Old Santali onorheনিতঃগে অকত //Santali new onorhe

Santali onorhe 2023

নিতঃগে অকত 

♣”””””””””””””””♣

 খট খট ! অকয় ?

ইঞ কান গিয়ৗঞ হো ইঞগে 

লৗড়হৗই ডৗহিরেন উরৗলিয়ৗ 

নিতগে অকত নিতঃগে 

ধিরি বাগাড় কাতে 

সনা পৗটুপ ওডোক রেয়াঃ ।

হেই কড় ! অকয় ?

ইঞ কান গিয়ৗঞ হো ইঞগে 

লৗড়হৗই রাদারেন হর উদুঃ ইচ 

নিতগে অকত নিতঃগে 

আঁঃ-সার বেনাও রেয়াঃ 

ঞুত গৗহির কানা ভোর লৗগিরৎ ।

হেই কুড়ি ! অকয় ?

ইঞ কান গিয়ৗঞ হো ইঞগে 

আমিচ দুলৗড়িয়ৗরেন রায়বার ইচ 

নিতগে অকত নিতঃগে 

পাঠে কেটেচ বাঁদে রেয়াঃ 

হাতওয়া কাতে তিয়োঃ হোয়োঃ তামা 

আমাঃ অৗইদৗর ডৗর ।

কাটাপ কাটাপ ! অকয় ? 

ইঞ কান গিয়ৗঞ হো ইঞগে

মারাং বুরুরেন নাঁওয়া চেলা 

নিতগে অকত নিতঃগে 

বোঁগা বুরু চুমৗড়ৗ রেয়াঃ 

খেরওয়াল বাখোল সভায় 

লৗগিৎ কো এভেনঃ কানা ।।