Romantic Love Story Kahani লিল শাড়ি part-6

দুলৗড় গে নংকানা,

ধারতি রে সারি দুলৗড় দ,. একাল গে বানুঃ আ।বাংদ চাঁদ আঃ লিখন গে নংকানা।এন্তে হড় মাক লৗই চাঁদ মা সানাম হড়াঃ নাপায় লাগিৎ গে মেনায়া।মেনখান ইঞৗঃ দ চেৎ এ অল কেদা?চেৎ তেয় তল কেদা?খালি দুঃখ এ এমাদিঞা।চেৎ ইঞ কৗই কেদা ইঞদ?দুলৗড় তপল গেকি ইঞৗঃ দ কৗই?দুলৗড় দকি নংকান গেয়া?সারাঘাড়ি ছাপাডা গেয় খজঃ আ..……….?নংকা উইহৗর ভাবনা ভাবনা তেগে দারে চটখন লিল শাড়ি আকায়েনা।তেহেঞ সরগ পুরি রে ঞিতুম এ অল কেদা।চাঁদ বঁগা আ কলেরে জায়যুগ লেকায় চালাও সারিয়েনা।

Romantic Love Story Kahani লিল শাড়ি part-6

নতে সোহাগি,তেহেঞ জিওয়ি ক আকুল বাকুল গেয় বুঝৗও এদা।মনে তিঁগু থিরগে বাং তাহেন কানা।হড়ম ঢিলৗও চালাঃ কান তায় লেকায় আটকারেদা।বাং,আদ বাংগেয় তাঁহে দাড়েয়াদা,অডক এনায়।তাড়াম তাড়াম তে সেটেরেনায় আজাঃ পাহিল তাড়াম ডাহার।জাঁহা ডাহার রে মিৎ দিন ডিগলৗ ডিগলি ধুড়ি অটাং আতেঃ তাড়াম এৎ তাঁহেন।অনা ডাহার রে তেহেঞ জাঁগা বাং লাহাঃ কানা।সোহাগি আডি সাঁগিঞ খন ঝালকাও আদেয়া শাড়ি রেনাঃ মিৎ আঞ্চার দ হিসিৎ হয়তে অটাং বাড়ায় কানা।আর মিৎ আঞ্চার দ…………।হিদিচ হেচ আদেয়া মনে রে,দিশৗ হেচ আদেয়া সাঁওহেৎ আ কাথা।

সোহাগি সেটের এনায় কাদাম বুটৗ।সেটের তরায় ঞেলেদ সাঁওহেৎ মায় আকা আকানা।দৗড় চালাও কাতে জাঁগারেয় হাড়ুব কেদেয়া।রাঃ রাঃ তে সাঁওহেৎ আ কাথা উইহৗর হেচ আয় কানা…সোহাগি আমদ অকা রং এম কুশিয়াঃআ?লিল,হেঁসে…কিরিঞ আগু আমিঞ আর অনা শাড়ি বাঁদে কাতেৎ গে আলে অড়াঃ তিঞ ইদি মেয়া।সাঁওহেৎ দা নওয়া দ চেৎ এম চিকৗ কেদা?চেদাঃদ বাম পাঁজা লিদিঞা?চেদাঃ বাম কুলি লিদিঞা_ইঞ রেন দম হুয়ুঃ আসে বাং?বৗঞ রুওয়ৗড় কাম কেয়া একেন তিদ।আমদ ইঞ রেন গেম তাঁহেনা ইঞ হঁ আম রেন গিঞ তাঁহেনা।আলাং গেলাং তাঁহেনা সারা জনম।শাড়ি রেনাঃ আর মিৎ আঞ্চার রে বহঃ পারম কাতেঃ সোহাগিই লৌই কেদা–আলম বাগিয়িঞা সাঁওহেৎ দা……বৗঞ এড়ে মেয়া। 

                                         “মুচৌৎ” 

                  অনলিয়ৗ:- Sakwa Mandi