New santali onorhe আদ বাং বয়হা // santali onorhe 2019-20

Santali onorhe

আদ বাং বয়হা 

~~~~~~~~~~~~~

 বয়হা বয়হা বন তাপাম আকানা আডিদিন 

বয়হা বিরুদরেবন কৗমি আকাদা নিরঘিন ।

আবো তালারে বানুঃ আ তেহেঞ সুলুক নিরৗই 

হিস্কৗ হুলুং সেঁগেল ল তরচ এৎ ঝত সৗগৗই ।।

আদ বাং বয়হা- 

দেবন জুড়ৗও রুয়ৗড় সৗগৗই মালা 

তাঁহেনাবন সানাম রৗস্কৗ দুলৗড় তালা ।।

সাঁওতা তালা মেনাঃ গেয়া নিতহঁ অঝতন্ত্র 

জিওয়ী জৗতি নাসাও রেয়াঃ নওয়াগে আসল যন্ত্র ।

হানি নৗইয়াঃ লৗই কাথাতে জানাম আয়োয়ে ডৗনঃ 

দালেয়াবন তলেয়াবন আর বাং খান এ ছানঃ ।।

আদ বাং বয়হা — 

চেঁঘাও সাঁওতে শিখনৗত কাতে সাহায়াবন আঁধা পৗতয়ৗউ 

জান গুরুকে লাগা কাতে লিচৗড় সাঁওতাবন উৎনৗউ ।।

বেবেড়িচ কামিতে আতার এদাবন সাঁওতা 

মেনাঃ নিতহঁ সিয়ৗজারি এপের হেঁডেচ ভাঁওতা 

হাপিৎ আকানা তেহেঞ মানমিয়াঃ ভৗলৗই 

আবোদ মানমিয়াঃ বাড়িচ গেবন রিকৗই ।।

আদ বাং বয়হা —

তি তি সাপাপ কাতে সাঁওতা বন সুসৗরা 

জুমিৎ সিকড়ি তল কাতে লাহাঃ আবন উসৗরা ।।

আঃ সার কারি তাড়ওয়ারি আতে 

পিডগৗউ আকানাবন হানতে নাতে ।

মায়ামতে গাবাও আকান অত হাসা 

বাং বদল আকানা আবোয়াঃ দশা ।।

আদ বাং বয়হা —

নাহাঃ যুগ রে বদলাবন হৗতয়ৗর 

সাব্ আবন কাগজ কলম কম্পিউটার ।।