Santali onorhe হাওরিৎ 

Santali onorhe

হাওরিৎ

 অলঃ বাহু বাংখান বাবু 

বায় রেবেন কান 

ঘড়ি সাইকেল রেডিও কহঁ 

বাবুয় ককয় কান । 

নওয়া সাঁওতা নাসাও কাথা 

উচৗড় কেদায় রায়বার ।

ভাবনা তিকিন গুড়ুম আকান 

হাপেন হঞহার হানহার ।

বৗরয়ৗত সেটের মাড়াং রেগে 

বাহুয় আঁগিরেন ।

জাঁওয়ায় কড়া সাগুন মনে 

সাবাঃ সিটৗয়েন ।

রিলৗমালা দাঃ ঞুগে 

হাপড়াম কক লৗয় ।

সাগুন ঠিলি হেরমেৎ সৗরি 

বায় রেবেনঃ মৗই ।

পাতা ঢাক মা সাডে গুলৗচী 

সেটেরনা নেঁডা ।

রৗসকৗ তেগে ছিলকৗ ছিলকী 

যেমন তালা কাঁডা ।

সাঁগাৎ কড়া চশমা কাতে 

পাচেয় কয়ঃ আলাং ।

লাডু বাংখান ওকোনালাং 

গাতে কুড়ি দানাং ।

আলম কুহয়ু কুহু চেড়ে 

মৗই তালে বায় গং 

রেঁগেচ জাঁওয়ায় বায় কুশী মৗই 

বালে এনেচ দং ।

চাকরী কড়া কিঁষৗড় হপন 

কুচি লায়া মঁজান ।

হারা ঝাকা মৗই তালেদয় 

কুকমু কিঁষৗড় আকান ।

অনলিয়ৗ:- মিস্টার ঠুঁগু