বাম রুওয়ৗড় লেনা 

Santali onorhe

 লৗই অটো কাদাম 

বাসাং হাতাড়মে দাঃ 

অৗগুয়িদৗঞ নিৎ গেহাঁঃ 

কিশৗড় অড়াঃ খন 

তেহেঞ সৗত জমাঃ ।

বাবুয় রাঃ এদা দেন গ কাঃ 

বিটিয় রাঃ এদা দাঃ…..।

ইঞদ আমাং—–

হিজুঃ হরিঞ কয়ঃ কাঃ ।

তিকিন তারাসিঞ খন 

বেড়ায় লাডেয়েনা 

দাঃলো ডাডি ঘাটরে ।

রুওয়ৗড়েনাক সানাম 

মিৎ মিৎতে বাজার খন 

বাম রুওয়ৗড়লেনা আমগে ।

সিঙ্গৗড়ঃতে হেচ এনা খবর ,

অল অটো কাদাম 

কিশৗড়াঃ ঞুতুমরে 

সারেচ লেন—–

মিৎ কেচাঃ হাসাহঁ ।

ভর তালা ঞিদৗ অক্ত 

কিশৗড়ইজ কিরিঞ গুতি 

অৗগু কেদায়—-

গজ হড়ম আমাং 

কিশৗড়াঃ কল গাডিতে ।

অনলিয়ৗ:- লাং তিতি