Romantic Love Story Kahani লিল শাড়ি part-4

তেহেঞ সিঁগৗড় বেড়া,সাঁওহেৎ দ কোলকাতা বাজার তেয় চালাঃ আ।অনাতে সেতাঃ সেতাঃগে সানাম সাপাপ কদয় সামটাও কাৎ তায়া।বেড়া ইদিয়েনা সাঁওহেৎ হঁ উম ফারচা কাতে,জম বাড়া কাতে পারকম রে জিরৗও জিরৗও এ জাপিৎ কেদা।

জাপিৎ খন এভেন কাতে কাঁথ রে আকা আকাৎ টাইম ঘড়ি সেনে কয়ঃ কেদা,উনদ তিন(3)টা সাডে কানা।আদ বাং বিলম কাতে সাপড়াও আকাৎ সাপাপ ক সাব কাতে অডক এনা।

নতে সোহাগি সারা ঞিদৗ বায় জাপিৎ দাড়ে কাওদা দুলৗড় গাতে খাতির।তেহেঞ দুলৗড় গাতে তায় আচখন সৗঁগিঞ তেয় চালাঃ আ।চিকৗতেয় তাঁহেনা উনি বেগর।

Romantic Love Story Kahani লিল শাড়ি part-4

তেহেঞ ঞাপাম তায়ম আর তিশচয় ঞাপাম বাড়ায় বানুঃ আ।সৗত বাড়া কাতে তাড়াম কেদায় সাঁওহেৎ সালাঃ ঞাপাম লাগিৎ।

উডৗও চেঁড়ে লেকা ঞাপাম এনাকিন বাস স্টেন্ড রে।সাঁওহেৎ এ মেন কেদা–দেলা নাতে রেলাং রপড়া।লাফাং ডৗর রে আপ আকান জুরি পতাম লেকা স্টেন্ড রেনাঃ পছিম নাখারে তিঁগু আকান চাম্পা বাড়ে দারে,অনা বাড়ে বুটৗ রেকিন দুড়ুব এনা।তেহেঞ বানাহড় কিন ছাপাডাঃ আ।মেৎহা রে রৗস্কৗ বানুঃ আ,হড়ম জিওয়ি রে রমজ বানু আ।মনে ভিতরি রেগে আকিনাঃ দুঃখ রেনাঃ কাথাক কিন গাবান বাড়ায়েদা।সাঁওহেৎ অকা হুদিশ তেচ আচকাগেয় রড় কেদা–যাঁহানাঃ এম লৗই কেদা?সোহাগি হঁ অকা উইহৗর রেচয় ডুবুজ লেনা।সাঁওহেৎ আ রড় আড়াং লুতুর রে তারক আদেখান আচকাগেয় রড় রুওয়ৗড় কেদা–হুঁ,হেঁ।উকুর বাং আ ত।

–অ।মেন কাতে সাঁওহেৎ দয় থির এনা।সোহাগি অনা অক্তেয় রড় কেদা–সাঁওহেৎ দা তিসেম হিজুঃ আ বাজার খন?

–লগন গিঞ হিজুঃ আ সোহাগি।

তিন খন চং সোহাগিয়াঃ মেৎ কিন দ পিড়িপিড়ি কান তাঁহেন।মনে ভিতির রেগেয় রাঃ জং কান তাহেন।আদ বায় কেটেজ দহ দাড়েয়াদা খুঁসুৎ খুঁসুৎ আচকা গে রাঃ আড়াং তেয় লৗই কেদা–আম ছাড়া বৗঞ তাঁহে ক আ সাঁওহেৎ দা।ইঞহঁ ইদি তরাঞ মে।ইঞ হুঞ চালাঃ আ আম সাঁও।

–নংকাদ বাক মেনা সোহাগি।মনে আলম বাড়িজা।জিওয়ি আলম কাঁহিসা।যখনিঞ রুওয়ৗড় হিজুঃ আ উন দ ইঞ গিঞ ইদি মেয়া।ইঞগিঞ সাঁও মেয়া।থিরঃমে সোহাগি আলম রাগা।আমেম রাঃ লেখান ইঞ হুঞ রাগা।আচ্ছা সোহাগি,মাসে লৗই মে বাজার খন চেৎ কুঞ আগু তরা আমা?সোহাগি রাঃ মেৎহা থির ঞঃ কাতে দুলৗড় আড়াং তেয় মেন কেদা–আম কুশি।

–আমাঃ বাছাও রং তামদ লিল।হেঁ সে।

–হেঁ।

Romantic Love Story Kahani লিল শাড়ি part-4

–বাজার খন রুওয়ৗড় হিলোঃ লিল শাড়ি গিঞ আগু আমা।অনা শাড়ি বাঁদে কাতেঃ গে আমদ আলে অড়াঃ তিঞ ইদি মেয়া।

–সারিম লৗই এদা সাঁওহেৎ দা?

–হোয় সারিগে,একাল সারি।

বেড়াহঁ পছিম নাখা রেনাঃ উসুল বুরু রেয় দানাং অঃ কানা।অন্তে কয়ঃ কাতে সাঁওহেৎ এ মেন কেদা–সোহাগি বেড়ায় আঁড়্গয়েনা চল লাং।ইঞহঁ গাডি সাব হুয়ুঃ তিঞা।মিৎ ঘাড়িজ তায়ম গাডি হেচ এনা।সাঁওহেৎ এ দেজ এনা।তি লাড়াও কাতে বানা হড় বিদৗই কিন হাতাও কেদা।

                                 ” চালাঃ গেয়া”

             অনলিয়ৗ:- Sakwa Mandi