New Santali Kahani ধূড়ি সিঁদুর part-6 

তেহেঞ হৗবিজ সনত, তেতাং আঁশ বাং-এ সদর দাড়ে আকাওাদ তাঁহেদ। আঁঘাড় বঁগা অক্ত তাঁহে কানা। আজাঃ খ‌ুঁদড়ি রেগে সনত পাড়হাঃ এ দুড়ুব আকানা। হৗরকিন আতে পতব সামাং কাতে চেদ্ এ পাড়হাঃ চেদ দ বাং আ, দিশৗ গে বানুঃ। পতক ঞেল ঞেলতে, দাকা জম বেড়া হঁ হয় এনা। ঝতগে জম বাড়া কাতে, আপান অৗপিন ক জায়গা বাড়ায়েনা। সনত আঃ জাপিদ বাং হিজুঃ কানা। চিয়ৗররে দুড়ুব কাতে পাড়হাও এ ছুটৗও আকানা।

আজ আয়ো দ অড়াঃ ভিতার খনগেয় হহ গন কেদা— ‘জাপিদ মে বেটা। —— বাং আ য়ো। সামাংরে বিনিড সেটের হুয় আকানা। আপে দ জাপিদ প‌ে l

উনৗঃ ঞৗদৗয়েন দ, গাপা সিমরাঃ তিঞ বেরেন কামা।

—জৗপিন বাং হিজুঃ কানা য়ো।

আজ বাবা দয় মেনগদ কেদা— পাড়হাও হচ আয়মে। বাংখান মাড়াং ধাও লেকা……l

পতব মায় উয়ুং আকাদ গেয়া। মনেরে চেদ হঁ বাং বৗয়সৗও কান তাঁহেন্। সারা লেতাড় বাহা মৗই আঃ মেদআহাগে উইহৗর হিজুঃ আ। ঘুড়িয় উং কেদা। ঞিদৗ গেল মিল টাড়াং।চ‌েদ উইহৗর তেচ খাতা রেনাং মিনটাং সাকাম অর ছাড়াও কাতে বাহা ঞুতুম চিঠি অল এহব কেদা। অকারে এহবা আরে মুচৗদা, দিশৗগে বায় দিশৗ দাড়েয়াঃ কানা। বহঃরে

New Santali Kahani ধূড়ি সিঁদুর part-6

চাপো কাতে অৗড়ি ঘৗড়িক এ হৗপি থিরেনা। মচাতেমা ভরসা বাং কুড়ৗঃ কানা। নাসে নাসেতে কলম সুঁগৗহঁ লাড়াও এনা। অৗড়ি বার বারন কাথায় অলকেদ্ গেয়া। আর বাহাঠেন খন এ অৗগু লেৎ পতব রেগেয় সগে কাদা। অনা তায়ম অৗড়ি বৗড়য়ৗ তেয় জৗপিদ কেদা ।

মনে মা মেনাঃ আ বাহাঠেন । কুকমুতে বাহা তেক অড়াঃ এ সেন আকান তাঁহেদ। চাল আদেয়ায় গতব। বাহা দ পতব অটাঃ সাঁওতে ঞাম কেদায় নানা হুনৗর বাহা ডৗরতে সাজাও আকান চিঠি সাকাম।

— ‘ নওয়া দ পালেন আমাঃগে? নে? বাহা দ চিঠিতেদ এ এম রুওয়ৗড় আয় কান তাঁহেদ ।

সনতগেয় মেন রুওয়ৗড় কেদা – বাং! অনা দ আম বাখরাগে। মানে মচাতেমা বৗঞ লৗয় দাড়েয়াম কানা, অনাতে নওয়া রহড় সাকামতে ইঞৗঃ দুখ’ হারকেৎ সানাম কাথাম বাড়ায় ঞ‌াম দাড়েয়াঃ আ।

–  ঝতওয়াঃতে উরুন পুরুন আর চেদ্ রেয়াঃ দুখ হারকেৎ?’ সনত অৗডি হারে ফারেয় মেন রুওয়ৗড় কেদা — ইকৗঞ খজঃআ বাহা। অকা দিশৗতেচ আমাঃ নওয়া বাহা লেকান রুপ ইঞৗঃ রিদৗয় ঘৗরিরে অৗসুল মিরু লেকা খ‌ি‌লডু এনেজ কানা।

-‘সনত আমাঃ মচা খনাঃ নংকান কাথা? বৗঞ উইহৗর লেদ্ মেয়া সনত, আম নংকান কাথাম মিতৗঞা মেনতে। বাম বাড়ায়া সাগেন সাঁও ইঞৗঃ বাপলা হয় আকানা? মেন কাতে বাহা দ চিঠি সাকাম অর চিরৗ কাতে সনত আঃ মেৎ আহারে চাপাৎ গিডিয়াদেয়া।

চমকাও বেরেদ এনায় সনত। জানালা খন কয়ঃ লেদা, সিঞ চাঁদো পুরুব নাখা খন বৗয়-বৗয়তে সনা থারি লেকায় রাকাব কানা। চেঁড়ে চিপরুদ সানাম জীব-জিয়ৗ‌লি আজঃ ত‌াঁগি তাঁড়াঃ র‌েক তাঁহেয়া।

New Santali Kahani ধূড়ি সিঁদুর part-6

সনত মনে মনেতেয় বাঁখেড় গৎ কেদা। হেঁ চাঁদো বঁগা! আমাঃ মনে জিওয়ৗ অৗড‌ি যথাত গেয়া!ধৗরতি পুরিরেন সানাম জিব-জিয়ৗ‌লি রেঁগেজ আর কিঁসৗড় ঝতগে

সমান মেৎতেম ঞেল দারাম কওয়া। সানাম কওয়াঃ আঁশ আর আরদাস এম পুরৗও তাকওয়াঃ। মেনখান ইঞদ চেদ ইঞ বৗড়িজ কেদতে ইঞৗঃ তেতাং আঁশ বাম মেটাও দাড়েয়াঃ কানা!’

বেড়া হঁ বৗসয়াম ইদিঃ কানা। অৗতু হড় কহঁ দাকা টুমৗং আতে হুডু সামটাও ক মহড়ায়েনা। সনত আজ বাবা গুতি কৗড়মি ক ইদি কাতে বৗদসেন গেয় ওডোক এনা । ইনৗ  

তায়ম তেগে সনত আজ আয়ো হঁ দাকা টুমৗং   দিপিল কাতে উনকু গেয় পাঁজা কেদ কওয়া। সনত এ উইহৗর বাড়ায়েদা, নওয়া গে বাহা তেক অড়াঃ সেনঃ রেনাং অক্ত। ইনৗ ক উইহৗর বাড়া তেগে পালেন সিসিরজিওয়ীচ দ সনত আঃ নেহর এ আঁজম ঞাম কেদা। অনাতে ইনৗ অক্তগে বাহা দ সনত ঠেন এ ভেজা লেদেয়া।

New Santali Kahani ধূড়ি সিঁদুর part-6

সনত আজাঃ খুঁদড়ি রেগে পাড়হাঃ এ দুডুব আকানা। দুওয়ৗরসেদ দয় দেয়া আকাদা। আচকাগে দুওয়ৗর খন বাহা আঃ আড়াং ‘সনত।’ কয়ঃ লেদায়, দুওয়ৗররে বাহা মৗই এ তিঁগু আকানা। সনত বাহা ঞেল কাতে হাহাড়গেয় বুঝৗও কেদা। তিসহঁ বাহা নংকান অক্তরে বায় হেজ আকানা। কুকমু কান লেকায় আয়কৗও কেদা। কয়ঃ রেগেয় তাঁহেয়েনা।

‘সনত পতব ইদিঞ হেজ আকানা’— বাহাগেয় মেন কেদা ।

‘বাম দুডুব তারা আ??

‘বাং আ অৗডিঞ হর বরঃ কানা।

‘পালেদ চেদ চম অৗড়িস আকাওদিঞা। অনাতে বাম দুড়ুর কানা। বাহা সনত আঃ কাথা বায় বাং দাড়েয়াদা। তারা পারকম রেগেয় দুড়ুব এনা।

সনত অৗডি সক্তম ছুটৗও আকানা। ইঞ মা সারা লেতাড় কৗমিগে।”

– অকারে! খৗলিগে। আচ্ছা দুড়ুব হাতাড়ঃমে। সনত দ মেন কাতে চেদ অৗগু চয় সেনঃ আ মেনতে। বাহাগের মানা কেদেয়া বাং আ। বৗঞ ঘৗড়িকঃ আ।’ সনত তিঁগু রেগেয় তাঁহেয়েনা। চেদহঁ বায় দিশৗ দাড়েয়াদা। চেদ এ চিকৗয়া ?

বাহঃ তিরুব কাতেয় মেন কেদা— ‘বাম দুড়ুব গেয়া।’

বাহা সঁগেতেয় তেলা রুওয়ৗড় গদ কেদা বাং আ। আচ্ছা সনত নেতার খন

চেদ ক  উনৗঃ এম চিন্তৗয়া? যাঁহা তিরেক ঞেল মেয়া, পালেন চেদ কচম উইহৗর বাড়ায়া ।’ সনত দ  সানাম কাথা উকু সানায়া। মেন কেদায়– উকুর বাং আ তো! ঞেলগে অনকৗঞ ঞেলঃ আ।’

New Santali Kahani ধূড়ি সিঁদুর part-6

সনত পতব এ ওডোক কেদা। অনা ভিতৗররে মেনাঃ আ চিঠি সাকাম। এমঃহঁ বতরগেয় বুঝৗও এদা। অনকাতেগে বতর বতরে চাল আদেয়া অৗডি দিন ইঞ দহ কেদা অৗড়িস কঃমে।’

বাহা দয় মেনকেদা—’চেদ অৗড়িস! ইঞৗঃ হঁ  যাঁহাতিস লৗকতি হুয়ুঃ গেয়া।

অনকা মেন কাতে বাহা বিদৗয় এ হাতাও কেদা। সনত আতরা ওডোক কাতেয় কয়ঃ গদ্ কাদেয়া।

বহঃরে চাপু কাতের দুডুব থিরেনা। উইহৗর আচু কেদা পাছে চিঠি সাকাম ঞেলতে বাহা বৗড়িজ এ উইহৗরা। মেনখান তি খন আড়াঃ আকান সার মা বায় সাব দারাম দাড়েয়াঃ দো। আয়ো বাবা বাড়ায় ঞাম লেখান চেদ হুয়ুঃ অনাদ সিসিরজাওয়ীজ গেয় মেন কেয়া। উইহৗর চিন্তা তে সনত দয় কাহিল চাবা এনা।

ইনৗ হিলঃ অৗয়ুব বেড়া পাড়হাঃ অক্ত বাহা অটাঃ ঞাম কেদায় চিঠি সাকাম। নানা হনৗর বাহা ডৗরতে সাজাও আকানা, সামাং পাহাটারে অল তাঁহে কানা বাহা মৗই আঃ ঞুতুম। আজ ঞুতুম চিঠি কানরেহঁ পাড়হাও হঁ অ-ভরসায়ে বুঝৗও কেদা। ইনকৗ দয় ঠিকৗয়েন গেয়া, নওয়া দ সনতাঃ অল কানগেয়া। অনাতে অচঃ কাতে পাড়হাও এ ছুটৗও এনা। অল তাঁহে কানা-

New Santali Kahani ধূড়ি সিঁদুর part-6

দুলৗড়িয়ৗ বাহা

অৗয়ুব বেড়া পাড়হাঃ ইঞ দুডুব লেনা। অকা সেদাঃ চ, বাহা সঁধাড় স ইঞৗঃ বানার মুঁ ভুগৗঃরে ঘেরওয়া বলয়েনা। জিওয়ীরে অৗকুল বৗকুল ইঞ বুঝৗও কেদা। অনাতে আমঠেন, লাজাও বতর দেয়া কাতে চিঠি অঃ অলিঞ এহব কেদা ।

ইকৗঞ খজঃ আ। রৗগিঃ আর এম রৗস্কৗ অৗড়িস অৗড়িস তেহঁ নওয়া রহড় সাকাম দ পাড়হাও পুরৗও কাঃ মে। অৗডি দিন খনগে আমাঃ ফুটৗও বাহা উমের ইঞৗঃ যুওয়ৗন মনেরে খিলডু এনেজ কানা। মচাতে মেমেন সৗনৗঞা, মেনখান আম সাঁও ঞাপাম লেনখান আলাংগে বায় উল্টৗঃ তিঞা।

গেনেজ গেসের নানা হুনৗর দারে নৗড়িতে সাজাও আকান রিলৗ মালা ধৗরতি পুরি তালারে, অকয় চ রৗস্কৗতেয় লাঁদা জং কানা । বায় মেনগঃ অয়ক চ অকা কঁডরে  রেঁগেজ জ্বালা আর বাং দুখ হারকেত  তেয় রাঃ হমর জং কানা। আর লাজ জ্বালাতে তিনৗঃ  হড়ড় ক কয় জং কানা। চেঁড়ে চিপরুন ঠাকুর সিরজন, উনকুওয়াঃ রাঃ আধোড়তে অন্তর জিওয়ীরে ধৗরতি জাকাত রেনাং সাঁদেশ তারকো রাকাব-আ, তবে এনাং ঠিকৗঃ আ ধৗরতি রেনাং আসল রুপ।

অনকাগে ধৗরতি পুরি রেনাং সানাম দুখ হারকে আর রৗস্কৗ রমজ অন্তর মেদ সামাংরে ঞেল সৗনাঞ কানা। অনাতে আঁশঃ-অৗঞ আলাং আঃ জিয়ন ঢঁগারে লৗওড়িয়ৗ

সাজাও কাতে লে-লেঁগেদ জালাপুরি পায়রা পারমঃ দাও এম ইমৗঞ গেয়া।

নংকান কাথা আঁজ ম কাতে, হয়ত বৗড়িজ এম উইহৗর দাড়েয়াঃ আ। মেনখান পাগলা মনেরে বৗড়িজ উইহৗর, হড়ম মায়ামরে কৗরি নৗগিন বিষ লেকা ভেদাও সৗরি আকানা। আমার ফুটৗও বাহা জুওয়ৗন হড়ম বিষ দ, আমাঃ দুলৗড় চেরেজ তেগে ঝাড় আঁড়গো কাঃমে। বাহা আম ছাড়া অকয় হঁ নওয়াদ বাংক দাড়েয়াঃ আ

                                       ইঞাগে অভাগিয়ী,                 

                                               সনত

চিঠি পাড়হাও মুচৗদ সাঁওতে জহারে চাপো কাতেয় দুড়ুব হৗপিয়েনা। উইহৗর আঁচুর এদায়, সৗরিগে পালেন সনত আজ খৗতিরতে অল পাড়হাও সানাম এ টিলাও চাবা আকাদা।

সামাংরে সেটের হুয় আকান মেট্রিক বিনিড। অলঃ পাড়হাও বাগি কাতে দুলৗড় দরয়ারে খিলডু এনেজচে আর সভাঃআ? মেনখান বাহা হঁ সনত দ অৗড়িজ এ কুসিয়ৗয় তাঁহেদ। নাপায় গাতে মেনতেয় উইহৗর লেদেয়া। নাসেই উইহৗর দ বাং তাঁহেয়া, মিদদিন হিলঃ সনত গে জিওয়ী জুরি গাতেয় হুয় কঃ আ মেনতে। মনে রেনাং কাথা অকয় হঁ বায় তুনুম দাড়েয়াঃ আ।

New Santali Kahani ধূড়ি সিঁদুর part-6

উইহৗর চিন্তৗতেয় ঘেরাও চাবায়েনা। চিঠি সাকাম টেবিলরে চাপাদ কাতেয় কুটবুর থির এনা। বানার মেদ্ খন মেৎ দাঃ জহা চেতান হিডির হিডির জর আঁড়গো এনা। অটাঃ আকান পতব সানাম লহদ চাবায়েনা ।

কৗজ-কৗজতে মনে রেনাং চিন্তৗ সেঁগেল হারসুড় ইদিয়েনা। অৗডি যতন তেয় সামটাও কেদা চিঠি সাকাম। সামটাও কাতে পতবরেয় সগে হাঁপি কাদা।

অড়াঃ ভিতৗর খন আজম এনা— ‘দাকা জম আঁরুবঃ বিন।’ দুডুব খন বেরেদ এনায়। চিয়ৗর ঠেলাও সাহাও কাতে দাকা অড়াঃ মহডা গেয় ওডোক এনা।

আব হুতুম বাড়া কাতে, দাকায় লু আনতে, মিদ সাহারেয় দুডুব হৗপি এনা। সাঁওতে আজ মামী আর মামা হপন এরা বিটি হঁ আর মিদ পাহটারে। উইহৗর চিন্তৗরে নৗডরী কমা দৗরয়ৗ চাবা আকানা। দাকাগে বাং উদুঃ  কানা। অৗডি বৗড়য়াতে মিদ বৗটি দাকায় জম চাবা কেদা। আর ঝতগে জম বাড়া কাতে ক জায়গা বাড়ায়েনা।

অনলিয়ৗ:-ছাকুলাল মুরমু