বৗঞ দাড়েয়াদা

 সারদি সিতুং তেতাং হড়মরে

মিৎঠপ দুলৗড়তে 

কয়লা খাদান রেনাঃ খৗদখন 

হবর রাকাব কাতে 

জিওয়ীম তেঙ্গে লেদতিঞা 

যেহিলোঃ—–

উন হিলোঃ 

আমাঃ উদৗর মেঁৎহারেঞ 

দিশৗলেদা আমাঃ দুলৗড় দারহা 

তিনৗঃ গাহিরা রেয়াড়

সিবিলা জিওয়ীয় লাড়েজা ।

বিজলী মালকাঃ সনা বারগ 

চিকৗড় দুলৗড়েঞ ঞেল আকাদা 

ঞেল আকাদাঞ আঁশ মেৎতে 

অড়াঃ খন আঁগির অডোক 

সংসার রাপুৎ লালচিয়ৗ দুলৗড় 

ছাঁন্দা লাগিৎ ইঞ রিকৗলেদা 

লেভড়া লালচিয়ৗ মনেতে 

মেনখান——

বৗঞ দাড়েকাওদা……….

আমাঃ রিলৗমালা ফৗরয়ৗ 

ডাডি দাঃ লেকান মেঁৎহা উইহৗরতে 

আমাঃ অনা সারি দুলৗড় দিশৗতে । 

অনলিয়ৗ:- রামধন হেমব্রম