Santali Baha Parab | Santali Baha Parab Part 4 |Santali Culture

উনি দাঁড়ে হঁয় অৗতিঞ লেনখান‌ গে আদ উনিয়াঃ হটঃ গেৎ তপাঃ কাতে খঁড রে বহঃ তেৎ দ দহয়ায় ….. আর  মায়াম এ্যা জর হচয়া ‌। অনা খঁড রেহঁ আদ হানে লাহাতে লেকা দাঃ চুডরুচ আর বেড়হাও এসেৎ  কাতে আদয় গঁডাঃ আ ।

অঁডে খন আদক চালাঃ আ জাহের টাঁন্ডিরে মেনাঃ আন মাতকম বুটৗ লাতার রে গঁসাই এরা আ থান ঠেন । নায়কে দ অঁডে আদ মিদটাং এ্য তেরারা । আর অনা খঁডরে আদওয়া চাওলেয় চুরুজা আর পে টিডৗঃ সিঁদুর এ্য টিডৗগা উনি গঁসাই এরা উইহৗর কাতে । অনা তায়ম দাঁড়ে অৗতিঞ উন অক্ত রেনাঃ বাঁখেড় –

         জাহের আয়ো জাহের টৗঁন্ডি রেনাঃ

 নওয়া মাতকম বুটৗম হর -হ আকাৎ গঁসাই এরা 

 মা এন খান‌ আমহঁ নওয়া বাহা ঞুতুম তে

এম আম কান চাল আম কান আয়ো….

সুকতে সাঁওয়ারতে আতাং কাঃ তেলা কাঃ আয়ো

নায় বাড়ে নাপায় বাড়ে আয়ো…….।

মা আয়ো আতো অড়াঃ করেন বৗহুড়িয়ৗ ক 

সানাম কগে নাপায় তেক তাঁহে কঃ মা বাড়ে ….

অনে যাঁহানাঃ উনকু মুদরে বে- বৗড়িচ ক-দ 

আল -গে সিরজৗও কঃ ভিড়ৗও কঃ আয়ো

নায় বাড়ে —- নাপায় বাড়ে আয়ো….।

উনি সিম হঁ অৗতিঞ লেনখান‌ গে আদ কৗপিতে বহঃ এ্য গেৎ তপাগ তায়া । খঁড তালারে বহঃ দহ কাতে অনা খঁকে মায়াম এ্যা জর হচয়া । অনা তায়ম আদ লাহা তেনাঃ ক চেৎ লেকায় বিকত আকাৎ আ নায়কে দ অনকা গে কৗমি দয় বাকতয়া । উনদ নায়কে সাঁওতে সানাম কগে আদ ক গঁডাঃ আ। 

(দাঁড়ে অৗতিঞ লাহারে দাঁড়ে ক হড়ম রে দাঃ ইরচী কাতে  বহঃ হড়ম আর চুপি সেৎ রে সিঁদুর জৎ হুয়ু আ । মিথি গুঁডৗ হঁ হড়ম রে জৎ আক দ হুয়ঃ আ ।) 

বঁগা কক হেজ আকান‌ রেদ …….বঁগা ক সুমৗন লাহিরে নাসেনাঃ ক রৗসকৗ হচ কওয়া । উন অক্ত রেনাঃ মিদটিং সেরেঞ  রাহা দ হুমটি 

 • Baha Sereng

         ইচৗঃ  বাহা পোরোই পোরোই

        মুরুদ বাহা জেঁগেদ.…………

        চেঁড়ে ক ঞু কেৎ চেঁড়ে ক ঞুকেৎ মানা  

        মিরু ক হাবেড় ………………………..।

        তড়েগড় পুখরি রে তওয়া বাহা 

        বাহা বাঁদেলা রে আটাল বাহা

        মড়ে ক–ক ঞুয়া তওয়া বাহা 

        তুরুয় ক–ক ঞেদা আটাল বাহা 

বঁগা বুরু সাওতে সানাম কগে রৗসকৗ বাড়া কাতে আদ বঁগা ক—ক সুমৗন কওয়া । নায়কে সাঁওতে সানাম কগে ক লৗয়া মা গঁসাই আদ আঁগাস কঃ 

পে সাদম চাতম ক–ক লাঁগা চাবা আকানা….।

এনখান গে আদ বঁগা ক মিৎ – মিৎতে থান রেক তাবের গদঃ আ । নায়কে মলং রে বারায় লুতুর রে সোপোরে কড়াম রে আর দেয়ারে মিদ টিডৗঃ

কাতে সিঁদুর এ্য লাঠা আকওয়া অনকা কাতে বঁগা ক সুমৗন বাড়া কাতে আদ সোড়ে ক-ক ইসিনা । বহঃ দ নায়কে আর  আতো হড় দ দাড়ে কওয়াঃ হড়ম জেল ক সোড়েয়া । বহঃ সোড়ে ইসিন লেনখান‌ নায়কে দ অনকাগে বাঁখেড় তালা 

তে খঁড়‌ করে আঁড়গো কাঃ আয় । উনিগে মারাং

বুরু ঞুতুম তে তাং হৗঁডি‌ সারজম সাকাম রেনাঃ 

বেনাও ফুড়ুঃ তে অৎরে চডরায় । 

উন অক্ত রেনাঃ বাঁখেড়……বুরু

       জহার গঁসাই মারাং বুরু

       মা এনখান নঃ অয় বাহা ঞুতুম তে

        রা দাঃ তাপান দাঃ লে

      এম আম কান চাল আম কান গঁসাই    সুকতে সাঁওয়ার তে আতাং কাঃ তেলা কাঃ গঁসাই

 নায় বাড়ে নাপায় বাড়ে গঁসাই।

মা গঁসাই এনখান দাঃ জৗড়ি ক বাড়ে লগনতে

অর  আঁড়গো অৗগু কাঃ মে বাড়ে গঁসাই

সানাম কগে অনে নায়তে নাপায় তেলে তাঁহে কঃ মা

নায় বাড়ে —–নাপায় বাড়ে গঁসাই ।

নিয়ৗ তায়ম আদ হৗঁডি‌ ক—ক ঞুয়া আর সানাম কগে সোড়ে ক-ক জম হৗটিঞা । আতো হড় কদ  জাহের টৗঁন্ডি খন বৗগি হ-ট কাতে মিদ বার হড় অনে মিদ ডঁডেক গান ক চালাও দাড়েয়াঃ আ ।

মেনখান আ । নায়কে দ তিন হৗবিচ অড়াঃ তে বাংক ইদিয়েয়া উন‌ হৗবিচ জাহের টৗঁন্ডি বৗগি কাতে উনিদ  চালাঃ দ একালগে বাং গানঃ তায়া । তারাসিঞ বেড়া সানাম আতো হড়তে তুমদাঃ টামাক আতে  নায়কে আদ অড়াঃ তেক ইদিয়েয়া । উন অক্ত রেক সেরেঞ—-

                                 

 

     হর ধারে রে হর ধারেরে হাট বাহা‌ দৗইনা …..

     গুতুয় আলাং ঝাংকা দৗইনা

     বাহায় আলাং দালায় দালায়……..

     বির ধারে বির ধারে রে ………

     লাডয়া তেরেল তেঞাংজা ……

     আমদ-দ জম তাম জা তেঞাং জা…..

     আমদ দ হবর  তরায় তাম….।

অনকাগে আরহঁ ক সেরেঞ সাঁও তরা আঃ আ…

        সকড়া রে সকড়া রে বানা দনা দৗইনা

        বানা দনা বানা লিসয় লসয় 

        বানা দনায় দৗহড়ি আকানা……..।

অড়াঃ ছাটকায় সেটের লেনখান‌ নায়কে দ আতো রেন সানাম তিরলৗ হড় কতে আদ জাঁগা ক অৗরুব এয়া । জাঁগা অৗরুব কাতে ক গঁড জহার আয়া আর নায়কে ঠেন বাহা ক আতাং আ । নায়কে হঁ বাহায় এমা কওয়া আর বহঃ রে সৗগুন ঠিলি রেনাঃ দাঃ কৗটিচ এ্যা দুল আকওয়া । জাঁগা অৗরুব হুয় লেনখান‌ গে নায়কে আদ অড়াঃ তেয় বলনা । বাহা সৗরদি হিলগাঃ কৗমি 

দ ইনৗ খান গে মেটাঃ আ । দসার হিলঃ দ বাসকে 

। সেঁদরা কড়া ক সেতাঃ তরা সেঁদরা লৗগিৎ ক উডুকঃ আ । সেঁদরা খন রুওয়ৗড় হেচ কাতে মৗঝি অড়াঃ রে জাঁগা ক-ক অৗরুব কতে হৗঁডি ক-ক এমা কওয়া । অনা তায়ম খন গে এতহবঃ আ আদ বাসকে গাডে বাড়ে…..।

বাহা সেরেঞ আর মাঃ মড়ে সেরেঞ অঁড়হে দ মিদ আন গেয়া । চেদাঃ সে উনকু বঁগা কগে ক ঞুম তরা কওয়া । বঁগা বুরু রেনাঃ নেয়াম কহঁ মিদ আন গেয়া । অনে লাহা রেগিঞ লৗই আকাৎ 

ফারাক দ হুয়ুঃ কানা বাহা রেদ কৗটিচ দাঁড়ে আর মাঃ মড়ে রেদ সেঁড়া দাঁড়ে । বাহা রেদ নায়কে গে ঝতম দাঁড়ে কওয়াঃ হটঃ গেৎ তপাঃ কাতে খঁডরে মায়াম এ্য জরয়া । মেনখান মাঃ মড়ে রেদ পোঁড বদা দ মারাং বুরু গেয় মাগেয় ।

বাডায় তাঁহেন মা বাহা আর মাঃ মড়ে বঁগাঃ রেদ জাহের এরা আঃ গে লাহা রে খঁড দ বেনাও হুয় আ । আর জাহের এরা গে লাহা তেদ এমায় হুয়ঃ 

আ । অনা তায়ম মারাং বুরু মড়ে ক তুরুয় ক গোঁসাড়ে মৗঝি বঁগা করে দ মারাং বুরু গেয় লাহাঃ আ । নওয়া কিন রেনাঃ কৗমি অক্ত রেদ জাহের এরা গেক লাহা আকাদেয়া উনি বাবা ঈশ্বরাঃ লৗই লেকাতে । চেদাঃ সে হানে পৗহিলঃ

দে বংশ যদু বংশ কওয়া অড়াঃরে লিটৗ মেনেদ দ

মারাং বুরু ছুঁত মুকুৎ এ্যা চালাও লেৎ খৗতির জাহের এরায় এগের লেৎতে উন অক্ত উনি মারাং বুরু দ পাতাল পুরি তেয় ঞির বললেন তাঁহেৎ । মারাং বুরুয় ঞির বল লেন রেদ জাহের এরা গে উনিদ পাতাল খনে পাঁজা অৗগু লেদেয়া । অনাতেয় কুসি লেন খৗতির গে বাবা ঈশ্বর দ সানাম বঁগা বুরু অঠেন এ্য লৗই পাশনাও লেৎ আ 

বাহা বঁগাঃ রেদ জতম হড় ক খন লাহাতে সেবা দ 

জাহের এরা গেয় ঞাম -মা বাড়ে ।

                                   জহারং🙏