সাঁওতালি অনড়হেঁ অৗরশি

অৗরশি

অৗরশি

•••♠••••

 চেদচ মনে অৗরশীরে মিৎ দিন 

ঞেল কেদৗঞ মুঠাঁড় 

ওহায় বৗনুঃ তিঞ —সেদায় রুপ 

চুখি চটক চিঁকৗড় ।

পৗঁডুওয়াকান উব–চপদ আকান থতনা 

ঞুরাকান ডাটা—নানহা সুপু জাঁগা থপনা ।

অনাতেগে পালেন 

পুরুধুল হড়ক মেন 

মেঁদ পিরিল নজর-ঞুড়ু ইড়িজ জৗলসৗ 

ভৗবিক তিয়ুঃ বাহারূপ ঞেলক 

আডি পুলসৗ ।

সেদায় গরব সেদায় উদমৗ মন 

খৗলি দিশৗগে নিত্ং

ওহায় জুরি রিঝৗউ সেদায় রূপ 

আদো বাচো জিড়িতং ।

সিরজন ভেয়াঁড় —-হাসাহড়ম জিয়ৗড় 

মঁহে জিউয়ি 

আলম গরব-অৗত আপান-হেনাঃ 

দুলৗড় দিউহি ।

অনাতেগে পালেন 

পুরুধূল আয়োক মেন 

বের জৗনিজ জেরেদলে -হড়ম মন মার্শালঃ 

জিউয়ি ভুর-ধারতী ধারা-মৗনমী 

জনম খার্শালঃ । 

অনলিয়ৗ:-হরপ্রসাদ মুরমু