Onorhe জঙ্গল মহলরে ইঞ santali onorhe //2022-23 santali onorhe 

Santali onorhe

“জঙ্গল মহলরে ইঞ”

::::::::::::::::::::::::::::

 হায়রে জানাম দিশম 

হাহাড়াঃ হচ কিদিঞাম 

জানাম তরা গেকি রেঁগেচ তেতাং 

সোতঃ আদিঞাম ?

চোহোদদিক খালি মানমিয়াঃ রাঃ 

রেঁগেচ ঢানঢান বানুঃ আ জমাঃ 

রুওয়ৗ হাসু আজার জীয়নরে গতাড় 

সঁগে আকাদাক মানমি মিৎ লেতাড় 

মুরুখ লেলহা নিধৗন টুয়ৗর 

নওয়াকি ইঞৗঃ দিশম রেনাঃ চিতৗর ?

মিৎ পাহটাদ মেনাঃ কওয়া রাজআরী বায়ার 

আর মিৎ পাহটাদ জমিদারাঃ নাহাচার 

অনা তালারে আম ইঞ আব সঁগে হড় 

বুগি বাড়িচ বিচৗররে বানুঃ বনা জড় 

হিঁসৗ হিঁস খালি দলাদলিরে ঝালি 

হুলগৗরয়ৗ আড়াংতে মাশে অকয় মানমিয় রড় ।

ঞেল আকাদাম ডাহার চেতান মানমিয়াঃ তাড়াম 

ঞেল আকাদাম দিশমরে দিশুওয়ৗ আঃ তাপাম 

ঞেল আকাদাম ডাহিরে নেতা আঃ দিল 

সামাং আকানা মেৎরে মড়া আঃ মিছিল 

এনহঁকি সাহা আকানা মানমিয়াঃ দুখ 

সামাং আকানা কি দিশমরে সুখ ?

হিজুঃ আ ভোট হুয়ুঃ আ ভোট পারমঃ আ দিন 

পালটাও আকানাকি জঙ্গলমহল রেনাঃ চিন 

আদিবাসী দ গিরৗবাসীগে তাঁহেয়ানাক বিররে 

লাহান্তি দ বাং হুয় লেনা আক তালারে 

হুঁদিশ দিশৗ গালাৎ সলাৎ জঙ্গল মহলরে ইঞ 

চেৎ ইঞ অলা চেৎ ইঞ মেনা দিশৗ বৗনুঃ তিহিঞ ।।

অনলিয়ৗ:-S.Saren