১৫ আগস্ট ১৮৫৫ সাল রেয়াঃ টৗরওয়ৗঃ আর                     বিন বিচৗর মার্শাল ল

ভারত দিশম

ইংরেজ দ হুল ইড়িজ কাঃ আর হড় হপন ক গবল কওয়া মেন্তে জায়গা জায়গা ক গজ কেদ কওয়া আর আসল আসল ফৗদ দক ছিম ছৗতুর কেদ কওয়া । এনহঁ সান্তাল ফৗদ দ হু-হুল তেগে ক তাঁহেয়েনা । 

ইংরেজ সরকার ১৮৫৫ সাল আগস্ট ১৫ তারিখ রে গোটা দিশম ক টৗওরৗঃ কেদা বাংমা হুল মুখিয়ৗ ক ছাডা জাঁহায় গেক গবলকঃ আ উনকু দ ইকৗ ক ঞামা । টৗওরৗঃ রেয়াঃ আসল কাথা নংকা তাঁহে কানা বাডায়ঃ কানা সান্তাল হপন আদম কদ সরকার বিরুদরে ক হুল কেদ লুট পাট কেদ দিশম ক মুড়হৗন কেদ আর ফৗদ ক তিঁগু দারাম কেদ করে হঁ আডি উতৗর হড় আকওয়াঃ লেলহাতেদ আর ঘৗট তেদ ক উরুমেদ তাকওয়া আর ইকৗ অচঃ সানায়েদ কওয়া আর পাহিল লেকা সাপোরটে তাঁহেন ক মেন জং কানা । অনা ইয়ৗতে লৗই সাডেঃ কানা সরকার দ রায়ত কওয়াঃ ভৗলৗই গেক খজ কান্তে সান্তাল হপন ক বাড়িজ হড় কওয়াঃ আয়ুর তেক আডিজ অচ লেন রেহঁ ১০ দিন ভিতরিতে গবলঃ ক মানাও লেখান তদারক আর বিচার কাতে হুল মুখিয়ৗ আর আয়ুর ক ছাডা কাতে জত গে ইকৗ ক ঞামা ।

টৗওরৗঃ পাসনাও এন রেহঁ সান্তাল হপন ক বাক দম্বড়াও লেনা । সিওড়ী সেদ বার ফৗদ হড় পাসেদ ১২-১৪ হাজার গান ক জাওরায়েনা । মিদ ফৗদ আয়ুরিজ সিরু মাঝিয়ে তাঁহেন কানা । উনকু এটাঃ ফৗদ তাঁগি কওয়া মেন্তে ক ডেরা ঠিক আকান তাঁহে কানা ।

15 August

মিৎটাং ডাকওয়ালা দ ডাক থৗইলৗঃ আন্তে সিহুড়ি তেয় চালাঃ কান তাঁহে কানা । ডাক দক রেজ কেদেয়া আর অনা বদল পেয়া সাকামরে সারজম ডৗর ক এমাদেয়া । অনা রেয়াঃ ভেদ দ পে দিন তায়ন সিওড়ী রেনক মৌলবাদ কওয়া মেনখান ফৗদ বাংক সেন লেনা ।

হড় হপন ক উতপাত তেগে ক তাঁহে কানা । খান সরকার ১৮৫৫ সাল ১০ নভেম্বর বিন বিচৗর অৗন মার্শাল ল এ লাগু কেদা আর জেনারেল লয়েড আর বিরগেডিয়ার জেনারেল বরিড সাহেব তাকিন তি রে ২৫ হাজার সিপৗহি দিশম রেক পাসনাও এনা  ।