New Santali onorhe||ভোর বেড়া|| //santali onorhe 2018-19

Santali onorhe

ভোর বেড়া 

;;;;;;;;;;;;;;;;;;;;;;;

চেঁড়ে কক চের বেরয় ঞিঁদৗ চাবাঃ কান 

ঘাঁস চটরে পোরোই পোরোই শিশির ঞুরঃ কান 

মনে জিউয় রেয়াড়েনা হিঁসিৎ হিঁসিৎ হয়তে 

বাগান রেয়াঃ জবা মালী সারেড়েনা সাড়তে ।

হয় ভরতে বাহা “শ” তে গটা টাপাওএনা 

জপর জোলে লেওয়ের কদর মঁজতে হিলাউএনা ।

তেজো উরু হিজুঃ আক চপজাক রাসা 

রৗস্কৗ তেক ফারকাও এনা তিরপিতাক আশা ।

পুরবা রিমিল জেঁগেৎ জেঁগেৎ বেড়ায় রাকাব হানি 

গিদ্রা আপে বেরেৎ কাতে ঞেলে পেসে উনি 

ইসি আঁরাড় গঃ কাতেক চালাঃ কানা চাষী 

ভিডি মেরম সোতোঃ কাতে হানকু গুতি দাসী ।

জম জংপে বাস্কে মাঁডি হরগ তাপে ধুতি 

অলঃ সেঁড়া লাগিৎ আপে সাজাও তাপে পুথি 

হরতে চালাঃ গাতে তুলুচ আল ঠাইচৗয়াপে 

আপে ঠাঁওরে দুডুব কাতে অলঃ সেঁড়ায় আপে ।।