কুহু আড়াংতে santali onorhe

কুহু আড়াংতে

কুহু আড়াংতে 

 নিতঃ হঁ আচকাগে ফাগুন ভোররে 

বেগেদঃ আ কি মেঁৎ কুহু আড়াংতে 

সাড়ে দহঃ বাহা ডগর অন্তর তালারে 

হিড়িঞ কাতে বায় হিড়িঞঃ ঝালকাঃ আয় অন্তর আরসীতে ‌।

ঞেলমে অনে অক্ত উডৗও পারমঃ 

নওয়া মানমী জীয়ন চেতান ।

বান্ডো হয় অটাং ইদিয় সেবেল সড়ম 

সুলুক সাগৗই সানামে তেপেন ।

দন আকাৎ দরয়া দাঃ দরয়া রেগে ঞুরুঃ ।

তিশ রেহঁ বায় তিয়োগ রহড় ঘুটু 

এনরহঁ আশাবাতি জোলোঃ ঞুড়ু ঞুড়ু 

ঞাম লৗগিৎ গে •••••••এনহঁ •••••••কুরুমুটু ।

বাডায়ৗঞ যাঁহায় এম তলে অন্তর রাচারে 

দুলৗড় আয়াম জিউয়ী গাহির 

বায় তাঁহেন উনি আমাঃ খাঞ্চারে ।

জিউয়ী সুক সানামে আকির ।

সুক রেনাঃ এড়ে আহলাতে 

দুক সেঁঙ্গেল তেম জেরেদঃ ।

এনরেহ নিতঃ ফাগুন কুহু আড়াংতে 

জাপিদ মেঁৎ কি বেঁগেদঃ ? 

অনলিয়ৗ:-ঞুতৗত হেমব্রম