New santali onorhe টৗঁডি পরব
হড় কংকা লবডংকা ঞেঞেল বুরু-পাতা,
গুইডৗও আতো চালাঃ আক হরতে খাতা খাতা। ভাগে ভাগে দত, জুতৗ, নাওয়া ধুতি, শাড়ী,
রৗস্কৗঃ আক ডিগর-রুসিকঃ নুকু উদৗম গাড়ী।
গাদা গাদা মৗইজু হেরেল টটে কাতে গিদরৗ,
ডাংরী, কাডা, খৗড় কাতে ক দৗড়া গুতি, মাহরা। সেটের কাতে পান, বিড়ি ক হাতাও তাড়া তাড়া, লেমেতড়ে জম কাতে ক ঞেল ইসিড় বাড়া।
ঘেঁট খন ক ওডোংতাক লিপিঞ শাড়ী, সায়া, হরঃ-বাঁদে কাতেরেই হড়ম বাক বায়া।
ভরম দহয় লাগিৎ নুকু মনেতে ক সাজাঃ, আঁকিল-দিসৗ হুঁসতে অনা বেঁগেদ রেদম লাজাঃ। হিলৗও আতে কুড়ি কক এনেঃচু দাচাং দাচাং, কুকুঃচ্ ভাকুঃচ্ খেচড়া কড়া রুই ক ফেচাং ফেচাং।
কচে হরাসি, চশমা ঘুড়ি কলসাহাতে তলং,
বুল কাতেগে বাবু লেকায় দাঁড়ান টলং মলং। জৗত-মৗহিমৗন, ভরম বিচৗর বায় উরুমা ডেঢাই, দাড়ে দগধন ফুরতি নুকু সাদঃআ ক মৗডিয়ৗঃ,
বহঃ লাড়াও-হুমা কাতে কাথাতে দয় নুড়িয়ৗঃ।
গদাম পিছি ঞুয় ক হাঁডি মচা দ ক পৗরকৗও,
মঁড়ে মাহা রচকার তায় মিৎদিনতেয় খারবাও। উতুঃচ্ তুকুচু, হরতে চালাঃ যাঁদে-তাঁদেয় সাঁডাং, সিবডা ক সিঁডৗং দড়য় ঞাম জ যাঁহা উডৗং।
টাঁডি এনেঃচ্ চালাওকাতে তিনৗঃ বিপদ জটাঃ,
অনা দায়-দোষ দ উটি উটি লৗয়ৗঞ সিটাঃ পাটাঃ। হড়ম-দাড়ে মনে-জিউয়ি ঝত গেবন গসয়;
জৗতি, সমাজ, কুল ক আদ চিকীতে বন রহয়। দাড়ে দবন দোড়বোং এদা হড়ম দবন হাসায়,
মনে দবন মুমুয়গা জিউয়ি দবন জরায়।
সমাজ দবন সেঁদে-বেঁদে; ধরম দবন ধাসাও, জাতিদ দবন অজর-ঝবর; ভমর দবন নাসাও।
কুল করেবন কোলকায়া; কৗউডি দবন উডও, পাপকরেগে চাপো কাতে ঝতওয়াঃ ব ঢিলৗও।
মৗই মৗহিমাই মৗলডৗয়াব; আতুয়াব ইজ্জত,
টৗঁডি রেবন ছাঁমডাঃরে সানামাঃবন গুজ্জত। গেলবারেয়া অজগে আব পরবরে ব জটাও,
সাদঃ আবন রুঁবুঃচ্ এনহঁ বাবন বাতাও। জৗতি-ধরম হৗঁসরংরে নৗডি মেনাঃ রমজ,
অনা বৗগি কাতে আবন পাপ হরবন খকজ
নংকা কাতে বৗড়িঃচ, রেবন ঞুরুঃ উড়ুল-ডুবুল, বে-ভরম বৗউডৗঃ আবন কলসায়াবন চুগুল। অৗকিল-দিশৗ বানুঃ তেগে হড়খনবন ধুসৗঃ,
বুঝৗও কাতে বাবন বুঝৗঃ বাড়িঃচ্ তেবন টুসৗঃ।
 |
| New santali onorhe টৗঁডি পরব |
মুরুক তেগে আবরে দ বুরু-বঁগায় সমপাঃ,
খনিক লাগিৎ রৗস্কৗ কাতে আজরেদবন ঝামপাঃ। জাতি তরাও সানাবনরে ধরমতে বন তাড়াম, তবেয়েনা আব রেনাঃ কাথা দবন এম এপেম।
ধরম বেগর ইঞ আমরে বাং হিজুঃ আ পৗতিয়ৗও, সারি বেগর সুলুক রাসা চিকৗতে দম আঁটিয়ৗও, ধরম অৗকিল সাকুবঃ হড়াঃ রেলা তাক মঁজঃগে, সমাজরে দ বৗনুঃতাক বৗড়িচ রেনাঃ রোগে।
অনা তেগে উনকু রেয়াঃ সাটরে মিলন হোয়োঃ, হিদিস রেয়াঃ গুমান তেগে ঝতয়াঃগে সোয়োঃ। আবন যদি সানাবনা বোগে হড় লেকা তরাঃ,
টৗঁডি এনেচ্ মাবন বাগি তবে হুদিস হারাঃ। হারায়াবন অৗকিল, দিশৗ, পাতা বঁগা তেঁগেন, এঁড়েরে ত বায় হিজুঃআ তিসহঁ আব আগেন।
অনলিয়ৗ:-Sadhu Ramchand Murmu
More Stories
Santali shayari//Santali new shayari
New love shayari in santali // Facebook Shayari Santali
Santali new shayari english//Santali new shayari 2024