New santali shayari 2019

রেজ কিদিঞাক

 রেজ কিদিঞাক ঠৗঁয়চৗ ঠৗঁয়চি 

ইঞাঃ সাদ রেনাঃ সাধাওয়াঃ 

সোহাগ দুলৗড় 

উনকু নির্মায়া রিসৗঃ মনেয়ান 

বে-বাড়িজ —- 

হিসৗলিয়ৗ অজ হড়ক ।

New santali shayari 2019

আপড়েঁরেন হুয়ৗতে যাহাঁয় কগিঞ 

সারহাও লেৎ কওয়া লাহা 

বাংক ঞেল সাহাও লেৎ তিঞা 

ইঞাঃ হটঃ রেনাঃ 

গালাং দুলৗড়-বাহা মালা ।

হিরিজ পাসির ছিঞ-ছাতুরঃ 

ইঞাঃ জিউয়িরে অগাৎ আদাক 

জিওয়ী বিছকঃ 

ঝাক ঝাক সান লাসের কাঃ 

সিঁডৗং-সিঁয়ৗজারি 

হৗৎয়ৗর কড়াম তালা ।

New santali shayari 2019

তেঁগো য়েনাক 

আলিঞাঃ 

দুলৗড় এপেম চাপাল 

ডাহাররে তাঁগি তাঁড়াঃ 

বীর বোয় বুঁদি জানুম লেকা 

রাপ্ -রাপা ।

ধিৎকৗর জিওয়িরে সেটেরেনা 

ধিৎকৗর 

কাঁহিসতে আড়িসগে-ধিৎকৗর ।

বাং কয় তেগে 

যাহাঁয়ে যোগাও আদিঞ তাঁহেজ আ 

বোগেঃ ডাহারতে 

তাড়াম রেনাঃ দিল দাড়ে 

আজ কুশি তেগে 

বোগে বাড়িজ বুজ কাতে 

উদুঃ ঠৗওকৗ আদিঞ তাঁহেজ আয় 

আর্শালঃ রেনাঃ আহলা ক বাড়ে 

বে-বাড়িজ মৗয়লৗ জবরা খন 

সাহারে দহ লৗগিৎ 

যাঁহায় বেড়হাও কাতে দহ লে আয় 

ইঞরে আজাঃ নিছরা দুলৗড় আড়ে ।

New santali shayari 2019

পালেন আলিঞ সেবেল বোগে 

সুখ তেনাঃ 

জানিচ অনা আঁশতে ।

অক্ত রেনাঃ 

জিওয়ী ঞুতৗৎ হেঁদে চাকতে 

সাড়গম ভিঁদৗড় ইদি হয়েনায় 

নিতঃ উনি ।

আৎরারে চাঁগা য়েনা ডাহার 

রাপুৎ এনা আঁশ হা–য় 

আডি অসহায় 

মানমী গাডা বহেজ দাঃ রে 

আতু চালাঃ কানায় 

হুদিশ বানুঃ আন 

বাং বাডায়ান ঠাঁও অকারেচ 

সডঃ লিঁজি দাঃ তে 

অভাগিয়ৗ অঁডে ।

New santali shayari 2019

ইঞদ এখেন্ 

দুখৗলি আরাঃ মেৎকিন 

লোঁডা কাতিঞ ঞেলজং কানা 

সানাম সেৎতে বেড়হাও এনদ 

অনা রক রক ছুচৗ জানুমান ঝানিচ 

সানাম সেৎগে নুনৗঃ উসুল দ 

তিনৗঃ চ দিন গান রেনাঃ ?

সাগিঞ ইদিয়েনায় নিতঃ উনি 

এ্যনহঁ উইহৗর 

হিজুঃ রে অক্ত জানি 

জিওয়ীমা কাদার খানগে 

লেঃদ ঘানে ঘানে হা-য় ।

রেজ কিদিঞাক ঠৗঁয়চি ঠৗঁয়চি 

ইঞাঃ সাদ রেনাঃ সাধাওয়াঃ—

সোহাগ নির্মায়া রিসৗঃ মনেয়ান 

বে-বাড়িজঃ 

হিঁসৗলিয়া অজ-হড় । 

অনলিয়ৗ:-সীতারাম সরেন