Sidu kanhu

 মালকাঃ কানা ঝালকাঃ কানা সারসাঃ কানা রাঃ 

দরয়া সামুন উটুল ডুবুল ছিলকৗঃ কানা দাঃ 

রড়েম হিড়িঞ হরেম আদা বতর চুমুল চুমুল 

আঁবাস ঞিদৗ গায়াম গায়াম অকয়াঃ চেতাৎ উমুল 

উনকু দ অকয় মানমি রূপতে তিহিঞ আব সামাং 

জঙ্গলমহলরে তারকঃ কানা হিঁসৗলিয়ৗ আঃ আড়াং 

চেতাৎ আশাতে চেতাৎ জ্বালাতে চেদাঃ দ হায় কৗওলৗও 

আদিবাসীগে এতম কঁয়ে হুয় আকানাক বুলৗও ।

আনার বানার চোহদ দিক মার্শাল দ উকুর 

জারগে জাপুৎ রাদবাদ রাবাং ঠুকুর ঠুকুর ।

এরা উরু ঢারা ঢুরু জমাঃ লাগিৎ ক রারাঃ 

রাজপাট লাগিৎ মানমি তিহিঞ কামসাও আতেক গারজাঃ 

মৗন মহৎ ধরম সরম ঝতগেক হিড়িঞ hai

দশার হুল সির্জীঃ কানা খেরওয়াল কঠেন তিহিঞ 

নওয়াকি আরি উকুর শান্তি হায়রে ভারত আয়ু 

দিশউয়ৗ তিহিঞ দিশম লৗগিৎ চেদাঃ তবে লায়ালুয়ুঃ 

লাহাঃমে যুওয়ৗন সাহাঃমে বাইরী আগুয়মে নাওয়া সৗগুন 

জুমিৎ কাতে দশার গানতে খেরওয়াল কবন তিঁগুন ।

Sidu kanhu

ভাকা ভরম জৗতি ধরম সেরওয়া হিরিচ পৗসির 

দিশম তালা খেরওয়াল ক ঝত ছিতির বিতির 

অকারে গাড় অকারে ঝাড় অকয়দ বিরৗদালি 

অকারে আম অকারে ইঞ ঝতগেত দলাদলি 

জুমিদ রেনাঃ বোরসে সেঁগেল ইড়িচ এনা রাজ গাড়রে 

লাহান্তি রেনাঃ লৗওকৗ ডুবুজ এনা তালা নৗইরে ।

লৗউড়িয়ৗ তিহিঞ আমকি থির তাঁহেনাম দরয়া তালা 

দায় আমাঃ দিশম রেনাঃ হহ অৗমৗঞ দেলা 

মনে রেনাঃ দাড়ে মেনাঃ ক ঝাড়ে বানুঃমে এসকার 

দিশম রেনাঃ রূপ মানমিয়াঃ সুখ গঃ আকাদাম অৗঙ্গিভার 

তিহিঞ কি তবে সৗঁগিঞরে আম তাঁহেনাম থিরথার 

লাহাঃ হররে সোতঃ কাতে নওয়াদ অকা কারবার 

বিনিড আমাঃ দিশম রেনাঃ অকারেদ সুখ দিন 

মার্শাল বৗতি জেরেৎ কাতে সাহায়াম কুয়ৗ চিন 

হুল রেনাঃ জুঁডি সেঁগেল জুলমে হুলগৗরিয়ৗ 

সুলুক রেনাঃ সাজাও বৗতি সাবমে সুসৗরিয়ৗ 

তবে রেসে দিশম তালা ঞেলঃ আ মেলান ডৗহি 

শান্তি রেনাঃ হুলসৗইরে লাহাঃমে সিপৗহী ।