেদায় নাগার ।

উরগুম উদগৗর        হড়াঃ এ উপকৗর

কুড়ৗয় দ নাহাচার ।

অকয়ে এমঃ উমুল

বাং এ বুঝআয়         খালি রাগায় 

বাং চালাঃ তায় দিনৗম ।

উড়গুম সুড়গুম         অঁবাঃ ইকড়ুম 

বৗনুঃ তায়া সুনৗম ।

সিবড় রডজ             খালি হরহডজ 

কিঁষৗড় জাঁগা লাতার ।

মেৎদাঃ টড়ঃ             উদগৗর সড়ঃ 

রেঁগেজ জাতার কাতার ।

চেদাঃ চেৎ তে ?         বাড়ায় লেকতে 

বহঃ রেগে বাং হিজুঃ ।

পোঁড আরাঃ             বেঁগেদ রারাঃ 

উলিদাঃ তেগেয় দিজুঃ ।

গটা জাকাৎ              বেঁগেৎ আকাৎ 

কিঁষৗড় আড়াং চুমুল !

রেঁগেজ ঠরয়াঃ           মনে লড়য়াঃ

অকয়ে এমঃ উমুল ।

অনলিয়ৗ:- শ্রী-সুশীল কুমার সরেন