Romantic Love Story Kahani লিল শাড়ি part-3

নংকাগে দিনৗম সোহাগি সালাঃ চালাঃ হিজুঃ হররেয় ঞাপামা,রপড়া।সোহাগি সালাঃ ঞেপেল ঞাপাম, রপড় তেগে শহর,বাজার দ আরহঁয় হিড়িঞ কেদা।

হিজুঃ সেনঃ হররে মিৎ বেড়া ঞাপাম,রপড় তেগে তিস করেচং সোহাগিয়াঃ মনে দ দুলৗড় সারসাও কাতে লুমৗং পাতনি লেকা উডৗও সেন কাতে সাঁওহেৎ আঃ মনে রেয় তল এনা।সাঁওহেৎ আর সোহাগিয়াঃ দুলৗড় সুনুম সাসাং লেকা মেশায়েনা।বাঁদঃ নাড়ি লেকা বেধাও এনা।দুলৗড় তাকিন নংকা বাড়তিয়েনা মিৎ বেড়া বাংকিন ঞাপাম লেনখান জিওয়ৗ ক অডক চালাঃ লেকাকিন বুঝৗওয়া।সিঞ হঁ ঞুত গেকিন আটকারা।আর মিৎ ধাও কিন ঞাপাম লেনখান সিঞ ঞিদৗ অকাহঁ বাকিন দিশৗয়া।চিকৗতে দুলৗড় নুনৗঃ গাহির এনা বাড়ায় গে বানুঃ আ।

নংকাগে মিৎ দিন তিকিন বেড়া নিচল অক্ত রে সাঁওহেৎ এ মেন কেদা–সোহাগি! 

Romantic Love Story Kahani লিল শাড়ি part-3

–চেৎ? 

–ইঞ বাজার তিঞ চালাও লেনখান চিকৗতিঞ তাঁহেনা আম বেগর।আম মিৎ বেড়া বৗঞ ঞেল লেম খান তাঁহেগে বৗঞ দাড়েয়াঃ আ।আর আম বৗঞ ঞেল লেমখান………………!

কাথা আওরি মুচৗৎ দঃ তেগে সোহাগিয় মেনকেদা–আম একলা সুমুং দ বাং আ সাঁওহেৎ দা,ইঞহঁত।ইঞহঁত সাঁওহেৎ দা,আম বৗঞ ঞেল লেমখান বৗঞ তাঁহে দাড়েয়াঃ আ।আচ্ছা সাঁওহেৎ দা আমকি বাজার তে চালাঃ গে হুয় আমা?বাম চালাও লেনখান বাং গানঃ তে।

–হেঁ সোহাগি চালাঃ গে হুয় ইঞা।বৗঞ চালাও লেনখান একাল গে বাং গানঃ আ।আর হুয় হঁ আডিদিনঞ হুয় এনা।

–আদ বাম হিজুঃ আ?

–চেদাঃ বাং আ সোহাগি।চিকৗতিঞ তাঁহেনা,আম বৗঞ ঞেল লেমখান।আচ্ছা সোহাগি ইঞিঞ চালাও লেনখান বাম হিড়িঞ ইঞাত?

–বাং আ সাঁওহেৎ দা তিস হঁ বাং।আমিঞ আপনার আকাৎ মেয়া আমরেন গিঞ তাঁহেনা।আম মা বাজার তেম চালাঃ আ,লৗই আক বাজার রেদ আডি নাপায় নাপায় কুড়ি,ইঞ খন হঁ নাপায় ক।আডি নাপায় কম ঞাম কওয়া,উন দ ইঞহঁম হিড়িঞ সারিঞা।নাসেহঁ বাম দিশৗঞা।

–চেদাঃ দ নংকাম রড় এদা সোহাগি?চিকৗতিঞ হিড়িঞ মেয়া!আম ছাড়া বৗঞ বাঞ্চা আ সোহাগি বঞ বাঞ্চা আ।চিকৗতিঞ তাহেনা সোহাগি চিকৗতে!

–কাথাম এমৗঞ কানাত সাঁওহেৎ দা,বাম হিড়িঞ সারিঞাত?

–আমহঁ কাথা ইমৗঞ মে সোহাগি তালা হররে বাম বাগিয়িঞা ত?

–কাথাঞ এমাম কানা সাঁওহেৎ দা তিস রেহঁ বৗঞ বাগিয়ামা।ইঞৗঃ তপল আকান দুলৗড় সৗগৗই তিস রেঁহ বৗঞ রাচাঃ তপাগা।

–এই সোহাগি।

Romantic Love Story Kahani লিল শাড়ি part-3

–হুঁ।

–গাপাদ বাজার তিঞ চালাঃ আ।সিঁগৗড় বেড়াম ঞাপাম দাড়েয়াঃ আ?

–হুঁ।

–বেড়া হঁয় হাঁসুরঃ কানা চল অড়াঃ তেলাং রুওয়ৗড়া।গাপালাং ঞাপামা।

–হুঁ।

মেনখান অড়াঃ চালাঃ লাগিৎ জাঁগা বাং লাহাঃ কানা,মনে বাং বাতাঃ কানা,এনতেরেঁহ তেহেঞ লেকাদ বৗই বৗইতে বিদৗই কিন হাতাও কেদা।

           অনলিয়ৗ:- Sakwa Mandi